ພິທີມອບ – ຮັບເງິນ ພັດທະນາໂຄງການ ວຽງຈັນນະຄອນສີຂຽວງວດທໍາອິດ ມູນຄ່າ 400 ລ້ານໂດລາສະຫະລັດ ລະຫວ່າງບໍລິສັດການຄ້າຮາມດາອຸຍໂຮນດິ້ງສາກົນ(ຜູ້ມອບ) ຮັບໂດຍ ໂຄງການອ້ອມອາຊີສາກົນ ໂຄງການວຽງຈັນນະຄອນສີຂຽວ ຂຶ້ນໃນວັນທີ 19 ສິງຫາ 2024 ທີ່ຫ້ອງການ ໂຄງການອ້ອມອາຊີສາກົນ ໃນເຂດເສດຖະກິດພິເສດບຶງທາດຫຼວງ ນະຄອນຫຼວງວຽງຈັນ ເຂົ້າຮ່ວມມີ ທ່ານ ຈ້າວເພີຍຈົງ (Zhao Peizhong) ປະທານ ບໍລິສັດຊີນກາງ, ທ່ານ ຫວັງ ຊິງອານ (Wang Qing an), ທ່ານ Younes Hamdaoui Ei Bou ປະທານ ບໍລິສັດການຄ້າ ຮາມດາອຸຍໂຮນດິ້ງ ສາກົນ ພ້ອມດ້ວຍຜູ່ຕ່າງໜ້າຈາກພາກສ່ວນກ່ຽວຂ້ອງ ແລະ ສື່ມວນຊົນເຂົ້າຮ່ວມ.
ທ່ານ ຈ້າວເພີຍຈົງ ປະທານ ບໍລິສັດຊີນກາງ ກ່າວວ່າ: ຄວາມມີຊີວິດຊີວາ ແລະ ໂອກາດຂອງຕະຫຼາດເອເຊຍຕາເວັນອອກສຽງໃຕ້ ຄວາມກ້າວໜ້າທາງເສດຖະກິດຂອງປະເທດລາວໄດ້ເລັ່ງຂະຫຍາຍຕົວຂຶ້ນຢ່າງຕໍ່ເນື່ອງ ໂດຍດຶງດູດນັກລົງທຶນຕ່າງຊາດໃຫ້ມາລົງທຶນໃນປະເທດຢ່າງຕໍ່ເນື່ອງ ແລະ ກາຍເປັນໜຶ່ງໃນພື້ນທີ່ ແລະ ການລົງທຶນທີ່ພົ້ນເດັ່ນທີ່ມີທ່າແຮງສູງສຸດໃນພື້ນທີ່ທາງເອເຊຍປາຊິຟິກ ນັບຕັ້ງແຕ່ເປີດຕົວໂຄງການອ້ອມອາຊີສາກົນ ໂຄງການວຽງຈັນນະຄອນສີຂຽວ ໃນປີ 2017 ຕະຫຼາດເອເຊຍຕາເວັນອອກສຽງໃຕ້ໄດ້ສະແດງໃຫ້ເຫັນເຖີງຄວາມມີຊີວິດຊີວາ ແລະ ໂອກາດໃນການເປັນຕະຫຼາດທີ່ພົ້ນເດັ່ນ, ຖານປະຊາກອນຂະໜາດໃຫຍ່ ແລະ ຈຳນວນຜູ້ໃຊ້ອິນເຕີເນັດທີ່ເຕີບໂຕຢ່າງໄວວາເຮັດໃຫ້ໂຄງການອ້ອມອາຊີສາກົນມີພື້ນທີ່ ກວ້າງຂວາງສໍາລັບການພັດທະນາຄວາມໄດ້ປຽບທາງພູມສາດຂອງປະເທດລາວໃນຖານະສູນກາງການແຂ່ງຂັນທາງກົນລະຍຸດ, ການພັດທະນາຢ່າງໄວວາຂອງປະເທດລາວໄດ້ຮັບປະໂຫຍດຈາກນະໂຍບາຍທີ່ເປີດກວ້າງຂອງລັດຖະບານ “ໂຄງການໜຶ່ງແລວໜຶ່ງເສັ້ນທາງ” ແລະ ການກໍ່ສ້າງທາງລົດໄຟຈີນ-ລາວໄດ້ປົດປ່ອຍຂໍ້ໄດ້ປຽບທາງພູມສາດ ແລະ ຊັບພະຍາກອນຢ່າງເຕັມທີ່, ເຮັດໃຫ້ສະພາບແວດລ້ອມ
ພາຍນອກທີ່ໝັ້ນຄົງສຳລັບໂຄງການອ້ອມອາຊີສາກົນໃນທ້ອງຖິ່ນ.
ທ່ານ ດຣ. Younes Hamdaoui Ei Bou ປະທານ ກຸ່ມ ບໍລິສັດ ການຄ້າຮາມດາອຸຍ ກ່າວວ່າ: ພິທີລົງນາມຮ່ວມມືທາງກົນລະຍຸດລະຫວ່າງ ໂຄງການອ້ອມອາຊີສາກົນໂຄງການວຽງຈັນນະຄອນສີຂຽວ ແລະ ບໍລິສັດການຄ້າຮາມດາອຸຍຈາກປະເທດ ແອັດສະປາຍ ຊ່ວຍສົ່ງເສີມການແລກປ່ຽນທາງເສດຖະກິດ ແລະ ມິດຕະພາບຄວາມສໍາພັນລະຫວ່າງປະເທດຈີນ, ປະເທດລາວ ແລະ ປະເທດ ແອັດສະປາຍ, ຂ້າພະເຈົ້າຂໍໃຊ້ 3 ຄໍາ ໂດຍມີີຄໍາວ່າ “ໃໝ່” ເພື່ອປຶກສາຫາລືກ່ຽວກັບການພັດທະນາອະນາຄົດກັບທຸກທ່ານ ການຮ່ວມມືໃໝ່: ທັງສອງຝ່າຍຈະຮ່ວມກັນສໍໍາຫຼວດໂອກາດທາງການຕະຫຼາດໃໝ່ໆ, ໂດຍສະເພາະແມ່ນໂຄງການອະສັງຫາລິມະຊັບ, ໂຄງສ້າງພື້ນຖານ ແລະ ພະລັງງານສີຂຽວ, ອໍານວຍຄວາມສະດວກໃນການໝູນວຽນຂອງເງິນທຶນ, ເຕັກໂນໂລຊີ, ສ້າງຊ່ອງທາງສື່ສານ ແລະ ກົນໄກການຮ່ວມມືທີ່ຊັດເຈນ.
ເພື່ອນໃໝ່: ໃນສະພາບແວດລ້ອມທາງທຸລະກິດລະຫວ່າງປະເທດ, ການສ້າງມິດຕະພາບຄວາມສໍາພັນໃໝ່ເປັນວິທີສໍາຄັນໃນການຂະຫຍາຍທຸລະກິດ ແລະ ການຕະຫຼາດ. ແລະ ຮູບແບບທຸລະກິດຂອງກັນ ແລະ ກັນ, ເຊິ່ງຈະຊ່ວຍສ້າງຄວາມຮ່ວມມືໄລຍະຍາວ, ທັງສອງຝ່າຍສາມາດສາມາດຈັດກິດຈະກໍາແລກປ່ຽນວັດທະນາທໍາ ແລະ ການເຝິກອົບຮົມທາງທຸລະກິດເພື່ອ ສ້າງຮາກຖານທີ່ໝັ້ນຄົງສໍາລັບການຮ່ວມມືທີ່ກວ້າງຂຶ້ນໃນອະນາຄົດ.
ປະເທດໃໝ່: ການຮ່ວມມືນີ້ບໍ່ພຽງແຕ່ມີຜົນປະໂຫຍດຕໍ່ບໍລິສັດຂອງທັງສອງຝ່າຍ, ແຕ່ຍັງຊ່ວຍສົ່ງເສີມການແລກປ່ຽນທາງເສດຖະກິດ, ມິດຕະພາບຄວາມສໍາພັນລະຫວ່າງ 3 ປະເທດໄດ້ແກ່: ປະເທດຈີນ, ປະເທດລາວ ແລະ ປະເທດ ແອັດສະປາຍ .ໃນບໍລິບົດຂອງການຮ່ວມມືຫຼາຍປະເທດ, ແນະນໍາໃຫ້ທັງສາມຝ່າຍສົມທົບຮ່ວມກັນສໍາລວດເພື່ອສ້າງຂອບເຂດການຮ່ວມມືຫຼາຍຝ່າຍ. ໃນເວລາດຽວກັນ, ສາມາດຮ່ວມກັນສໍາຫຼວດຕະຫຼາດຕ່າງປະເທດ ໃໝ່ໆ ໂດຍການມີສ່ວນຮ່ວມໃນໂຄງການລະຫວ່າງປະເທດເຊັ່ນ: ໂຄງການລິເລີ່ມໜຶ່ງແລວໜຶ່ງເສັ້ນທາງ ເພື່ອໃຫ້ເກີດຜົນສໍາເລັດຮ່ວມກັນ.
ສໍາລັບ ໂຄງການອ້ອມອາຊີສາກົນ ແລະ ໂຄງການວຽງຈັນນະຄອນສີຂຽວ ເລີ່ມກໍ່ສ້າງເມື່ອວັນທີ 5 ພະຈິກ ປີ2019 ໃຊ້ເວລາກໍ່ສ້າງເກືອບ 5ປີ, ໂຄງການອ້ອມອາຊີສາກົນ ມີຫຼາຍຕືກເຊິ່ງ ຕຶກ 8 ອາຄານສໍານັກງານຫ້ອງການ, ຕຶກ 9 ຕືກ 10 ອາຄານຄອນໂດມີນຽມ ແລະ ຕຶກ 6 ອາຄານອາພາດເມັ້ນ ສໍາລັບໂຄງຮ່າງຂອງຕຶກແມ່ນສ້າງສໍາເລັດແລ້ວ, ໂຄງການວຽງຈັນນະຄອນສີຂຽວ ຕຶກ 5 ອາຄານອາພາດເມັ້ນ. ເດືອນ ສິງຫາ 2023 ເປັນມື້ເປີດສູນການຕະຫຼາດຢ່າງເປັນທາງການ ແລະ ເດືອນ ຕຸລາ 2023 ເປັນມື້ເປີດຫ້ອງຕົວຢ່າງທີ່ຕົກແຕ່ງສົມບູນ.
