ສິນຄ້າທີ່ຄົນລາວເຮົາຜະລິດພາຍໃນ ມີຫຼາຍຢ່າງທີ່ດີກວ່າສິນຄ້ານໍາເຂົ້າ ຂໍພຽງແຕ່ຄົນພາຍໃນປະເທດເຮົາຫັນມາຊົມໃຊ້ ຊ່ວຍກັນສົ່ງເສີມ ເຊື່ອວ່າຜູ້ປະກອບການລາວເຮົາກໍບໍ່ໜ້ອຍໜ້າ ແລະ ສາມາດເປັນແຖວໜ້າຂອງຜູ້ຜະລິດໃນຕະຫຼາດສາກົນໄດ້.
ທ່ານ ນາງ ອະລິສາ ສຸລິຍະວົງ ຜູ້ອໍານວນການໂຮງງານ ແອນເດວ ອິນເຕີເນເຊີນນໍ ຈໍາກັດພຽງຜູ້ດຽວ ໂຮງງານຜະລິດຢາສີແຂ້ວ ANDEL ໄດ້ໃຫ້ສໍາພາດວ່າ: ກ່ອນຕົນເອງຈະຕັດສິນໃຈ ສຶກສາຕະຫຼາດຢາສີແຂ້ວ ເນື່ອງຈາກຄົນໃນຄອບຄົວມີບັນຫາກ່ຽວກັບແຂ້ວ, ເງືອກບໍ່ແຂງແຮງ ເຊິ່ງໄດ້ລອງໃຊ້ຢາສີແຂ້ວທີມີທຸກໂຕໃນຕະຫຼາດກໍບໍ່ສາມາດເຫັນຜົນໄດ້ ສະນັ້ນ, ຕົ້ນຈຶ່ງໄດ້ຕັດສິນໃຈ ໄປສຶກສາຜະລິດຕະພັນຢູ່ປະເທດໄທ ແລະ ລົງເລີກຮຽນຮູ້ກ່ຽວກັບສູດຢາສີແຂ້ວໂດຍສະເພາະ ຈົນໄດ້ຜະລິດຕະພັນຢາສີແຂ້ວ ALLY ຕົນເອງໄດ້ຜະລິດ ແລະ ທົດລອງໃຊ້ມາຕະຫຼອດປີເຄີ່ງ ໂດຍມີຜູ້ຊົມໃຊ້ຫຼາຍກວ່າ 5 ພັນຄົນ ທັງພາຍໃນ ແລະ ຕ່າງປະເທດ ທີ່ເປັນໝູ່ເພື່ອນ ຕ່າງກໍບອກເປັນສຽງດຽວກກັນວ່າ ເມືອໃຊ້ແລ້ວເຫັນຜົນທັນທີ ໂດຍສະເພາະ ການຫຼຸດກີ່ນປາກໄດ້ດີ ເປັນຢາບໍາລຸງຮາກແຂ້ວ ແລະ ປົວບັນຫາຊ່ອງປາກ ເຮັດໃຫ້ປາກສະອາດ ຫຼຸດການອັກເສບຂອງເງືອກ ແລະ ຮາກແຂ້ວ.
ສະນັ້ນ ຈຶ່ງຕັດສິນໃຈລົງທຶນກວ່າ 3 ແສນໂດລາສະຫະລັດໃນການສ້າງໂຮງງານ ແລະ ນໍາເຂົ້າເຄື່ອງຈັກມາຜະລິດເປັນເປັນລະບົບມາດຕະຖານ ທາງເຮົາໄດ້ມີຊ່ຽວຊານການຜະລິດທຸກຂັ້ນຕອນ ປັດຈຸບັນໄດ້ທົດລອງການຜະລິດ ແລະ ລໍຖ້າການຢັ້ງຢືນຈາກຂະແໜງສາທາລະນະສຸກ ກໍ່ຈະສາມາດຜະລິດເພື່ອສະໜອງພາຍໃນ ແລະ ສົ່ງອອກໄດ້. ສ່ວນກໍາລັງ ການຜະລິດຂອງໂຮງງານ ຊົ່ວໂມງລະ 3 ພັນຫຼອດ, ສະເລ່ຍ ເດືອນລະ 5 ແສນກວ່າຫຼອດ.
ໃນການສ້າງຕັ້ງໂຮງງານ ຈຸດປະສົງເພື່ອ ພັດທະນາເພື່ອຜະລິດສິນຄ້າພາຍໃນ ເພື່ອສົ່ງອອກຂາຍຕ່າງປະເທດ ແລະ ຈໍາໜ່າຍພາຍໃນ ເຊີ່ງສັດສ່ວນການຈໍາໜ່າຍພາຍໃນ 5% ແລະ ການສົ່ງອອກ 95% ເຊິ່ງມີການເຊັນສັນຍາ ໃນການສົ່ງອອກແລ້ວ 1 ປະເທດຄື: ປະເທດມາເລເຊຍ, ສ່ວນປະເທດ ພີລິບປີນ, ອິນໂດເນເຊຍ, ມຽນມາ, ອົດສະຕາລີ, ປະເທດ ຈີນ ແມ່ນກໍາລັງຢູ່ໃນຂັ້ນຕອນເຈລະຈາ.
ທ່ານກ່າວວ່າ: ຢາກໃຫ້ຄົນລາວເປີດໃຈ ສົ່ງເສີມຜະລິດຕະພັນຂອງຄົນລາວເຮົາເອງແລະລວມທັ້ງໝ່ວຍງານພາກລັດ ຊ່ວຍເຫຼືອຜູ້ປະກອບການ ຊົມໃຊ້ຜະລິດຕະພັນພາຍໃນ ທຸກຄົນໃຊ້ ນັກທ່ອງທ່ຽວມາໃຊ້, ເປີດຕະຫຼາດຢູ່ຕ່າງປະເທດ ສິນຄ້າຂອງລາວຈະໄດ້ໂດງດັ່ງອອກໄປໄກ ໃນເວທີ່ສາກົນ ຮອດເວລານັ້ນເງິນຕາກໍຈະສະພັດເຂົ້າມາໃນປະເທດເພີ່ມຂຶ້ນ.
ຢາສີແຂ້ວ ALLY ແມ່ນນໍາໃຊ້ວັດຖຸດິບທີ່ເປັນສະໝຸນໄພ 10 ກວ່າຊະນິດ ຈາກທໍາມະຊາດ 100% ທີ່ຜ່ານການສະກັດຈາກເຄື່ອງມືທັນສະໄໝ ທີ່ນໍາເຂົ້າຈາກຕ່າງປະເທດ ເໝາະສົມຄົນອາຍຸ 12ປີຂຶ້ນໄປເຊິ່ງມີໃຫ້ເລືອກ 3 ຂະໜາດ ຄື: ຂະໜາດ 5g, ຂະໜາດ 20g ແລະ ຂະໜາດ 50g.
ແນວໃດກໍດີ ຂໍຮຽກຮ້ອງມາຍັງກະຊວງ ສາທາລະນະສຸກ ຊ່ວຍອໍານວຍຄວາມສະດວກໃນການດໍາເນີນການດ້ານເອກະສານ – ຢັ້ງຢືນ, ຂະແໜງ ອຸດສາຫະກໍາ ແລະ ການຄ້າໃນການສົ່ງເສີມເປີດຕະຫຼາດ ພາຍໃນ ແລະ ຕ່າງປະເທດ ແລະ ກະຊວງການຕ່າງປະເທດ ໂດຍສະເພາະ ແມ່ນວຽກງານຂອງທູດ ການຄ້າ ຢາກໃຫ້ນໍາເອົາ ຂໍ້ມູນສິນຄ້າທີ່ຜະລິດພາຍໃນ ທີ່ເຮົາມີເພື່ອ ຊ່ວຍໂຄສະນາສົ່ງເສີມເປີດຕະຫຼາດຢູ່ສາກົນ ເຊິ່ງຕັ້ງເປົ້າແມ່ນ 95% ຂອງກໍາລັງການຜະລິດ.
ໂຮງງານ ແອນເດວ ອິນເຕີເນເຊີນນໍ ຈໍາກັດພຽງຜູ້ດຽວ ໂຮງງານຜະລິດຢາຖູແຂ້ວ ALLY ຕັ້ງຢູ່ບ້ານນາແຮ່ ເມືອງສີໂຄດຕະບອງ ນະຄອນຫລວງວຽງຈັນ
