ງານປະກວດນາງງາມໃນເວທີ Miss Grand Laos 2024 ປິດສາກລົງຢ່າງເປັນທາງການໃນຄໍ່າຄືນຂອງວັນທີ 25 ສິງຫາ 2024 ທີ່ສູນການຄ້າ ລາວໄອເຕັກ ແລະ ໄດ້ຂໍ້ສະຫຼຸບສົມກັບຄວາມງາມຄວາມສາມາດເມື່ອ ນາງສາວ ປີໃໝ່ ສຸກສະຫວັນ ວົງຊົມພູ ມີສແກຣນ ຈໍາປາສັກ ສາວງາມຈາກແດນໃຕ້ສາມາດເອົາຊະນະໃຈກໍາມະການ, ກອງເຊຍ ແລະ ສະແດງຄວາມສາມາດໄດ້ຢ່າງໂດດເດັ່ນໃນຫຼາຍໆຮອບກ່ອນ ພິຊິດມົງກຸດອັນຊົງກຽດໄປຄອງ ພ້ອມເປັນຕົວແທນ Miss Grand Laos ກຽມເຂົ້າຮ່ວມໃນເວທີລະດັບໂລກທີ່ປະເທດກໍາປູເຈຍ ແລະ ໄທ ໃນເດືອນຕຸລາ 2024.
ສາວ ສຸກສະຫວັນ ໂດດເດັ່ນຕັ້ງແຕ່ຮອບທໍາອິດໃນມື້ສຸດທ້າຍ ດ້ວຍຜິວພັນອັນເປັນເອກະລັກຂອງສາວລາວໃຕ້ ແລະ ຕອບຄໍາຖາມໄດ້ຢ່າງຄ່ອງແຄ້ວ ທ່າມກາງໃບໜ້າຫຍິ້ມແຍ້ມແຈ່ມໃສ່ ພ້ອມຮູບຮ່າງສວຍສົດງົດງາມ ກ່ອນທີ່ເຂົ້າຮອບ TOP 8 ແລະ ເຂົ້າຮອບ TOP5 ສາມາດກວາດ 2 ລາງວັນຄື Miss Grand Photogenic 2024 ແລະ Miss Grand Congnenality 2024 ກ່ອນທີ່ຈະຖືກຕັດສິນໃຫ້ເປັນ Miss Grand Laos 2024 ດ້ວຍການເອົາຊະນະ ໂຣຊີ ລົດຈະນາ ຂຸນນະວົງ ມິສແກຣນ ນະຄອນຫຼວງວຽງຈັນ ທີ່ໄດ້ຮອງອັນດັບ 1.
ຫຼັງໄດ້ລາງວັນ ສາວ ປີໃໝ່ ສຸກສະຫວັນ ໃຫ້ສໍາພາດວ່າ: ມື້ນີ້ເປັນອີກໜຶ່ງມື້ທີ່ນ້ອງສາມາດກ້າວຜ່ານໄດ້ ພ້ອມກາຍເປັນຕົວແທນຊາວລາວທັງປະເທດທີ່ຈະໄປແຂ່ງຂັນເວທີລະດັບໂລກ ແນ່ນອນ ປີໃໝ່ ພ້ອມຈະນໍາເອົາຄວາມສາມາດທຸກຢ່າງທີ່ມີເລີຍ ເພື່ອຈະໄປແຂ່ງຂັນໃນເວທີສາກົນ ສໍາລັບນ້ອງເອງເວລາບໍ່ແມ່ອຸປະສັກຂໍພຽງພວກເຮົາເຊື່ອໝັ້ນໃນຕົວເອງ ແລະ ອົງກອນມີສັກກະຍະພາບພໍ ທີ່ຈະພັດທະນານ້ອງ ແລະ ນ້ອງມີຄວາມເຊື່ອໝັ້ນໃນຕົວເອງ ແນ່ນອນຕ້ອງຂໍຂອບໃຈທຸກໆກໍາລັງໃຈຈາກແຟນໆທົ່ວໂລກເລີຍ ຢາກໃຫ້ເຊຍປີໃໝ່ຕໍ່ໄປ.
ບົດສະຫຼຸບ Miss Grand Laos 2024 ມີດັ່ງກ່າວ:
– Miss Grand Laos 2024: ສຸກສະຫວັນ ວົງຊົມພູ ມີສແກຣນ ຈໍາປາສັກ
– ຮອງອັນດັບ 1: ລົດຈະນາ ຂຸນນະວົງ ມິສແກຣນ ນະຄອນຫຼວງວຽງຈັນ
– ຮອງອັນດັບ 2: ລັດຕີ້ ລັດສະໝີ ກິນນະວົງ ມິສແກຣນ ອັດຕະປື
– ຮອງອັນດັບ 3: ພາວິນາ ມູນວົງສາ ມິສແກຣນ ບໍລິຄໍາໄຊ
– ຮອງອັນດັບ 4: ທິບພາວົນ ອິນທະວົງ ມິສແກຣນ ຊຽງຂວາງ
ສ່ວນລາງວັນອື່ນໆ:
– Miss Grand Photogenic 2024 ແລະ Miss Grand Congnenality 2024: ສຸກສະຫວັນ ວົງຊົມພູ ມີສແກຣນ ຈໍາປາສັກ
– ລິດຕ້າ ມຸງຄຸນວົງຈໍາປາ ມິສແກຣນ ໄຊສົມບູນ ຄວ້າລາງວັນ Popular vote
– ຕຸ້ມ ພອນວິໄລ ມີສແກຣນ ບໍ່ແກ້ວ ຄວ້າລາງວັນ Best National Costume
– ລັດຕີ້ ລັດສະຫມີ ມີສແກຣນ ອັດຕະປື ຄວ້າລາງວັນ Miss grand Supermodel Laos 2024
– ທິບພາວັນ ມີສແກຣນ ຊຽງຂວາງ ຄວ້າລາງວັນ Miss Grand Rising Star 2024
– ພາວິນາ ມູນວົງສາ ມິສແກຣນ ບໍລິຄໍາໄຊ ຄວ້າລາງວັນ Body Perfect
– ລົດຈະນາ ຂຸນນະວົງ ມິສແກຣນ ນະຄອນຫຼວງວຽງຈັນ ຄວ້າລາງວັນ Best In Swimsuit
– ສຸດທິດາ ອ່ອນແກ້ວ ມິສແກຣນ ຫຼວງນໍ້າທາ ຄວ້າລາງວັນ Miss Grand Perfect Skin
ຂ່າວ: Larh Creators; ຮູບຈາກ: A’rare Mary Duangpixavong
