ຢູ່ເມືອງວຽງຄຳ ແຂວງຫຼວງພະບາງ ໄດ້ເກີດໄພທຳມະຊາດ ຝົນຕົກໜັກຕິດຕໍ່ກັນຫຼາຍວັນ ມາຮອດໃນຄ່ຳຄືນຂອງວັນທີ 18 ສິງຫາ 2024 ເຮັດໃຫ້ເກີດມີດີນເຊາະເຈື່ອນພາໃຫ້ເສົາໄຟຟ້າແຮງກາງລົ້ມ ຈຳນວນ 3 ຕົ້ນ ແລະ ອຸປະກອນໄຟຟ້າເປ່ເພເສຍຫາຍຈຳນວນໜື່ງ ຢູ່ລະຫ່ວາງເຂດ ບ້ານເມືອງໝ້ວຍ ຫາ ບ້ານວັງຄຳ.
ປັດຈຸບັນປະຊາຊົນໃນເຂດດັ່ງກ່າວບໍ່ໄດ້ໃຊ້ໄຟຟ້າຊົ່ວຄາວ ມີຈຳນວນ 9 ບ້ານຄື: ບ້ານ ວັງຄຳ, ບ້ານ ຕຸ່ມມີ່ງ, ບ້ານ ວຽງທອງ, ບ້ານ ສົບເຮືອງ, ບ້ານ ນໍ້າຊອຍ, ບ້ານ ໜອງຄຳ ບ້ານ ປ່າໄຜ່, ບ້ານ ຫ້ວຍພຽງ ແລະ ບ້ານ ຫາດຫ່ຽນ.
ປະຈຸບັນ ທາງຫ້ອງການໄຟຟ້າເມືອງວຽງຄຳ ໄດ້ລົງພື້ນທີ່ ແລະ ກຳລັງແກ້ໄຂສ້ອມແປງ ໃຫ້ປະຊາຊົນໃນເຂດດັ່ງກ່າວ ໄດ້ກັບມາມີໄຟຟ້າໃຊ້ໃນໄວໆນີ້.
