22 ສິງຫາ 2024 ອາລີອັ້ນ ລານດຣີ້ “Alliance Laundry” ລົງທຶນກວ່າ 4.5 ລ້ານໂດລາສະຫະລັດ (USD) ຂະຫຍາຍໂຮງງານໃນປະເທດໄທ ໂດຍເນັ້ນພັດທະນາ ນະວັດຕະກຳໃໝ່ໃຫ້ທັນສະໄໝ ເພື່ອຮອງຮັບການຂະຫຍາຍຕົວໃນຕະຫຼາດຂົງເຂດອາຊີປາຊີຟິກ.
ບໍລິສັດ ອາລີອັ້ນ ລານດຣີ້ Alliance Laundry Systems ຫຼື (ALS) ເຜີຍທິດທາງການຕະ ຫຼາດ ຮ້ານສະດວກຊັກໃນຂົງເຂດອາຊີປາຊີຟິກ ຕາມພຶດຕິກຳຂອງຜູ້ບໍລິໂພກທີ່ຫັນມາໃຊ້ບໍລິການຫຼາຍຂຶ້ນ ປະກາດລົງທຶນກວ່າ 4.5 ລ້ານໂດລາສະຫະລັດຂະຫຍາຍໂຮງງານໃນປະເທດໄທ ເພື່ອພັດທະນາ ນະວັດ ຕະກຳທີ່ທັນສະໄໝຕອບໂຈດຄວາມຕ້ອງການທັງ ນັກລົງທຶນ ແລະ ຜູ້ໃຊ້ບໍລິການ ລວມເຖິງການດຳເນີນທຸລະກິດລະດັບພາກພື້ນ ຄວບຄູ່ກັບຄວາມຮັບຜິດຊອບຕໍ່ສັງຄົມ ແລະ ສິ່ງແວດລ້ອມ ໂດຍຫຼ້າສຸດໄດ້ຈັດງານ “Wealth Investment 2024: Wealth Transfer” ສະຫຼອງຄົບຮອບ 5 ປີປະເທດໄທ ພາຍໃຕ້ຫົວຂໍ້ ESG Sustainability ພ້ອມເປີດໂຕເຄື່ອງຈັກ Combo ທີ່ສາມາດຊັກ ແລະ ອົບໄດ້ໃນເຄື່ອງດຽວ ຂະໜາດ 13 kg, 24 kg ແລະ Touch screen – New Aesthetic Design ຈັກຊັກເຄື່ອງທີ່ມີລະບົບຊັກຊັ້ນລຸ່ມ ແລະ ລະບົບອົບຊັ້ນເທິງ ແບຣນ Primus ແລະ Ipso ຄາດວ່າຈະສາມາດເພີ່ມສ່ວນແບ່ງທາງການຕະຫຼາດ ແລະ ເນັ້ນຢ້ຳເຖິງອັນດັບ 1 ຂອງໂລກ ໃນເຄືອອຸດສາຫະກຳ ເຄື່ອງຈັກ ຊັກ-ອົບ ເຄື່ອງນຸ່ງຫົ່ມ.
ທ່ານ Benjamin Leo Dobbs ກຳມະການ ຜູ້ຈັດການພາກພື້ນອາຊີປາຊີຟິກ ບໍລິສັດ Alliance Laundry Systems LLC (ALS) ຜູ້ນຳດ້ານການຜະລິດ ແລະ ຈຳໜ່າຍຈັກຜ້າ – ອົບຜ້າ ອຸດສາຫະກຳທີ່ໃຫຍ່ທີ່ສຸດໃນໂລກ ໄດ້ເປີດເຜີຍວ່າ: ຮ້ານສະດວກຊັກໃນພາກພື້ນອາຊີປາຊີຟິກ (APAC) ນັບວ່າເປັນໜຶ່ງໃນຕະຫຼາດທີ່ມີສັກກະຍະພາບ, ມີການຂະຫຍາຍຕົວໃນຫຼາຍປະເທດ ເຊັ່ນ: ອົດສະຕາລີ ແລະ ນິວຊີແລນ ທີ່ໄດ້ມີຮ້ານສະດວກຊັກເພີ່ມຂຶ້ນເປັນຈຳນວນຫຼາຍເນື່ອງຈາກນັກລົງທຶນເຫັນໂອກາດທາງທຸລະກິດ ໂດຍມີປັດໄຈມາຈາກພຶດຕິກຳຂອງຜູ້ບໍລິໂພກທີ່ມີການປ່ຽນແປງ ຫັນມາໃຊ້ບໍລິການຮ້ານສະດວກຊັກເພີ່ມຂຶ້ນ ລວມເຖິງໃນປະເທດໄທເຊັ່ນດຽວກັນ ທີ່ຜູ້ບໍລິໂພກຫັນມາໃຊ້ບໍລິການຫຼາຍຂຶ້ນເນື່ອງຈາກຄວາມສະດວກສະບາຍ ແລະ ຊ່ວຍປະຢັດເວລາ ເປັນຜົນໃຫ້ຜູ້ປະກອບການໃນໄທ ຂະຫຍາຍທັງຂະໜາດຮ້ານ ແລະ ຈຳນວນເຄື່ອງຈັກ.
“ ໃນປີ 2025 ພວກເຮົາຄາດການວ່າ ພາບລວມຕະຫຼາດຮ້ານສະດວກຊັກຍັງຄົງມີການຂະຫຍາຍ ຕົວຢ່າງຕໍ່ເນື່ອງ ໂດຍສະເພາະຂົງເຂດປະເທດອາຊີປາຊີຟິກ ທີ່ປັດຈຸບັນ ບໍລິສັດຕັ້ງເປົ້າ ຍອດຂາຍລວມຂອງຕະຫຼາດ APAC ໃນປີ 2024 ຈຳນວນ 4,000 ລ້ານບາດ ໂດຍບໍລິສັດມີແຜນທີ່ຈະບຸກຕະຫຼາດໃໝ່ ໃນປະເທດ ຫວຽດນາມ, ກຳປູເຈຍ, ລາວ, ອິນໂດເນເຊຍ ແລະ ຟີລິບປິນ ເຊິ່ງນັບວ່າເປັນກຸ່ມຕະຫຼາດໃໝ່ ແລະ ເພື່ອຮອງຮັບການຂະຫຍາຍຕົວດັ່ງກ່າວ ຂອງ ALS ບໍລິສັດໄດ້ທຸ່ມງົບປະມານກວ່າ 4.5 ລ້ານໂດລາສະຫະລັດ ເພື່ອຂະຫຍາຍຫ້ອງການໃໝ່ໃນໂຮງງານປະເທດໄທ, ຂະຫຍາຍຂີດຄວາມສາມາດໃນການພັດທະນາ ນະວັດຕະກຳສ້າງສັນສິນຄ້າໃໝ່ໆ ແລະ ບໍລິການທີ່ດີທີ່ສາມາດຕອບໂຈດຄວາມຕ້ອງ ການຂອງລູກຄ້າໃຫ້ໄດ້ຫຼາຍທີ່ສຸດ ເຖິງແມ່ນວ່າປັດຈຸບັນ ບໍລິສັດ ຈະຕ້ອງປະເຊີນກັບບັນຫາສິນຄ້າລອກຮຽນ ALS ທີ່ມີປະສົບການຍາວນານ 116 ປີ ຜູ້ບໍລິໂພກສາມາດໝັ້ນໃຈໃນຄຸນນະພາບສິນຄ້າຂອງພວກເຮົາໄດ້ຢ່າງແນ່ນອນ”
ດ້ານ ທ່ານ Sookri Ki Rai ຜູ້ອຳນວຍການຝ່າຍຂາຍປະຈຳພາກພື້ນອາຊີຕະວັນອອກສຽງໃຕ້ ບໍລິສັດ Alliance Laundry Systems LLC ຫຼື (ALS) ໄດ້ກ່າວວ່າ: ສຳລັບໃນປະເທດໄທ ALS ຖືວ່າ ປະສົບຄວາມສຳເລັດຫຼາຍ. ປັດຈຸບັນ, ມີຮ້ານສະດວກຊັກທີ່ໃຊ້ເຄື່ອງຈັກ ALS ທົ່ວປະເທດຢູ່ທີ່ປະ ມານ 3,489 ຮ້ານ ແລະ ຄາດວ່າຈະເພີ່ມຂຶ້ນອີກ 9% ພາຍໃນປີ 2024. ໂດຍ ALS ສາມາດຄອງສ່ວນແບ່ງຕະຫຼາດຢູ່ທີ່ 70% ຂອງຈຳນວນຮ້ານສະດວກຊັກທັງໝົດ 5,007 ຮ້ານ ທີ່ມີມູນຄ່າທາງຕະ ຫຼາດລວມປະມານ 13,500 ລ້ານບາດ ເນື່ອງຈາກວ່າຜູ້ໃຊ້ບໍລິການໄດ້ຮັບປະສົບການທີ່ແຕກຕ່າງ.
ລະຫວ່າງການຊັກເຄື່ອງຢູ່ເຮືອນ ກັບ ຊັກທີ່ຮ້ານສະດວກຊັກ ປະກອບກັບສະພາບອາກາດໃນປັດຈຸບັນເປັນລະດູຝົນ ເຊິ່ງເຮັດໃຫ້ມີລູກຄ້າເຂົ້າໃຊ້ບໍລິການເພີ່ມຂຶ້ນ ແລະ ປັດຈຸບັນສາມາດແບ່ງລູກຄ້າອອກເປັນ 3 ກຸ່ມໃຫຍ່ຄື:
1) ກຸ່ມລູກຄ້າປະຈຳ ທີ່ລົງທະບຽນເປັນສະມາຊິກກັບທາງຮ້ານເພື່ອຮັບໂປຣ, ເຊິ່ງເກືອບບໍ່ໄດ້ໃຊ້ຈັກຊັກເຄື່ອງຢູ່ເຮືອນອີກເລີຍ (ໂດຍມີຢູ່ປະມານ 65% ຈາກຈຳນວນລູກຄ້າທີ່ເຂົ້າມາໃຊ້ບໍລິການທັງໝົດ 1.85 ລ້ານຄົນ),
2) ກຸ່ມລູກຄ້າທີ່ມາໃຊ້ບໍລິການເປັນຄັ້ງຄາວ (ມີຢູ່ປະມານ 30%)
3) ກຸ່ມລູກຄ້າໃຫມ່ປະມານ 3% – 5% ສ່ວນພາຍໃນ ສຳລັບປະເທດຂ້າງຄຽງ ເຊັ່ນ: ມາເລເຊຍ ແລະ ສິງກະໂປ; ຮ້ານສະດວກຊັກກາຍເປັນສ່ວນຫນຶ່ງທີ່ຈຳເປັນໃນຊີວິດປະຈຳວັນ ເຊັ່ນດຽວກັບຮ້ານສະດວກຊື້ ທີ່ທຸກຄົນຈະເຂົ້າໃຈບົດບາດ ແລະ ຄວາມສຳຄັນວ່າ ສາມາດຊ່ວຍໃຫ້ຊີວິດສະດວກສະບາຍຂຶ້ນ.
“ເນື່ອງໃນໂອກາດຄົບຮອບ 5 ປີ ALS ປະເທດໄທ, ບໍລິສັດ ໄດ້ຈັດງານ Wealth Investment 2024: Wealth Transfer ພາຍໃຕ້ຫົວຂໍ້ ESG Sustainability ໂດຍມີຜູ້ຊ່ຽວຊານທີ່ມີປະສົບການໂດຍກົງມາແລກປ່ຽນຄວາມຄິດເຫັນທາງທຸລະກິດ, ການໃຫ້ຄວາມຮູ້ ແລະ ທິດທາງໃນອະນາ ຄົດ. ປັດຈຸບັນ, ALS ມີຕົວແທນຈຳໜ່າຍເຄື່ອງຈັກ ຊັກ – ອົບຜ້າ ໃນປະເທດໄທພາຍໃຕ້ 4 ແບຣນ, ຈຳນວນ 9 ສາຂາ, ໄດ້ແກ່: Speed Queen 4 ສາຂາ, Huebsch 1 ສາຂາ, Ipso 2 ສາຂາ, Primus 2 ສາຂາ ແລະ ກຸ່ມ OPL (On-Premise Laundry) ສຳລັບກຸ່ມໂຮງແຮມ, ໂຮງໝໍ, ໂຮງ ງານຊັກຜ້າຂະໜາດໃຫຍ່, ຈຳນວນ 4 ສາຂາ, ລວມທັງໝົດ 13 ສາຂາ ແລະ ALS ຍັງມີຈັກຊັກເຄື່ອງ ຈັກອົບເຄື່ອງ Touch screen ລຸ້ນໃຫມ່ທີ່ເອີ້ນວ່າ Aesthetic Design ທີ່ພ້ອມອອກມາຈຳໜ່າຍໃນໄຕມາດນີ້ ພາຍໃຕ້ແບຣນ Primus ແລະ Ipso.”
ທ່ານ Pavel Mino ຜູ້ຈັດການຜະລິດຕະພັນ, ບໍລິສັດ Alliance Laundry Systems LLC ກ່າວເພີ່ມຕື່ມວ່າ: “ALS ຍັງຄົງດຳເນີນການພັດທະນາ ນະວັດຕະກຳ ແລະ ເທັກໂນໂລຊີໃໝ່ຢ່າງຕໍ່ເນື່ອງ ພ້ອມກັບການເປີດໂຕສິນຄ້າໃໝ່, ເຄື່ອງ Combo 2 ລຸ້ນ ຂະໜາດ 13 kg ແລະ 24 kg ເຊິ່ງໄດ້ຖືກອອກແບບມາໃຫ້ເຮັດວຽກໄດ້ຢ່າງມີປະສິດທິພາບ ໂດຍໃຊ້ເວລາພຽງ 1 ຊົ່ວໂມງ ກໍສາມາດ ຊັກ ແລະ ອົບໄດ້ພາຍໃນເຄື່ອງດຽວ ໂດຍບໍ່ຈຳເປັນຕ້ອງຍ້າຍເສື້ອຜ້າຈາກເຄື່ອງຊັກໄປຍັງເຄື່ອງອົບໃຫ້ຫຍຸ້ງຍາກ. ຈຸດເດັ່ນແມ່ນ ປະຢັດນໍ້າ, ປະຢັດໄຟ ແລະ ປະຢັດແກັສ, ເຫນືອກວ່າຄູ່ແຂ່ງໃນກຸ່ມດຽວກັນ. ສໍາລັບໂຕເຄື່ອງ ຜະລິດຈາກວັດຖຸລະດັບພຣີມຽມ, ແຜງດ້ານໜ້າເຮັດຈາກ ສະແຕນເຫລດ, ລະບົບໜ້າຈໍສໍາຜັດ Touch Screen ຂະໜາດ 7 ນິ້ວ, ຮອງຮັບໄດ້ເຖິງ 34 ພາສາ, ຟັງຊັ່ນການໃຊ້ງານງ່າຍ ເຊິ່ງເຄື່ອງ ລຸ້ນນີ້ນັບວ່າເປັນນະວັດຕະກຳທີ່ດີທີ່ສຸດຂອງ ALS ໃນປັດຈຸບັນ ພ້ອມດ້ວຍຄຸນສົມບັດທີ່ໂດດເດັ່ນ ແລະ ກະທັດຮັດ, ຈຶ່ງສາມາດຕອບໂຈດໃນເລື່ອງພື້ນທີ່ ແລະ ການປະຢັດພະລັງງານ.”
“ປີນີ້ ນອກຈາກການຂະຫຍາຍໂຮງງານໃນປະເທດໄທ ແລະ ເປີດໂຕສິນຄ້າໃໝ່ແລ້ວ, ALS ຍັງໃຫ້ຄວາມສຳຄັນຕໍ່ສິ່ງແວດລ້ອມ ແລະ ຄວາມຮັບຜິດຊອບຕໍ່ສັງຄົມອີກດ້ວຍ. ສຳລັບໃນສ່ວນຂອງໂຮງ ງານນັ້ນ ໄດ້ຕິດຕັ້ງຫລັງຄາໂຊລາເຊວ ເຊິ່ງສາມາດຜະລິດໄຟຟ້າຈາກພະລັງງານແສງອາທິດໄດ້ເຖິງ 40%, ພ້ອມທັງປ່ຽນມາໃຊ້ລົດໄຟຟ້າ (EV) ແລະ ຕິດຕັ້ງສະຖານີສາກລົດຍົນໄຟຟ້າ ເພື່ອຫຼຸດປະລິມານການປ່ອຍກາສຄາບອນໄດອ໋ອກໄຊ ລວມເຖິງຍັງມີແຜນທີ່ຈະຕິດຕັ້ງລະບົບ ຣີໄຊໂຄ່ນໍ້າ ເພື່ອຮອງຮັບການດຳເນີນງານໃນຫ້ອງປະຕິບັດການອີກດ້ວຍ,” ທ່ານ Benjamin ກ່າວປິດທ້າຍ.
#ອາລີອັ້ນ ລານດຣີ້ #ALS #ເຄື່ອງຊັກຜ້າອົບຜ້າ #ຮ້ານສະດວກຊັກ
#WealthInvestment2024WealthTransfer
