ວັນທີ 20 ສິງຫາ, ກະຊວງການຕ່າງປະເທດ ອາແຊັກໄບຊານ ຢັ້ງຢືນວ່າ: ໄດ້ມອບເອກະສານຂໍເຂົ້າເປັນສະມາຊິກກຸ່ມບັນດາພື້ນຖານເສດຖະກິດຫາກໍພົ້ນເດັ່ນ ( BRICS ).
ການກະທຳດັ່ງກ່າວ ດຳເນີນໄປພາຍຫຼັງທີ່ ຣັດເຊຍ ສະແດງການສະໜັບສະໜູນຄວາມຫວັງຂອງ ອາແຊັກໄບຊານ ຢາກເຂົ້າເປັນສະມາຊິກກຸ່ມ BRICS. ສິ່ງດັ່ງກ່າວໄດ້ຍົກອອກມາໃນຖະແຫຼງການຮ່ວມ ໃນວັນທີ 19 ສິງຫາ ລະຫວ່າງ ທ່ານ ວະລາດີເມຍ ປູຕິນ ປະທານາທິບໍດີ ຣັດເຊຍ ແລະ ທ່ານປະທານາທິບໍດີ ອາແຊັກໄບຊານ Ilham Aliyev ເນື່ອງໃນໂອກາດການໄປປະຕິບັດງານຂອງການນຳ ຣັດເຊຍ.
ກ່ອນໜ້ານັ້ນໃນເດືອນກໍລະກົດ, ອາແຊັກໄບຊານ ແລະ ຈີນ ກໍຮັບຮອງເອົາຖະແຫຼງການຮ່ວມ ກ່ຽວກັບການສ້າງຕັ້ງການພົວພັນຄູ່ຮ່ວມມືຍຸດທະສາດ; ໃນນັ້ນ ອາແຊັກໄບຊານ ປາຖະໜາຢາກເຂົ້າເປັນສະມາຊິກກຸ່ມ BRICS ແລະ ຈີນ ໄດ້ຊົມເຊີຍການຮ່ວມມືກັບອາແຊັກໄບຊານ ໃນຂອງເຂດຂອງອົງການຈັດຕັ້ງດັ່ງກ່າວ.
