ສະຫະພັນກິລາ ບິລຽດ-ສະນຸກເກີແຫ່ງຊາດລາວ ຮ່ວມກັບ ສະໂມສອນ ສະນຸກເກີ ແດງນ້ອຍ ອໍສະຕາຣ໌ ແລະ ກະຊວງສຶກສາທິການ ແລະ ກິລາ ຈັດການແຂ່ງຂັນກິລາ ສະນຸກເກີ 6 ແດງ ແຮນດີ້ແຄັບ ໂອເພັນ 2024 ຫຼື ລາຍການ Snooker Dengnoy All Star OPEN 2024 ຊິງເງິນລາງວັນລວມ 100,000,000 ລ້ານກີບ ລະຫວ່າງວັນທີ 15-21 ກັນຍາ 2024.
ການແຂ່ງຂັນລາຍການນີ້ ຈັດຂຶ້ນ ສະໂມສອນ ສະນຸກເກີ ແດງນ້ອຍ ອໍສະຕາ ບ້ານ ຮ່ອງໄກ່ແກ້ວ ເມືອງຈັນທະບູລີ ນະຄອນຫຼວງວຽງຈັນ ໃຫ້ກຽດເຂົ້າຮ່ວມໂດຍທ່ານ ລິຄິດ ອິນທະວົງ ຮັກສາການປະທານສະຫະພັນສະນຸກເກີ-ບິລຽດແຫ່ງຊາດລາວ ມີເຈົ້າຂອງສະໂມສອນ ສະນຸກເກີ ແດງນ້ອຍ ອໍສະຕາຣ໌, ຄະນະນຳ, ຄູຝຶກ ແລະ ນັກກິລາຈາກສະໂມສອນຕ່າງໆ ທັງພາຍໃນ ແລະ ຕ່າງປະເທດ ໂດຍສະເພາະແມ່ນປະເທດເພື່ອນບ້ານ ໄທ ເຂົ້າຮ່ວມ 100 ກວ່າຄົນ.
ລາຍການດັ່ງກ່າວ ຈັດຂຶ້ນ ກໍເພື່ອເປັນການສົ່ງເສີມຄວາມເຂັ້ມແຂງໃຫ້ແກ່ນັກກິລາໄດ້ມີການພັດທະນາ ເພື່ອກ້າວຂຶ້ນຮັບໃຊ້ທີມຊາດໃນອະນາຄົດ ໂດຍສະເພາະກຽມເຂົ້າຮ່ວມແຂ່ງຂັນງານກິລາຊີເກມ ຄັ້ງທີ 32 ຈະຈັດຂຶ້ນທີ່ປະເທດໄທ ໃນປີ 2025 ລາຍການນີ້ ຊຶ່ງມີນັກກິລາ ທັງພາຍໃນ ແລະ ຕ່າງປະເທດ ເຂົ້າຮ່ວມຫຼາຍກວ່າ 150 ຄົນ, ໃນນັ້ນ ສະເພາະແຕ່ນັກກິລາທີ່ມາຈາກປະເທດເພື່ອນບ້ານ (ໄທ) ເຂົ້າຮ່ວມເຖິງ 50 ກວ່າຄົນ, ໃນນັ້ນ ມີນັກສອຍຄິວລະດັບແຖວໜ້າປະເທດເຂົ້າຮ່ວມຫຼາຍຄົນ ສ່ວນ ນັກກິລາລາວ ນຳໂດຍ ສິດທິເດດ ສັກບ່ຽງ ຫຼື ໜຶ່ງເມືອງລາວ ຈະຈັດຂຶ້ນ ລະຫວ່າງ ວັນທີ 15-21 ກັນຍາ 2024.
