ນ້ອງ ປີໃໝ່ ສຸກສະຫວັນ ວົງຊົມພູ ( Pimai Vongsomphou ) Miss Grand Laos 2024 ເປັນສ່ວນໜຶ່ງໃນການລົງລະດົມທຶນ ແລະ ລົງພື້ນທີ່ຊ່ວຍເຫຼືອພີ່ນ້ອງຊາວລາວ ທີ່ໄດ້ຮັບຜົນກະທົບຈາກໄພນໍ້າຖ້ວມຫຼາຍບ້ານໃນເຂດເມືອງຫາດຊາຍຟອງ ນະຄອນຫຼວງວຽງຈັນ ໃນທ້າຍອາທິດທີ່ຜ່ານມາ ກ່ອນກຽມພ້ອມຕໍ່ໃນການໄປປະກວດ ໃນເວທີລະດັບໂລກທີ່ປະເທດກໍາປູເຈຍ ແລະ ໄທ ໃນເດືອນຕຸລາ 2024.
ນ້ອງ ປີໃໝ່ ສຸກສະຫວັນ ວົງຊົມພູ ເປີດເຜີຍວ່າ: Miss Grand Laos 2024 ພ້ອມດ້ວຍປະທານ ແລະ ທີມງານກອງປະກວດ ຮ່ວມກັບຜະລິດຕະພັນຄຣີມກັນແດດ V’ORA Facial Sunscreen & ເຊລໍ້າເຈວບໍລຸງຜິວໜ້າ Aloe Vera Facial Gel ລົງພື້ນທີ່ຊ່ວຍເຫລືອ ແລະ ເປັນກຳລັງໃຈໃຫ້ກັບພໍ່ແມ່ປະຊາຊົນໃນເຂດ ບ້ານດອນ ເມືອງຫາດຊາຍຟອງ ນະຄອນຫລວງວຽງຈັນ ເມື່ອອາທິດທີ່ຜ່ານມາ ແລະ ຫລາຍບ້ານ ໃນເຂດເມືອງຫາດຊາຍຟອງໄດ້ຮັບຜົນກະທົບນໍ້າຖ້ວມຄັ້ງນີ້ ແລະ ຍັງຕ້ອງການຄວາມຊ່ວຍເຫລືອຫລາຍດ້ານ ບໍ່ວ່າຈະເປັນເຂົ້າສານອາຫານແຫ້ງ ຢາລົດໄຂ້ ແກ້ແພ້ແກ້ຄັນ ເຫລົ້າ 70 ແລະ 90 ເຄື່ອງນຸ່ງຫົ່ມເສື້ອຜ້າ ແລະ ເຄື່ອງໃຊ້ອື່ນໆທີ່ຈຳເປັນ
ສໍາລັບ ສາວ ສຸກສະຫວັນ ໂດດເດັ່ນຕັ້ງແຕ່ຮອບທໍາອິດໃນມື້ສຸດທ້າຍ ດ້ວຍຜິວພັນອັນເປັນເອກະລັກຂອງສາວລາວໃຕ້ ແລະ ຕອບຄໍາຖາມໄດ້ຢ່າງຄ່ອງແຄ້ວ ທ່າມກາງໃບໜ້າຫຍິ້ມແຍ້ມແຈ່ມໃສ່ ພ້ອມຮູບຮ່າງສວຍສົດງົດງາມ ກ່ອນທີ່ເຂົ້າຮອບ TOP 8 ແລະ ເຂົ້າຮອບ TOP5 ສາມາດກວາດ 2 ລາງວັນຄື Miss Grand Photogenic 2024 ແລະ Miss Grand Congnenality 2024 ກ່ອນທີ່ຈະຖືກຕັດສິນໃຫ້ເປັນ Miss Grand Laos 2024 ດ້ວຍການເອົາຊະນະ ໂຣຊີ ລົດຈະນາ ຂຸນນະວົງ ມິສແກຣນ ນະຄອນຫຼວງວຽງຈັນ ທີ່ໄດ້ຮອງອັນດັບ 1.
