ການແຂ່ງຂັນຊ່ວງເຮືອ ເດືອນ 9 ຫໍ່ເຂົ້າປະດັບດິນ ຈໍາປີ 2024 ຫຼື ພ.ສ 2567 ທີ່ຍື່ງຄານ ນະຄອນຫຼວງພຣະບາງ ຈັດຂຶ້ນເມື່ອວັນທີ 2 ກັນຍາ 2024 ຜົນການແຂ່ງຂັນມີດັ່ນີ້:
-ຊະນະເລີດ ເຮືອຊ່ວງ ທະນາຄານພັດທະນາລາວ LDB Bank ຄອງຂັນຊະນະເລີດ ພ້ອມຂັນເງິນ 1.500 ກຼາມ, ເປັນຂັນໝູນວຽນປີທໍາອິດ ຖ້າຄອງແຊ້ມ 3 ປີຊ້ອນ ໄດ້ຂັນໄປຄອບຄອງ ພ້ອມກັນນີ້ ກໍໄດ້ຂັນແຊັມປະຈໍາປີ ເປັນຂັນເງີນ ນໍ້າໜັກ 1.000 ກຼາມ ແລະ ເງີນສົດ 35.000.000 ກີບ ລວມມູນຄ່າລາງວັນ 125.000.000 ກີບ.
-ອັນດັບ 2 ເຮືອຊ່ວງ ທະນາຄານຮ່ວມພັດທະນາ JDB Bank ໄດ້ຮັບຂັນເງີນ ນ້ຳາໜັກ 800 ກຼາມ ພ້ອມເງີນສົດ 32.000.000 ກີບ, ລວມມູນຄ່າລາງວັນ 60.000.000 ກີບ.
-ອັນດັບ 3 ເຮືອຊ່ວງ ຫລວງພຣະບາງສະມາຣ໌ທຊິດຕີ້ – ອະພິມາ ມ.ວັງວຽງ ຮັບຂັນເງີນນໍ້າໜັກ 500 ກຼາມ ພ້ອມເງີນສົດ 30.000.000 ກີບ, ລວມມູນຄ່າລາງວັນ 50.000.000 ກີບ.
-ອັນດັບ 4 ເຮືອຊ່ວງເມືອງໂພນທອງ ຕະຫຼາດສາຍຊຸມຊົນ ໄດ້ຮັບເງີນສົດ 25.000.000 ກີບ.
-ອັນດັບ 5 ເຮືອຊ່ວງເມືອງໂພນໄຊ ບໍລິສັດ ເພັດລົດຈົກ ບໍລິການ ຈົກດິນ, ຖົມດິນ ໄດ້ຮັບເງີນສົດ 22.000.000 ກີບ.
-ອັນດັບ 6 ເຮືອຊ່ວງເຮືອນພັກໄຊດາຣາ ບ.ຫາດຮ່ຽນ ໄດ້ຮັບເງີນສົດ 20.000.000 ກີບ.
-ອັນດັບ 7 ເຮືອຊ່ວງເຈົ້າຫລວງ ບ.ນູນສະຫວາດ ໄດ້ຮັບເງີນສົດ 18.000.000 ກີບ.
ພ້ອມນີ້ໄດ້ມີລາງວັນເຮືອງາມ ທີ 1 ເຮືອຊ່ວງວັດຊຽງທອງ 2 ນາງບົວເງີນ ໄດ້ຮັບລາງວັນເງີນສົດ 8.000.000 ກີບ.
