ນັກກີລາສະນຸກເກີລາວ ເຮັດໄດ້ຄວ້າສິດໄປແຂ່ງຂັນລາຍການລະດັບອາຊີບໂລກ ອີກຄັ້ງ

ທ້າວ ຫົງສາວະດີ ວົງໄຊ ນັກກິລານັກນຸກເກີມື 1 ປະເທດລາວ ປະເພດພູ ສ້າງປະຫວັດສາດໜ້າໃໝ່ ໃຫ້ແກ່ວົງການກີລາບິລຽດ-ສະນຸກເກີ ດ້ວຍການໄດ້ສິດເຂົ້າຮ່ວມແຂ່ງຂັນ ລາຍການລະດັບອາຊີບໂລກ (World Nineball Tour Ranking) ຊຶ່ງເປັນລາຍການລະດັບ World Profesional Pool Tournament ທີ່ຈະຈັດຂຶ້ນໃນກາງເດືອນຕຸລາ 2024 ທີ່ນະຄອນຫຼວງຮ່າໂນ່ຍ ສສ ຫວຽດນາມ ຮັບກຽດເປັນເຈົ້າພາບ.

ອີງຕາມການເປີດເຜີຍຂອງ ທ່ານ ລິຄິດ ອິນທະວົງ ຮັກສາການປະທານ ແລະເລຂາທິການສະຫະພັນບິລຽດ-ສະນຸກເກີ້ ແຫ່ງຊາດລາວ ລາຍງານໃຫ້ຮູ້ວ່າ: ເມື່ອອາທິດທີ່ຜ່ານມາ ທ້າວ ຫົງສາວະດີ ວົງໄຊ ໄດ້ລົງແຂ່ງຂັນໃນລາຍການ Mansion Sport Nineball Tournament ທີ່ແຂວງພັດທະຍາ ປະເທດໄທ ຊຶ່ງເປັນລາຍການຄັດເລືອກ ເອົາ 3 ນັກກິລາ ໃນພູມິພາກອາຊີຕາເວັນອອກສ່ຽວໃຕ້ ຫຼື ອາຊຽນ ເພື່ອເທີນໂປເຂົ້າໄປແຂ່ງຂັນລາຍການໃນລະດັບອາຊີບໂລກ ຫຼື World Nineball Tour Ranking ຜ່ານການແຂ່ງຂັນຜົນປະກົດວ່າ: ທ້າວ ຫົງສາວະດີ ວົງໄຊ ສາມາດໂຊຟອມໄດ້ຢ່າງສຸດຍອດ ຈົບອັນດັບທີ 3 ໃນການແຂ່ງຂັນລາຍການດັ່ງກ່າວ ທີ່ມີນັກກິລາເຂົ້າຮ່ວມແຂ່ງຂັນຄັດເລືອກເຖິງ 256 ຄົນ ຈາກບັນດາ 11 ປະເທດໃນຂົງເຂດອາຊຽນ.

ສົ່ງຜົນໃຫ້ທ້າວ ຫົງສາວະດີ ວົງໄຊ ນັກກິລາພູ ມື 1 ທີມຊາດລາວ ໄດ້ສິດເຂົ້າຮ່ວມແຂ່ງຂັນ ໃນ World Nineball Tour ເປັນເວລາ 2 ປີ ຕິດຕໍ່ກັນ ແລະ ລາຍການທຳອິດຂອງ World Nineball Tour ລະດູການ 2024-2025 ຈະເປີດແຂ່ງຂັນ ໃນວັນທີ 8-13 ຕຸລາ 2024 ທີ່ ເມື່ອງຮ່າໂນ່ຍ ສສ ຫວຽດນາມ ຮັບກຽດເປັນເຈົ້າພາບ.