ການແຂ່ງຂັນບານເຕະເຍົາວະຊົນ ຊີງຂັນ ສຕລ ຮຸ່ນອາຍຸບໍ່ເກີນ 19 ປີ ປະຈຳປີ 2024 LFF U-19 CHAMPIONSHIP 2024 ໄດ້ຄົບ 4 ທີມຜ່ານເຂົ້າຮອບຮອງຊະນະເລີດ ໂດຍກໍານົດແຂ່ງຂັນໃນມື້ອື່ນວັນທີ 20 ສິງຫາ 2024 ທີ່ສະໜາມສູນຝຶກຫ້ວຍຫົງ ສະຫະພັນບານເຕະແຫ່ງຊາດລາວ.
ລາຍການດັ່ງກ່າວມີ 10 ສະໂມສອນເຂົ້າຮ່ວມຊີງໄຊແຂ່ງຂັນແບບພົບກັນໝົດໃນຮອບທໍາອິດ ເພື່ອຄັດເອົາອັນດັບ 1-4 ຜ່ານເຂົ້າຮອບ 4 ທີມສຸດທ້າຍໄປ ຜ່ານການແຂ່່ງປາກົດວ່າ:
-ເອສະຣາ ຢຶດອັນດັບທີ 1 ຈາກການລົງສະໜາມ 9 ນັດຊະນະ 8 ແລະ ເສຍ 1 ນັດມີ 24 ຄະແນນ
-ອັນດັບ 2 ນໍ້າທາ ຢູໄນເຕັດ ລົງສະໜາມ 9 ນັດຊະນະ 6, ສະເໝີ 2 ແລະ ເສຍ 1 ນັດມີ 20 ຄະແນນ
-ອັນດັບ 3 ເອັຟຊີ ຈັນທະບູລີ ລົງສະໜາມ 9 ນັດຊະນະ 6, ສະເໝີ 1 ແລະ ເສຍ 2 ນັດມີ 19 ຄະແນນ
– ອັນດັບ 4 ມາສເຕີ 7 ເອັຟຊີ ລົງສະໜາມ 9 ນັດຊະນະ 4, ສະເໝີ 3 ແລະ ເສຍ 2 ນັດມີ 15 ຄະແນນ
ເຮັດໃຫ້ທັງ 4 ທີມນີ້ຜ່ານເຂົ້າຮອບ 4 ທີມສຸດທ້າຍ ຫຼ້າສຸດໄດ້ມີການຈັບສະຫຼາກປະກົບຄູ່ແຂ່ງຂັນມີດັ່ງນີ້:
+ວັນອັງຄານ 20 ສິງຫາ 2024:
-ເວລາ 16:00 ນໍ້າທາ ພົບ ເອສະຣາ ແຂ່ງຂັນຢູ່ທີ່ ສູນຝຶກຫ້ວຍຫົງ ສຕລ ສະຫນາມ 1
-ເວລາ 16:00 ມາສເຕີ້ ເຊເວັ້ນ ພົບ ຈັນທະບູລີ ແຂ່ງຂັນຢູ່ທີ່ ສູນຝຶກຫ້ວຍຫົງ ສຕລ ສະຫນາມ 2
