ຫ້ອງການການຄ້າສະຖານທູດ ຫວຽດນາມ ປະຈຳສິງກະໂປ ໃຫ້ຮູ້ວ່າ: ວົງເງິນການຄ້າສອງສົ້ນ ລະຫວ່າງ ສສ ຫວຽດນາມ ແລະ ສິງກະໂປ ໃນເດືອນກໍລະກົດ ສືບຕໍ່ເຕີບໂຕຢ່າງແຂງແຮງ, ພິເສດແມ່ນວົງເງິນສົ່ງອອກໄປຍັງ ສິງກະໂປ ເພີ່ມຂຶ້ນກວ່າ 36%.
ຍອດວົງເງິນສົ່ງອອກ ລະຫວ່າງ 2 ປະເທດ ບັນລຸກວ່າ 3,1 ຕື້ໂດລາສິງກະໂປ ເພີ່ມຂຶ້ນເກືອບ 21% ເມື່ອທຽບໃສ່ໄລຍະດຽວກັນຂອງປີ 2023, ໃນນັ້ນ ການສົ່ງອອກຈາກ ຫວຽດນາມ ໄປຍັງ ສິງກະໂປ ເພີ່ມຂຶ້ນກວ່າ 36% ບັນລຸເກືອບ 764 ລ້ານໂດລາສິງກະໂປ.
ໝວດສິນຄ້າສົ່ງອອກຈາກ ສສ ຫວຽດນາມ ໄປຍັງ ສິງກະໂປ ໃນເດືອນກໍລະກົດ ທັງ 3 ໝວດສິນຄ້າສົ່ງອອກຫຼັກແຫຼ່ງຂອງ ສສ ຫວຽດນາມ ໄປຍັງ ສິງກະໂປ ສືບຕໍ່ເພີ່ມຂຶ້ນຢ່າງແຂງແຮງ ຄື: ໝວດເຄື່ອງຈັກ, ອຸປະກອນ, ໂທລະສັບມືຖື, ຊິ້ນສ່ວນ ແລະ ອາໄຫຼ່ປະເພດຕ່າງໆເພີ່ມຂຶ້ນເກືອບ 23%; ເຕົາປະຕິກິລິຍາ, ເຕົາອົບອາຍ, ເຄື່ອງຈັກອຸປະກອນ ແລະ ເຄື່ອງອາໄຫຼ່ຂອງເຄື່ອງຈັກດັ່ງກ່າວ ເພີ່ມຂຶ້ນ 68%; ແກ້ວ ແລະ ບັນດາຜະລິດຕະພັນຈາກແກ້ວ ເພີ່ມຂຶ້ນ 94,6%.
