ທະນາຄານພັດທະນາອາຊີ ຫຼື ເອດີບີ ( ADB ) ໄດ້ຄາດຄະເນວ່າ: ພື້ນຖານເສດຖະກິດຂອງພາກພື້ນປາຊີຟິກ ຈະມີການເຕີບໂຕຢູ່ລະດັບ 3,3% ໃນປີນີ້ ແລະ 4% ໃນປີຕໍ່ໄປ.
ໃນບົດລາຍງານຕິດຕາມເສດຖະກິດປາຊີຟິກ ( PEM ), ເອດີບີ ໄດ້ຍົກໃຫ້ເຫັນຢ່າງຈະແຈ້ງການເຕີບໂຕເສດຖະກິດພາກພື້ນ ໄດ້ຮັບການຊຸກຍູ້ຍ້ອນການຟື້ນຟູໃນການເຄື່ອນໄຫວຂຸດຄົ້ນຊັບພະຍາກອນທຳມະຊາດ ຢູ່ Papua New Guinea, ການທ່ອງທ່ຽວເປັນປົກກະຕິເກືອບທັງໝົດຂອງບັນດາໂຄງການພື້ນຖານເສດຖະກິດ ແມ່ນຂຶ້ນກັບການທ່ອງທ່ຽວ ແລະ ກຳລັງໜູນຈາກບັນດາພື້ນຖານໂຄງລ່າງສາທາລະນະ.
ໃນນີ້ເສດຖະກິດຈີນ ຄາດວ່າຈະຂະຫຍາຍຕົວ 4,8% ໃນປີນີ້, ຍີ່ປຸ່ນ ຈະຂະຫຍາຍຕົວໄດ້ 0,6%.
ເຖິງຢ່າງໃດກໍຕາມ, ເອດິບີ ກໍກ່າວເຕືອນບາງຄວາມສ່ຽງຄື ສະພາບການຂາດແຮງງານ, ການເງິນທີ່ມີຈຳກັດ, ໄພທຳມະຊາດ ແລະ ການຜັນແປຂອງລາຄາສິນຄ້າທົ່ວໂລກ ແລະ ລະບົບສະໜອງ.
ເອດີບີ ປະຕິບັດ PEM ຕາມຮອບວຽນ 2 ປີເທື່ອໜຶ່ງ ເພື່ອຕີລາຄາກ່ຽວກັບບັນດາການຜັນແປທາງດ້ານເສດຖະກິດ ແລະ ບັນດາບັນຫານະໂຍບາຍຂອງ 14 ພື້ນຖານເສດຖະກິດ ທີ່ພວມພັດທະນາຢູ່ ປາຊີຟິກ. ບົດລາຍງານສະບັບຫຼ້າສຸດໄດ້ພິຈາລະນາໃນຫຼາຍແງ່ມູມທີ່ແຕກຕ່າງກັນ ເຊິ່ງມີສ່ວນກ່ຽວຂ້ອງເຖິງຄວາມສາມາດໃນການຟື້ນຟູຢູ່ ປາຊີຟິກ.
ນອກຈາກນັ້ນ, ບົດລາຍງານກໍສຸມໃສ່ການເຄື່ອນໄຫວກໍ່ສ້າງພື້ນຖານໂຄງລ່າງຟື້ນຟູ, ເພີ່ມທະວີ ຄວາມສາມາດໃນການຮັບມືກັບການປ່ຽນແປງຂອງດິນຟ້າອາກາດ ແລະ ເພີ່ມທະວີການຄຸ້ມຄອງການເງິນພາກລັດ.
