ໃນ 7 ເດືອນປີນີ້, ມູນຄ່າການຄ້າລະຫວ່າງ ຈີນ ກັບ ອາຟຣິກາ ໄດ້ບັນລຸເຖິງ 1.190 ຕື້ຢວນ ເມື່ອທຽບໃສ່ໄລຍະດຽວກັນຂອງປີກາຍໄດ້ເພີ່ມຂຶ້ນ 5,5%.
ປີ 2023 ຜ່ານມາ ມູນຄ່າການຄ້າລະຫວ່າງ ຈີນ ກັບ ອາຟຣິກາ ໄດ້ບັນລຸເຖິງ 282,1 ຕື້ໂດລາສະຫະລັດ ສ້າງສະຖິຕິສູງສຸດໃນປະຫວັດສາດ, ທຽບໃສ່ໄລຍະດຽວກັນຂອງປີ 2022 ໄດ້ເພີ່ມຂຶ້ນ 1,5%. ຈີນ ໄດ້ກາຍເປັນຄູ່ການຄ້າໃຫຍ່ ອັນດັບໜຶ່ງ ຂອງອາຟຣິກາ ມາເປັນເວລາ 15 ປີລຽນຕິດ.
ທ່ານ ລີວຕ້າລຽງ ຫົວໜ້າກົມວິເຄາະສະຖິຕິຂອງອົງການພາສີຈີນ ກ່າວວ່າ: ໃນ 7 ເດືອນປີນີ້ ມູນຄ່າການຄ້າຜະລິດຕະພັນທີ່ໃຊ້ໃນການຜະລິດອື່ນໆລະຫວ່າງ ຈີນ ກັບ ອາຟຣິກາ ໄດ້ເພີ່ມຂຶ້ນ 6,4% ໄດ້ກວມຍອດມູນຄ່າການຄ້າລະຫວ່າງ ຈີນ ກັບ ອາຟຣິກາ 68%, ໄດ້ຊ່ວຍຊຸກຍູ້ຂະບວນການຫັນເປັນອຸດສາຫະກຳ ແລະ ເສດຖະກິດມີຫຼາຍຮູບແບບຂອງອາຟຣິກາ.
