ການແຂ່ງຂັນເທຄວັນໂດຊິງຂັນທ່ານ ເອກອັກຄະລັດຖະທູດ ສ. ເກົາຫລີ ຄັ້ງທີ VIII ປີນີ້ຈັດຂຶ້ນໃນວັນທີ 07 ກັນຍາ 2024 ທີ່ ພັດຕະຄານລ້ານຊ້າງ ແຂວງຫລວງພະບາງ ເຊິ່ງມີລາຍການແຂ່ງຂັນ 134 ລາຍການ ແລະ ສະໂມສອນທີ່ເຂົ້າຮ່ວມການແຂ່ງຂັນຄັ້ງນີ້ ມີທັງໝົດ 17 ສະໂມສອນ ປາກົດວ່າ: ສະໂມສອນເທຄວັນໂດ ຕະວັນ A ກວາດໄປ 18 ຫຼຽນຄໍາ, 10 ຫຼຽນເງິນ ແລະ 8 ຫຼຽນທອງ ຄວ້າຂັນແຊັມໄປຄອງ.
ການແຂ່ງຂັນກິລາເທຄວັນໂດ ທົ່ວປະເທດ ຊິງຂັນທ່ານເອກອັກຄະລັດຖະທູດ ສ.ເກົາຫຼີ ຄັ້ງທີ VIII ປີ 2024 ປີນີ້ ຈັດຂຶ້ນ ຊຶ່ງເປັນຄັ້ງທຳອິດ ທີ່ພັດຕະຄານລ້ານຊ້າງ ເມືອງມໍລະດົກໂລກ ແຂວງຫຼວງພະບາງ ໃຫ້ກຽດເຂົາຮ່ວມ ແລະ ມອບລາງວັນໂດຍທ່ານ ຈອງຢອງຊູ ເອກອັກຄະລັດຖະທູດ ສ ເກົາຫຼີ ປະຈໍາ ສປປ ລາວ, ທ່ານ ບຸນເລື່ອມ ມະນີວົງ ຮອງເຈົ້າແຂວງຫຼວງພະບາງ ແລະ ທ່ານ ປະສາດໄຊ ພິລາພັນເດຊ໌ ປະທານສະຫະພັນເທຄວັນໂດແຫ່ງຊາດລາວ ພ້ອມດ້ວຍຄະນະບໍລິຫານງານ, ຄູຝຶກ ແລະ ນັກກິລາ ຕະຫຼອດຮອດ ກອງເຊຍຊາວເມືອງມໍລະດົກໂລກເຂົ້າຮ່ວມ.
ໂອກດານີ້, ທ່ານ ຈັນທະວົງ ປັນຍາສິລິ ເລຂາທິການສະຫະພັນເທຄວັນໂດແຫ່ງຊາດລາວ ລາຍງານໃຫ້ຮູ້ວ່າ: ການແຂ່ງຂັນກິລາເທຄວັນໂດ ທົ່ວປະເທດ ຊິງຂັນທ່ານເອກອັກຄະລັດຖະທູດ ສ.ເກົາຫຼີ ຄັ້ງທີ VIII ຈັດຂຶ້ນ ໃນວັນທີ 07 ກັນຍາ 2024 ທີ່ ພັດຕະຄານ ລ້ານຊ້າງ ແຂວງຫຼວງພະບາງ ມີການຊີງໄຊທັງໝົດ 134 ລາຍການ ມີນັກກິລາເຂົ້າຮ່ວມ 235 ຄົນ ຈາກ 17 ພາກສ່ວນ, ໃນນັ້ນ ມາຈາກ 7 ແຂວງ, 1 ກະຊວງປ້ອງກັນຄວາມສະຫງົບ ຫຼື ປກສ ແລະ 9 ສະໂມສອນອ້ອມຂ້າງ ສູນກາງ ນະຄອນຫຼວງວຽງຈັນຮ່ວມແຂ່ງຂັນ.
ການແຂ່ງຂັນຄັ້ງນີ້ ມີການຊີງໄຊ 3 ປະເພດ ຄື : ປະເພດຕໍ່ສູ້ປ້ອງກັນຕົວ, ຟ້ອນປຸ້ມແຊ ແລະ ການສະແດງຄວາມສາມາດ ມີລະດັບທັງຮຸ່ນອານຸຊົນ, ເຍົາວະຊົນ ແລະ ຊາວໜຸ່ມ, ລວມລາຍການແຂ່ງຂັນທັງໝົດ 134 ລາຍການ ແລະ ມີນັກກິລາເຂົ້າຮ່ວມ 235 ຄົນ ຈາກ 17 ພາກສ່ວນ, ໃນນັ້ນ ມີ 7 ແຂວງ, 1 ກະຊວງປ້ອງກັນຄວາມສະຫງົບ ຫຼື ປກສ ແລະ 9 ສະໂມສອນ ເຂົ້າຮ່ວມ ຊຶ່ງໄດ້ຮັບການອຸປະຖໍາ ຈາກຫຼາຍພາກສ່ວນ ທັງໝົດ 177.000.000 ກີບ.
ຜ່ານການແຂ່ງຂັນຕະຫຼອດວັນເສົາທີ 7 ກັນຍາ 2024 ໝົດມື້ ຜົນປະກົດວ່າ:
1. ເຈົ້າຫຼຽນຄຳ ແລະ ຂັນຊະນະເລີດ ເປັນຂອງ ຕະວັນ ເອ ກວາດ 18 ຫຼຽນຄຳ, 10 ຫຼຽນເງິນ ແລະ 8 ຫຼຽນທອງ.
2. ອັນດັບທີ 2 ເປັນຂອງ ຫຼວງພະບາງ ເອ ຍາດໄດ້ 15 ຫຼຽນຄຳ, 6 ຫຼຽນເງິນ ແລະ 12 ຫຼຽນທອງ.
3. ອັນດັບທີ 3 ລ້ານຊ້າງ ເອ ຍາດໄດ້ 12 ຫຼຽນຄຳ, 5 ຫຼຽນເງິນ ແລະ 2 ຫຼຽນທອງ.
4. ອັນດັບທີ 4 ພີເອັມເອັດ ເອ ຍາດໄດ້ 5 ຫຼຽນຄຳ, 8 ຫຼຽນເງິນ ແລະ 9 ຫຼຽນທອງ.
5. ອັນດັບທີ 5 ແຊວງຈຳປາສັກ ຍາດໄດ້ 4 ຫຼຽນຄຳ, 2 ຫຼຽນເງິນ ແລະ 15 ຫຼຽນທອງ.
6. ອັນດັບທີ 6 ແຂວງຊຽງຂວາງ ຍາດໄດ້ 3 ຫຼຽນຄຳ, 4 ຫຼຽນເງິນ ແລະ 7 ຫຼຽນທອງ.
7. ອັນດັບທີ 7 ແຂວງອຸດົມໄຊ ຍາດໄດ້ 3 ຫຼຽນຄຳ, 3 ຫຼຽນເງິນ ແລະ 6 ຫຼຽນທອງ.
8. ອັນດັບທີ 8 ມາດເຕີເລ້ ຍາດໄດ້ 2 ຫຼຽນຄຳ, 4 ຫຼຽນເງິນ ແລະ 12 ຫຼຽນທອງ.
9. ອັນດັບທີ 9 ແຂວງຄຳມ່ວນ ຍາດໄດ້ 2 ຫຼຽນຄຳ, 3 ຫຼຽນເງິນ ແລະ 5 ຫຼຽນທອງ.
10. ອັນດັບທີ 10 ສະຖາບັນກິລາ-ກາຍະກຳ ຍາດໄດ້ 2 ຫຼຽນຄຳ, 2 ຫຼຽນເງິນ ແລະ 5 ຫຼຽນທອງ.
11. ອັນດັບທີ 11 ນັດດາ ເອ ຍາດໄດ້ 2 ຫຼຽນຄຳ, 1 ຫຼຽນເງິນ ແລະ 16 ຫຼຽນທອງ.
12. ອັນດັບທີ 12 ໂຊກໄຊ ຍາດໄດ້ 1 ຫຼຽນຄຳ, 3 ຫຼຽນເງິນ ແລະ 4 ຫຼຽນທອງ.
13. ອັນດັບທີ 13 ປກສ ຍາດໄດ້ 1 ຫຼຽນຄຳ, 3 ຫຼຽນເງິນ.
14. ອັນດັບທີ 14 ເສືອນ້ອຍ ຍາດໄດ້ 1 ຫຼຽນຄຳ, 2 ຫຼຽນເງິນ.
15. ອັນດັບທີ 15 ຫຼວງພະບາງ ບີ ຍາດໄດ້ 1 ຫຼຽນຄຳ, 1 ຫຼຽນເງິນ ແລະ 10 ຫຼຽນທອງ
