ຈີນກໍາລັງກ້າວໄປສູ່ປະເທດທີ່ໃຊ້ລົດພະລັງງານໃໝ່ເປັນຕົວຂັບເຄື່ອນ ໃນປີ 2023 ທີ່ຜ່ານມາ ຍອດຂາຍລົດໄຟຟ້າໃໝ່ທົ່ວໂລກເກືອບ 14 ລ້ານຄັນ 60% ຄືຈົດທະບຽນລົດໃໝ່ໃນປະເທດຈີນ.
ການເຕີບໂຕຂອງລົດພະລັງງານໃໝ່ຄັ້ງນີ້ ສວນທາງກັບການເຕີບໂຕຂອງຄວາມຕ້ອງການນໍ້າມັນໃນຈີນ ທີ່ຫຼຸດລົງຫຼາຍໃນປີ 2024 ນັກວິເຄາະຈາກ Goldman Sachs ເປີດເຜີຍວ່າ ຄວາມຕ້ອງການນໍ້າມັນໃນຈີນຫຼຸດລົງເຫຼືອ 200.000 ບາເລວຕໍ່ວັນໃນປີ 2024 (1ບາເລວເທົ່າກັບ 160 ລິດ)ເຊິ່ງເປັນຜົນມາຈາກການຫັນໄປໃຊ້ລົດພະລັງງານໄຟຟ້າ ແລະ ແກັດທໍາມະຊາດຫຼາຍຂຶ້ນ.
ນັກວິເຄາະກ່າວເພີ່ມເຕີມວ່າ ການປ່ຽນຈາກລົດທີ່ໃຊ້ນໍ້າມັນ ແອັດຊັງ ເປັນລົດໄຟຟ້າ ແລະ ລົດໄຮບຣິດ ຈະຊ່ວຍຫຼຸເຄວາມຕ້ອງການນໍ້າມັນໄດ້ 500.000 ບາເລວຕໍ່ວັນ.
ຕາມການລາຍງານລະບຸວ່າ 3 ຜູ້ຜະລິດລົດລາຍໃຫຍ່ໃນປະເທດຈີນ ຫາກໍ່ທໍາລາຍຍອດຂາຍເປັນສະຕິຖິສູງສຸດໃນເດືອນມິຖຸນາ ແລະ ໃນຕອນນີ້ບໍລິສັດລົດໄຟຟ້າຂອງຈີນກໍາລັງໄລ່ຕາມ ແລະ ເລັ່ງແຊງຄູ່ແຂ່ງຈາກປະເທດອື່ນລວມທັງ Tesla ໃນດ້ານອຸດສາຫະກໍາ ແລະ ນະວັດຕະກໍາ.
ຂໍ້ມູນອ້າງອີງ: Business Insider
