ກຳປູເຈຍ ວາງແຜນຈັດສັນງົບປະມານ 200 ລ້ານກວ່າໂດລາ ເພື່ອສ້າງຖະໜົນວົງແຫວນບໍລິເວນຊາຍແດນ ໃຫ້ສຳເລັດພາຍໃນ 10 ປີ.
ທ່ານ ຮຸນມາເນັດ ນາຍົກລັດຖະມົນຕີ ກໍາປູເຈຍ ເປີດເຜີຍວ່າ: ປັດຈຸບັນໄດ້ສ້າງຖະໜົນວົງແຫວນຊາຍແດນໄປແລ້ວ ປະມານ 1.300 ກິໂລແມັດ ຫຼື ຄິດເປັນປະມານເກືອບ 50% ຂອງຄວາມຍາວທັງໝົດ ແລະ ວາງແຜນສ້າງຖະໜົນພາກສ່ວນທີ່ເຫຼືອໃຫ້ສຳເລັດພາຍໃນ 10 ປີ ໂດຍມີຄ່າໃຊ້ຈ່າຍຫຼາຍກວ່າ 200 ລ້ານໂດລາ.
ທ່ານ ຮຸນມາເນັດ ໄດ້ເປີດກອງທຶນພັດທະນາໂຄງລ່າງພື້ນຖານບໍລິເວນຊາຍ ( BIDF ) ໃນວັນທີ 26 ສິງຫາຜ່ານມາ ເຊິ່ງມີເປົ້າໝາຍລະດົມທຶນເພີ່ມຕື່ມ ເພື່ອພັດທະນາພື້ນຖານໂຄງລ່າງຕາມຊາຍແດນຂອງກຳປູເຈຍ ໂດຍເນັ້ນໃສ່ການກໍ່ສ້າງເສັ້ນທາງຖະໜົນວົງແຫວນຊາຍແດນເປັນຫຼັກ ເຊິ່ງຂະນະນີ້ມີປະຊາຊົນເກືອບ 400.000 ຄົນ ບໍລິຈາກເງິນໃຫ້ກັບກອງທຶນນີ້ ແລະ ການລະດົມທຶນນີ້ຍັງມີຂຶ້ນຢ່າງຕໍ່ເນື່ອງ.
ທັງນີ້, ທ່ານ ຮຸນມາເນັດ ໄດ້ສະແດງຄວາມຂອບໃຈຢ່າງຕໍ່ເພື່ອນຮ່ວມຊາດຊາວກຳປູເຈຍ ຈາກທັງໃນປະເທດ ແລະ ຕ່າງປະເທດ ທີ່ໃຫ້ການສະໜັບສະໜູນກອງທຶນນີ້.
