ສະໂມສອນ ຕະວັນ ເທຄວັນໂດ ສົ່ງເຂົ້າຮ່ວມທັງໝົດ 15 ນ້ອງ ແລະ ຄູຝຶກ 4 ຄົນ ແລະ ຫົວໜ້າທີມ 1 ສາມາດຍາດໄດ້ເຖິງ 3 ຫຼຽນຄຳ, 2 ຫຼຽນເງິນ ແລະ 4 ຫຼຽນທອງແດງ (ທັງໝົດມາຈາກປະເພດຕໍ່ສູ້) ໃນງານແຂ່ງຂັນລ່າສຸດແມ່ນງານ The 7th Heroes Taekwondo International Championship 2024 ທີ່ນະຄອນຫຼວງບາງກອກ ປະເທດໄທ ລະຫວ່າງວັນທີ 10-12 ສິງຫາ 2024 ເຊິ່ງມີປະເທດເຂົ້າຮ່ວມ 30 ປະເທດ, ນັກກິລາທັງໝົດເຂົ້າຮ່ວມ 3.069 ຄົນ:
ສໍາລັບ ຜົນງານຂອງທີມດັ່ງກ່າວ ກ່ອນຫນ້ານີ້ ໃນວັນທີ 15-16/6/2024 ສະໂມສອນ ຕະວັນ ໄດ້ເຂົ້າຮ່ວມງານຊິງຂັນທ່ານເຈົ້າຄອງນະຄອນຫລວງວຽງຈັນທີ່ສູນກິລາລາວ-ຍີ່ປຸ່ນບູໂດເຊັນເຕີ ໃນຄັ້ງນັ້ນ ສະໂມສອນຕະວັນ ໄດ້ຂັນລວມອັນດັບທີ1 ຈາກທັງຫມົດ 20 ທີມ ມາຈາກຫລາຍແຂວງທົ່ວປະເທດ ຖືເປັນການຄອງແຊ້ມທ່ານເຈົ້າຄອງ2ສະໄຫມຊ້ອນ ແລະ ເປົ້າຫມາຍຈະຮັກສາແຊ້ມໃຫ້ໄດ້3ສະໄຫມຕິດຕໍ່ກັນ.
ພາຍຫລັງສຳເລັດການແຂ່ງຂັນຈາກບາງກອກນັກກິລາທຸກຄົນແມ່ນລະດົມໃສ່ຝຶກແແອບຢ່າງເປັນປົກກະຕິ ແລະເຂັ້ມງວດຂື້ນຕື່ມແນໃສ່ເພື່ອເຂົ້າຮ່ວມງານແຂ່ງຂັນຊິງຂັນ ທ່ານເອກອັກຄະລັດຖະທູດ ສ.ເກົາຫລີ,ທີ່ຈະຈັດຂື້ນທີ່ນະຄອນຫລວງພະບາງ ໃນວັນທີ 6-8/9/2024ນີ້ ເຊິ່ງຄັ້ງນີ້ເປົ້າຫມາຍຂອງສະໂມສອນຕະວັນຈະສົ່ງນັກກິລາເຂົ້າຮ່ວມແຂ່ງຂັນທັງຫມົດ45ຄົນ ລວມຄູຝຶກ6 ຄົນ ແລະ ປະທານອີກ1 ທ່ານ, ສ່ວນຜູ້ປົກຄອງແລະກອງເຊຍທີ່ຈະເດີນທາງໄປພ້ອມກັນປະມານ25ຄົນ ລວມທັງຫມົດ 75-80ຄົນ.
