ໃກ້ສິ້ນສຸດການລໍຄອຍແລ້ວສໍາລັບການປະກວດສາວງາມໃນເວທີ ມີສແກຣນລາວ 2024 ( Miss Grand Laos 2024 ) ອາທິດນີ້ຈະເປັນຮອບຕັດສິນ ຫຼື Final Competition ລຸ້ນເບິ່ງ ໃຜຈະເປັນ 1 ຈາກທັງໝົດ 18 ສາວງາມຕົວແທນແຕ່ລະແຂວງໃນປີນີ້ ຕັດສິນກັນໃນວັນທີ 25 ສິງຫາ 2024 ເລີິ່ມແຕ່ເວລາ 19:00 ໂມງເປັນຕົ້ນໄປທີ່ສູນວາງສະແດງສິນຄ້າ ໄອເຕັກ ຊັ້ນ 2 ຕຶກເກົ່າ.
ກ່ອນໜ້ານີ້ ໄດ້ມີການແຂ່ງຂັນຮອບ Swimsuit Competition ປາກົດວ່າ: ມິສແກຣນ ບໍລິຄໍາໄຊ, ມິສແກຣນ ນະຄອນຫຼວງວຽງຈັນ ແລະ ມິສແກຣນ ຊຽງຂວາງ ສ້າງຜົນງານໄດ້ດີທີ່ສຸດຕິດທ໊ອບ 3 ໂດຍພາລະກິດຕໍ່ໄປ 18 ນາງສາວຈະໄດ້ຮ່ວມປະກວດ 2 ຮອບສຸດທ້າຍ ໃນອາທິດນີ້ຄື: ວັນທີ 23 ສິງຫາ 2024 ຈະເປັນການແຂ່ງຂັນຮອບ Preliminary & National Costume Competition ເວລາ 17:30ໂມງ ເປີດປະຕູ ແລະ ວັນທີ 25 ສິງຫາ 2024 ຮອບ Final Competition ທີ່ສູນວາງສະແດງສິນຄ້າ ໄອເຕັກ “ຊັ້ນ 2” ຕຶກເກົ່າ ເລີ່ມແຕ່ເວລາ 19:00ໂມງ ເປີດປະຕູ, ເຊິ່ງມີສແກຣນລາວ 2024 ຈະໄດ້ຮັບ ມົງກຸດກຽດຕິຍົດ “ລາຍນາກມໍລະກົດ” ແຮງບັນດານໃຈມາຈາກ ຜ້າລາຍນາກ ທີ່ໄດ້ຮັບມໍລະດົກຈາກ UNESCO ປະດັບດ້ວຍພອຍມໍລະກົດສີຂຽວຊົງພະລັງ ອຸດົມສົມບູນ.
ສໍາລັບ 18 ນາງສາວ ທີ່ຮ່ວມລຸ້ນມົງກິດ ມີສແກຣນລາວ 2024 ມີດັ່ງນີ້: ( ເບິ່ງໄດ້ທີ່ຮູບ)
ຂ່າວ: Larh Crators; ຮູບຈາກ: Miss Grand Laos ມີສແກຣນລາວ
