ການແຂ່ງຂັນເທຄວັນໂດຊິງຂັນທ່ານ ເອກອັກຄະລັດຖະທູດ ສ. ເກົາຫລີ ຄັ້ງທີ VIII ປີ 2024 ປີນີ້ຈັດຂຶ້ນໃນວັນທີ 07 ກັນຍາ 2024 ທີ່ ພັດຕະຄານລ້ານຊ້າງ ແຂວງຫລວງພະບາງ ເຊິ່ງມີລາຍການແຂ່ງຂັນ 134 ລາຍການ ແລະ ສະໂມສອນທີ່ເຂົ້າຮ່ວມການແຂ່ງຂັນຄັ້ງນີ້ ມີທັງໝົດ 17 ສະໂມສອນ.
ທ່ານ ຈັນທະວົງ ປັນຍາສິລິ ເລຂາທິການສະຫະພັນເທຄວັນໂດແຫ່ງຊາດລາວ ລາຍງານກ່ອນເປີດການແຂ່ງຂັນວ່າ: ສະຫະພັນເທຄວັນໂດແຫ່ງຊາດຂໍຖືເປັນກຽດຮຽນລາຍງານ ການກະກຽມຂອງການຈັດການແຂ່ງຂັນຊິງຂັນ ທ່ານ ເອກອັກຄະລັດຖະທູດ ສ. ເກົາຫລີ ຄັ້ງທີ VIII ໃນວັນທີ 07 ກັນຍາ 2024 ຊາບວ່າ: ສະຫະພັນເທຄວັນໂດແຫ່ງຊາດລາວ ໄດ້ມີການກະກຽມແຕ່ຕົ້ນເດືອນ ມິຖູນາ 2024 ເປັນຕົ້ນມາ ໂດຍໄດ້ມີການຂໍອະນຸຍາດຂາກການຈັດຕັ້ງກະຊວງສຶກສາທິການ ແລະ ກິລາ ໃນນີ້ ໄດ້ມີການແຕ່ງຕັ້ງຄະນະຮັບຜິດຊອບຈັດການແຂ່ງຂັນຕາມລະບຽບຫລັກການ ໂດຍໄດ້ຕົກລົງເຫັນດີຈັດຂຶ້ນທີ່ ພັດຕະຄານລ້ານຊ້າງ ແຂວງຫລວງພະບາງ ເປັນເວທີແຂ່ງຂັນ ຈັດຂຶ້ນໃນວັນທີ 7 ກັນຍາ 2024 ( ເວລາ 07:30-17:00 ໂມງ ) ປະເພດແຂ່ງຂັນ ມີສາມປະເພດຄື : ຕໍ່ສູ້ ແລະ ປຸ່ມແຊ, ການສະແດງສາມາດ ເຊິ່ງມີລະດັບອານຸຊົນ, ເຍົາວະຊົນ ແລະ ຊາວໜຸ່ມ, ລວມລາຍການແຂ່ງຂັນ 134 ລາຍການ ແລະ ມີສະໂມສອນທີ່ເຂົ້າຮ່ວມການແຂ່ງຂັນຄັ້ງນີ້ ມີທັງໝົດ 17 ສະໂມສອນ ຄື:
1. ຕະວັນ
2. ນັນດາ
3. ລ້ານຊ້າງ
4. PMS
5. ມາດເຕີ້ເລ້
6. ສະຖາບັນກິລາ-ກາຍຍະກໍາ
7. ມະຫາວິທະຍາໄລແຫ່ງຊາດ
8. ເສືອນ້ອຍ
9. ປກສ
10. ຫຼວງພະບາງ
11. ອຸດົມໄຊ
12. ບໍ່ແກ້ວ
13. ຊຽງຂວາງ
14. ບໍລິຄໍາໄຊ
15. ຄຳມ່ວນ
16. ໂຊກໄຊ
17. ຈຳປາສັກ
18. ລວມນັກກິລາທັງໝົດ 235 ຄົນ ໃນການແຂ່ງຂັນໃນຄັ້ງນີ້ ແລະ ໄດ້ມີຜູ້ອຸປະຖໍາໃຫ້ການສະໜັບສະໜູນ ມາຈາກຫຼາຍພາກສ່ວນ ຍອດລວມຜູ້ທີ່ໃຫ້ການອຸປະຖຳ 177.000.000 ກີບ
