ສູນການຄ້າວຽງຈັນເຊັນເຕີ ໄດ້ຈັດງານວາງສະແດງລົດ Vientiane Center Motor Show ຄັ້ງທີ 8 ຂຶ້ນ ໃນວັນທີ 31 ສິງຫາ 2024 ໂດຍການເຂົ້າຮ່ວມຂອງທ່ານ ດວງເດືອນ ວົງນະລາດ ຮອງເລຂາພັກເມືອງສີສັດຕະນາກ , ທ່ານ ນາງ ສະຫວັນທອງ ອຸ່ນມີໄຊ ຮອງຜູ້ອໍານວຍການບໍລິສັດພັດທະນາສູນເສດຖະກິດການຄ້າຄົບວົງຈອນ ໜອງຈັນຕອນເໜືອ ຈໍາກັດ ພ້ອມດ້ວຍຜູ້ບໍລິຫານ ແລະ ຜູ້ອໍານວຍການບັນດາຄ້າຍລົດເຂົ້າຮ່ວມ.
ງານ Vientiane Center Motor Show 2024 ຈັດຂຶ້ນ ພາຍໃຕ້ຫົວຂໍ້ “ກ້າວຂ້າມຂີດຈຳກັດ ສູ່ນິຍາມໃໝ່ຂອງການຂັບຂີ່“ ເຊິ່ງງານນີ້ຈະໄດ້ພົບກັບຜູ້ປະກອບການຄ້າຍລົດຊັ້ນນຳຂອງ ສປປລາວ ນໍາລົດເຂົ້າວາງສະແດງ ແລະ ຂາຍກວ່າ 10 ຄ້າຍ ທີ່ການນໍາສະເໜີ ນະລັດຕະກໍາໃໝ່ ລົດໃໝ່, ລົດໄຟຟ້າ, ລະບົບສາກໄຟ
ພ້ອມນັ້ນກໍ່ມີບັນດາຮ້ານຕົກແຕ່ງ, ບໍລິສັດຄາແຄຣ, ສິນເຊື່ອ ເຊິ່ງ ງານນີ້ຈັດຂຶ້ນເລີ່ມຕັ້ງແຕ່ວັນທີ 31ສິງຫາເຖິງ 8 ກັນຍາ 2024 ທີ່ຈະເປັນອີກທາງເລືອກໜຶ່ງໃນການຕັດສິນໃຈຊື້ພາຫະນະທີ່ມີຄຸນນະພາບ ແລະ ເໝາະສົມຕາມຄວາມຕ້ອງການຂອງທຸກທ່ານແນ່ນອນ
ພາຍໃນງານຍັງມີກິດຈະກຳເສວະນາໃຫ້ຄວາມຮູ້ ດ້ານການນໍາໃຊ້ລົດຈົນເຖິງວິທີການບຳລຸງຮັກສາລົດ ແລະ ການເລືອກສິນເຊື່ອໃນການຊື້ລົດ ຈາກຊ່ຽວຊານໃນແຕ່ລະດ້ານ ແລະ ນອກຈາກນັ້ນລູກຄ້າທີ່ມາທ່ຽວຊົມໃນງານຍັງສາມາດຖ່າຍຮູບ,ເຊັກອິນ ຢູ່ພາຍໃນງານ ໂພສລົງ Facebook ພ້ອມກັບໃສ່ແຮັດແທັກ Vientiane Center Motor Show 2024ໂດຍຈະມີ ທີມງານຈະສຸ່ມເລືອກຮູບທີ່ມີຍອດ Like ຫຼາຍທີ່ສຸດໃນແຕ່ລະມື້ 5ທ່ານ ຮັບບັດເບິ່ງຮູບເງົາ Major
ພ້ອມນັ້ນ ລູກຄ້າທີ່ຈອງ ຫຼື ຊື້ລົດພາຍໃນງານ ສາມາດນຳຫຼັກຖານການຈອງມາຂຽນຄູປ້ອງ ລຸ້ນຮັບໂຊກຊັ້ນທີ 2 ປີ້ຍົນ ວຽງຈັນ-ບາງກອກ ເຊິ່ງຈະມີການຈັບສະຫຼາກມອບໂຊກໃນມື້ສຸດທ້າຍຂອງງານ.
