ຄໍລໍ້າລົດ ທີມຂ່າວເສດຖະກິດການຄ້າ ຈະນໍາສະເໜີ ຂໍ້ມູນທີ່ຈະເປັນປະໂຫຍດ ຫາກລົດທ່ານ ປະສົບໄພຖືກນໍ້າຖ້ວມ ເສຍຫາຍ ເຊິ່ງໃນເລື່ອງອຸປະກອນລົດທີ່ຄວນກວດສອບ ຫຼື ເຊັກສະພາບເບື້ອງຕົ້ນຫຼັງຈາກຖືກນໍ້າຖ້ວມ.
- ລະດັບນໍ້າຖ້ວມສູງເຖິງພື້ນລົດ ແຕ່ບໍ່ເຖິງລະດັບຂອງເບາະ ນັ່ງນັ້ນມີໂອກາດ ສ້າງຄວາມເສຍຫາຍ ໃຫ້ກັບອຸປະກອນ ແລະ ຊິ້ນສ່ວນຂອງລົດດັ່ງນີ້: ລະບົບເບຣກທັງ 4 ຂ້າງ ແລະ ຜ້າເບຣກ, ເຄື່ອງຈັກ, ຄັດຄອມແອ, ສາຍພານແອ ແລະ ໄດສະຕາສ, ພົມພາຍໃນຫ້ອງໂດຍສານ, ອຸປະກອນຫຼັກທີ່ຄວນເຊັກ ແລະ ຂໍ້ຄວນປະຕິບັດໃນເບື້ອງຕົ້ນ.
ສໍາລັບ ທີ່ຕີນລົດ ແລະ ອຸປະກອນ ຊ້ວງລ່າງຕ່າງໆ ຖືກແຊ່ຢູ່ນໍ້າເປັນເວລາດົນ ອາດເຮັດໃຫ້ເກີດຂີ້ໝ້ຽງ ລວມທັງລະບົບເບຣກທັງ 4 ລໍ້ ແລະ ຜ້າເບຣກກໍຄວນກວດເຊັກ ໃຫ້ລະອຽດ ສໍາຄັນຢ່າລືມກວດສອບໄດສະຕາສ ວ່າໄດ້ຮັບ ຄວາມເສຍຫາຍຫຼາຍໜ້ອຍພຽງໃດ ເຖິງແມ່ນວ່າໄດສະຕາສຖືກອອກແບບມາ ໃຫ້ມີຄວາມທົນທານ ແຕ່ໄດສະຕາສທີ່ໄດ້ຮັບຄວາມເສຍຫາຍ ຈາກນໍ້າເຂົ້າສາມາດເກີດບັນຫາແກ່ລົດໃນໄລຍະຍາວໄດ້.
ຖ້າຫາກພື້ນລົດປຽກ ສະແດງວ່າມີນໍ້າຊືມເຂົ້າໃນລົດ ໃຫ້ນໍາຜ້າປູພື້ນໄປຊັກ ແລະ ຕາກແດດໄວ້ ເພື່ອປ້ອງກັນກິ່ນອັບ ແລະ ຢ່າລືມລ້າງພາຍໃນລົດ ໃຫ້ສະອາດໂດຍ ເພື່ອລ້າງຮອບຂີ່ຕົມ ຫຼື ຮອຍເປື້ອນອອກ.
- ລະດັບນໍ້າຖ້ວມສູງເຖິງເບາະ ນັ່ງມີໂອກາດກໍຄວາມເສຍຫາຍ ໃຫ້ກັບອຸປະກອນ ແລະ ຊິ້ນສ່ວນຂອງລົດດັ່ງນີ້ ຫ້ອງຈັກລົດ, ກ່ອງ ECU, ແບັດເຕີລີ, ພັດລົມລະບາຍຄວາມຮ້ອນ, ເຄື່ອງຈັກ, ນໍ້າມັນເຄື່ອງ, ລະບົບເກຍ, ຂົ້ວສາຍໄຟຕ່າງໆ, ພວງມາໄລໄຟຟ້າ EPS, ໄຟໜ້າ ແລະ ໄຟທ້າຍ, ເບາະນັ່ງ , ແຜງນວມປະຕູ, ສະວິດແຜງປະຕູ ແລະ ລະບົບເຊັນທັດລັອກ, ຊຸດຕູ້ແອ, ຫ້ອງໂດຍສານພາຍໃນ , ຫ້ອງເກັບເຄື່ອງທ້າຍ
ໃນກໍລະນີຫາກລົດນໍ້າຖ້ວມສູງ ເຖິງເບາະນັ່ງນັ້ນ ເມື່ອນໍາລົດອອກຈາກນໍ້າ ຫ້າມຕິດຈັກ ຫຼື ບິດກຸນແຈໄປທີ່ ON ໂດຍເດັດຂາດ ເພາະລະດັບຄວາມສູງຂອງນໍ້າ ຈະສ້າງຄວາມເສຍຫາຍ ພາຍໃນຫ້ອງເຄື່ອງຈັກ ຈຶ່ງຄວນຖອດແບັດເຕີລີອອກທັນທີ ແລະ ກວດສອບອຸປະກອນອື່ນໆ ເຊັ່ນ ພັດລົມລະບາຍຄວາມຮ້ອນ ເຊິ່ງສໍາຄັນຫຼາຍສໍາລັບການຖ່າຍເທຄວາມຮ້ອນຂອງຈັກ ຫຼື ກ່ອງ ECU ທີ່ເປັນສະໝອງກົນໄຟຟ້າ ຄວບຄຸມເຄື່ອງຈັກ ທີ່ສໍາຄັນອີກຢ່າງແມ່ນ ລະບົບເກຍ, ລະບົບຂອງແຫຼວ ລະບົບຫຼໍ່ລື້ນຕ່າງໆ ຂອງລົດ ແລະ ຄວນເຮັດການໄລ່ຄວາມຊື່ນອອກຈາກລົດ.
3 ລະດັບນໍ້າຖ້ວມສູງເຖິງຄອນໂຊນໜ້າ ຫຼື ຖ້ວມເບີດຫຼັງຄາ ຄືລະດັບທີ່ສ້າງຄວາມເສຍຫາຍສູງທີ່ສຸດ ຄື: ໂຄ່ງຮ່າງລົດ, ສີລົດ ໄຟໜ້າ ແລະ ໄຟທ້າຍ ຫ້ອງເຄື່ອງຈັກ, ກອງອາກາດ, ໄດສາກ, ຫົວທຽນ, ມໍເຕີ້ປັດນໍ້າຝົນ, ແຜງຄອນເດັນເຊີແອ, ໝໍ້ນໍ້າ, ຂອງແຫຼວຕ່າງໆ, ທີ່ສໍາຄັນ ໃນອຸປະກອນທີ່ນໍ້າຖ້ວມເຊັ່ນ ນໍ້າມັນເຄື່ອງ, ນໍ້າມັນເກຍ, ນໍ້າມັນເບຣກ, ນໍ້າມັນພວງມາໄລ ແລະ ນໍ້າມັນເຊື້ອໄຟໃນຖັງ ອຸປະກອນຕ່າງໆ ພາຍໃນຫ້ອງໂດຍສານ ເຊັ່ນ ຊຸດຄວບຄຸມ ອຸນນະພູມແບບດິຈິຕອນ, ວິທະຍຸ, ຄອນໂຊນໜ້າ, ລະບົບຖົງລົມ, ລະບົບໄຟສ່ອງສະຫວ່າງ, ຝ້າຫຼັງຄາ, ມ້ານຖົງລົມ, ຊັນຣູບ, ຊ່ອງແອ, ມໍເຕີພັດລົມແອ, ໜ້າປັດເຮືອນໄມ, ຂອບຢາງປະຕູ
ຂໍ້ຄວນປະຕິບັດເບື້ອງຕົ້ນເມືອລົດນໍ້າຖ້ວມ
ລະດັບທີ 3 ເປັນລະດັບທີ່ສ້າງຄວາມເສຍຫາຍຫຼາຍ ເມື່ອນໍາລົດຂຶ້ນມາຈາກນໍ້າ ແລ້ວ ຫ້າມຕິດຈັກລົດ ຫຼື ບິດກຸນແຈໄປທີ່ ON ໂດຍເດັດຂາດ ເຊັ່ນດຽວກັບລະດັບທີ 2 ເພາະອາດເຮັດໃຫ້ເຄື່ອງຈັກ ໄດ້ຮັບຄວາມເສຍຫາຍຫຼາຍ ລະບົບໄຟລັດວົງຈອນ ຄວນຖອດແບັດເຕີລີ ອອກທັນທີ.
ຈາກນັ້ນໃຫ້ເອົາຊ່າງແປງລົດ ມາກວດເຊັກ ນໍ້າມັນເຄື່ອງທຸກຢ່າງ ເຊັ່ນ: ນໍ້າມັນເກຍ, ນໍ້າມັນເຄື່ອງ, ນໍ້າມັັນເບຣກ, ນໍ້າຢາຫຼໍ່ເຢັນ ຫຼື ສານຫຼໍ່ລື້ນ ເປັນຕົ້ນແມ່ນ ກະແລັດ, ອຸປະກອນໄຟຟ້າຕ່າງໆ ທີ່ແຜງໜ້າປັດ ແລະ ຄອນໂຊນ ຕ້ອງແກະອອກມາເພື່ອທໍາຄວາມສະອາດ ແລະ ເປົ່າໃຫ້ແຫ້ງ.
ລົດຈົມນໍ້າສ່ວນໃຫຍ່ ຫຼັງຈາກແ້ໄຂບັນຫາທີ່ກ່າວມາ ແລ້ວທັງໝົດ ອາດບໍ່ສາມາດກັບມາເຮັດວຽກປົກະຕິຄືເກົ່າໄດ້.
ເມື່ອກວດໃນເບື້ອງຕົ້ນ ຄວນຮີບແຈ້ງປະກັນ ໃຫ້ມີການນໍາສົ່ງລົດເຂົ້າສູນ ເພື່ອຫຼຸດໂອກາດເກີດຄວາມເສຍຫາຍ ຕ່າງໆເພີ່ມຂຶ້ນ.
ເພື່ອແບ່ງເບົາບັນຫາຄ່າໃຊ້ຈ່າຍ ຂໍແນະນໍາໃຫ້ເພີ່ມການປະກັນທີ່ຄວບຄຸມເຖິງໄພທໍາມະຊາດ ເພາະວ່າເຮົາບໍ່ສາມາດຮູ້ໄດ້ວ່າຈະເກີດຫຍັງຂຶ້ນກັບອະນາຄົດ ຫາກມີປະກັນທີ່ຄຸ້ມຄອງ ທີ່ມີຄວາມເສຍຫາຍບາງສ່ວນ ກໍຈະໄດ້ຮັບຄວາມຊ່ວຍເຫຼືອ ໃນເລື່ອງການໃຊ້ຈ່າຍ ການສ້ອມແປງ ແລະ ຖ້າຕ້ອງການຄວາມໝັ້ນໃຈ ໃນການຂັບຂີ່ລົດ ອາດຈະເຂົ້າໄປສືກສາຂໍ້ມູນ ເລື່ອງການຊື້ປະກັນລົດເອົາໄວ້ ໝັ້ນໃຈໄດ້ຫຼາຍຂຶ້ນກັບບັນດາບໍລິສັດປະກັນໄພ ຕ່າງທເພີ່ມເຕີມໄດ້.
ຢ່າງໃດກໍຕາມ ໃນກໍລະນີ ນໍ້າຖ້ວມແບບກະທັນຫັນ ທີ່ມີການພັດເສດໄມ້ ຫຼື ເສດຂີ້ເຫຍື້ອມາເກາະຕິດ ເຊິ່ງໄດ້ສ້າງຄວາມເສຍຫາຍຕໍ່ໂຄງຮ່າງ ແລະ ສີຂອງລົດ ທັງນີ້ຕ້ອງໄດ້ອະນາໄມລົດ ແລະ ກວດກາເບິ່ງຄວາມເສຍຫາຍໂຕຈິງ.
