ຫົວສີໄຄ ເປັນພືດຜັກ ທັງເປັນສະໝຸນໄພ ສາມາດນຳໄປປະກອບໃນການປຸງແຕ່ງອາຫານໄດ້ຫຼາຍປະເພດ ທັງຄາວ ແລະ ຫວານ, ແຕ່ຄົນລາວເຮົານິຍົມເອົາມາປະກອບໃນການປຸງແຕ່ງອາຫານຄາວ ເຊິ່ງມັນຈະຊ່ວຍຫຼຸດກິ່ນຄາວ ແລະ ເພີ່ມຄວາມຫອມເຮັດໃຫ້ອາຫານໜ້າກິນຕື່ມອີກ.
ຫົວສີໄຄ ສາມາດປູກໄດ້ໃນພື້ນດິນກວ້າງ ຫຼື ຖັງກໍໄດ້ ເຊິ່ງອາດຕ້ອງໃຊ້ຖັງທີ່ອ່າວໃຫຍ່ ແລະ ເລິກແດ່ໜ້ອຍໜຶ່ງ ດັ່ງນັ້ນເຮົາຈະມາແນະນຳການປູກທັງ 2 ແບບ.
ການກະກຽມຫົວສີໄຄໄວ້ເຮັດແນວພັນ: ແມ່ນໃຫ້ຕັດຫົວສີໄຄ ຫົວທີ່ໃຫຍ່ແຂງແຮງ ໂດຍຕັດປາຍອອກ ແລ້ວນຳໄປແຊ່ນໍ້າໄວ້ ບາດຈະປູກແລ້ວຈຶ່ງເອົາລົງຂຸມ.
▶ການປູກໃສ່ຖັງ: ແມ່ນໃຫ້ເອົາດິນຮອງພື້ນ ແລ້ວອີກເຄິ່ງໜຶ່ງຂອງຖັງແມ່ນໃຫ້ເອົາດິນປະສົມແກບດຳ ແລະ ແກບຂາວ ພ້ອມຝຸ່ນຄອກ ຈາກນັ້ນກໍຂຸດເປັນຂຸມ, ແລ້ວເອົາສີໄຄ ທີ່ກຽມໄວ້ເຮັດແນວມາລົງຂຸມທີ່ຂຸດໄວ້ ແລ້ວເອົາດິນປົກເທິງຫົດນໍ້າປົກກະຕິ.
▶ການປູກໃສ່ດິນ: ໃຫ້ປູກຫ່າງກັນຢ່າງໜ້ອຍ 50 ຊັງຕີແມັດ ເພາະວ່າເວລາຫົວສີໄຄປົ່ງຂຶ້ນສຸມຈະໃຫຍ່, ໃບຈະ ກວ້າງອອກ; ດັ່ງນັ້ນປູກຫ່າງກັນຈະເຮັດໃຫ້ຫົວໃຫຍ່.
ການກະກຽມຫົວສີໄຄໄວ້ເຮັດແນວພັນ: ແມ່ນໃຫ້ເລືອກຕັດຫົວສີໄຄ ຫົວທີ່ໃຫຍ່ແຂງແຮງ ໂດຍຕັດປາຍອອກແລ້ວນຳໄປແຊ່ນໍ້າປະມານ 2 ຊັງຕີແມັດປະໄວ້ ປະມານ 2 – 4 ມື້ ຫົວສີໄຄ ກໍຈະເລີ່ມປົ່ງຮາກຍາວອອກ ບາດຈະປູກແລ້ວຈຶ່ງເອົາລົງຂຸມເລີຍ ກໍຈະເຮັດໃຫ້ຫົວສີໄຄປົ່ງໄວ.
▶ຂັ້ນຕອນປູກ: ແມ່ນໃຫ້ຂຸດຂຸມກວ້າງຢ່າງໜ້ອຍປະມານ 15 – 20 ຊັງຕີແມັດ ແລະ ເລິກປະມານ 5 – 10 ຊັງຕີແມັດ ໂດຍພື້ນດິນອາດຈະເອົາຂີ້ແກບຈູດ ແລະ ຂີ້ແກບດິບມາປະສົມກັບດິນຮອງພື້ນ ແລ້ວເອົາຫົວສີໄຄແນວພັນທີ່ກຽມໄວ້ລົງໄປປູກ ໂດຍການປູກແມ່ນຈະວາງແນວພັນເປັນແບບສະຫຼຽງ ( ເອົາລຳຕົ້ນກ່າຍໃສ່ປາກຂຸມ ) ຂຸມລະປະມານ 3 – 5 ຫົວ ຈາກນັ້ນໃຫ້ເອົາດິນຖົມແລ້ວຢຽບໃຫ້ແໜ້ນແລ້ວຫົດນໍ້າໃສ່ເປັນປົກກະຕິ.
