ເປັນອີກໜຶ່ງຮູບເງິນທີ່ໜ້າຈັບຕາສໍາລັບເລື່ອງ “ ນວນແສງ ” ຮູບເງົາລາວກະຕຸ້ນການສຶກສາສະຫຼອງການເປີດສົກຮຽນໃໝ່ 2024-2025 ກໍານົດສາຍກາງເດືອນນີ້ ຈະເປັນຮູບເງົາທີ່ມີສ່ວນສໍາຄັນໃນການປຸກລະດົມ ແລະ ໃຫ້ຄວາມສໍາຄັນກ່ຽວກັບການສຶກສາ ເພື່ອໃຫ້ມວນຊົນໄດ້ມີຄວາມເຂົ້າໃຈຢ່າງເລິກເຊິ່ງໃນວຽກງານການສຶກສາ
ພິທີຖະແຫຼງຂ່າວຮູບເງົາເລື່ອງ “ນວນແສງ” ໄດ້ຈັດຂຶ້ນໃນວັນທີ 5 ກັນຍາ 2024 ທີ່ກົມຮູບເງົາ ກະຊວງ ຖວທ, ໂດຍມີ ທ່ານ ຄໍາເພົ້າ ວັນນະວົງ ຫົວໜ້າກົມຮູບເງົາ ກະຊວງ ຖວທ, ທ່ານ ນາງ ສິມມະນີ ແກ້ວແກ່ນ ຮອງຫົວໜ້າກົມຮູບເງົາ, ທ່ານ ສົມພົງ ຜົນດີ ຜູ້ກໍາກັບຮູບເງົາເລື່ອງ “ນວນແສງ” ແລະ ທ່ານ ຫົງຢ້າວ ປະທານບໍລິສັດ ລາວແມ່ນໍ້າຂອງລ້ານຊ້າງ ພ້ອມດ້ວຍແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.
ຈຸດປະສົງໃນຄັ້ງນີ້ ກໍເພື່ອເປັນການສະເຫຼີມສະຫຼອງການເປີດສົກຮຽນໃໝ່ ສົກຮຽນ 2024-2025 ໂດຍຮູບເງົາເລື່ອງ “ນວນແສງ” ຈະເປັນຮູບເງົາທີ່ມີສ່ວນສໍາຄັນໃນການປຸກລະດົມ ແລະ ໃຫ້ຄວາມສໍາຄັນກ່ຽວກັບການສຶກສາ ເພື່ອໃຫ້ມວນຊົນໄດ້ມີຄວາມເຂົ້າໃຈຢ່າງເລິກເຊິ່ງໃນວຽກງານການສຶກສາ ຊຶ່ງໃນວັນທີ 18 ກັນຍາ 2024 ແມ່ນຈະໄດ້ມີການສາຍຮອບສື່ມວນຊົນ ແລະ ວັນທີ 19 ກັນຍາ 2024 ແມ່ນຈະເຂົ້າສາຍທຸກໂຮງຮູບເງົາ.
ສະນັ້ນ, ຢ່າລືມມາສະໜັບສະໜູນ ແລະ ໃຫ້ກໍາລັງໃຈນັກສະແດງໃນຮູບເງົາລາວເລື່ອງ “ນວນແສງ” ກັນຫຼາຍໆແດ່ເດີ້ທຸກຄົນ.
