ໂສລິຍາ ບຸນໄຊງາມ ສາວງາມເມືອງຊ້າງ ແຂວງໄຊຍະບູລີ ພ້ອມເຮັດທຸກໂອກາດໃຫ້ດີທີ່ສຸດ ຫຼັງໄດ້ຮັບການແຕ່ງຕັ້ງຢ່າງເປັນທາງການ ໃຫ້ດຳລົງຕຳແໜ່ງ Miss Cosmo Laos 2024 ທີ່ຈະເປັນຕົວແທນສາຍສະພາຍລາວ ໃນການເຂົ້າຮ່ວມປະກວດໃນເວທີ Miss Cosmo 2024 ຢູ່ທີ່ປະເທດຫວຽດນາມ ໃນລະຫວ່າງວັນທີ 12 ກັນຍາ – 5 ຕຸລາ 2024.
ໂສລິຍາ ບຸນໄຊງາມ ໃຫ້ສໍາພາດວ່າ: ຮູ້ສຶກດີໃຈ ແລະ ພາກພູມໃຈຢ່າງຍິ່ງທີ່ທາງຜູ້ໃຫຍ່ເພິ່ນເຫັນສັກກະຍະພາບນ້ອງ ຈິ່ງໄດ້ແຕ່ງຕັ້ງນຍ້ອຍນເປັນຕົວແທນຂອງປະເທດລາວ ເຂົ້າຮ່ວມປະກວດໃນເວທີ Miss Cosmo 2024 ທີ່ປະເທດຫວຽດນາມ ເປັນຄົນລາວຄົນທໍາອິດ ທີ່ຈະໄປສະແດງຄວາມສາມາດຂອງສາວລາວ ແລະ ວັດທະນະທໍາຂອງລາວ ໃນເວທີສາກົນ, ສ່ວນນ້ອງເອງຈະສັນຍາວ່າຈະເຮັດໃຫ້ດີທີ່ສຸດເຮັດທຸກໂອກາດ ແລະ ທຸກວິນາທີໃຫ້ຄຸ້ມຄ່າທີ່ສຸດ ເຊິ່ງປັດຈຸບັນນ້ອງໄດ້ກຽມຄວາມພ້ອມຢ່າງຫຼາຍດ້ານ ໂດຍສະເພາະແມ່ນການຝຶກຊ້ອມການຍ່າງຢູ່ເທີງເວທີ, ຮຽນພາສາອັງກິດ ແລະ ພາສາຫວຽດນາມ ເພີ່ມຕື່ມ ແນ່ນອນກ່ອນນ້ອງຈະໄດ້ມາຢືນຢູ່ຈຸດນີ້ ນ້ອງໄດ້ຜ່ານຜ່າອຸປະສັກຫຼາຍໆຢ່າງ ແລະ ທຸກອຸປະສັກດັ່ງກ່າວມາໄດ້ສອນນ້ອງ ແລະ ເຮັດໃຫ້ນ້ອງໄດ້ມີຄວາມກ້າຫານຂຶ້ນ ຈົນມາຮອດຈຸດສູງສຸດດ້ວຍການເປັນ Miss Cosmo Laos 2024 ເພື່ອໄປປະກວດໃນເວທີສາກົນ.
ໂສລິຍາ Miss Cosmo Laos 2024 ກໍານົດອອກເດີນທາງ 12 ກັນຍານີ້ຮ່ວມເວທີລະດັບໂລກ ທີ່ຫວຽດນາມ ໃນເວລາ 12:00 ໂມງ ດ້ວຍສາຍການບິນສາກົນວັດໄຕ ຮ່ວມສົ່ງແຮງໃຈກັບໃຫ້ກັບນ້ອງແດ່ເດີ
ຂ່າວ: Larh Creators; ຮູບຈາກ: M’Mie Bounsayngam
