ອີກໜຶ່ງນັກມວຍລາວທີ່ໜ້າຈັບຕາ ລາວສະຕ້າ ກຽດທົງຍົດ ນ້ອງຊາຍຄົນເກັ່ງຂອງ ເມືອງລາວ ກຽດທົງຍົດ ກຽມຂຶ້ນຊົກໃນເວທີມວຍດັງລາຍການ ສຶກເຈົ້າມວຍໄທ ໃນມື້ອື່ນວັນເສົາທີ 17 ສິງຫາ 2024 ທີ່ເວທີມວຍສະຫຍາມອ້ອມນ້ອຍ ເລີ່ມແຕ່ເວລາ 12:15 – 14:00 ໂມງຖ່າຍທອດສົດທາງຊ່ອງ 3HD ຂອງປະເທດໄທ.
ທ່ານ ອາຈານ ແຫຼ ເປັນຄູມວຍຈາກແຂວງສະຫວັນນະເຂດ ເປັນທັງຜູ້ດູແລ ແລະ ພໍ່ຮັກຂອງ ເມືອງລາວ ແລະ ລາວສະຕ້າ ເປີດເຜີຍກັບແອັດມິນ ໄອບ໊ອກ ວ່າ: ລາວສະຕ້າ ເປັນນ້ອງຊາຍຂອງ ເມືອງລາວ, ເຊິ່ງໄດ້ຄິວຊົກກັບ ຍອດມະນີ ນັກມວຍຈາກໄທ ຈະຂຶ້ນຊົກໃນວັນທີ 17 ສິງຫາ 2024 ຊີງສາຍແອວຮຸ່ນນໍ້າໜັກ 105 ປອນຕອນນີ້ກຳລັງເຮັດນ້ຳຫນັກຢູ່ຄ້າຍມວຍບຖ້ນທີອຳເພີເລນູູຈັງຫວັດນະຄອນພະນົມ ຕອນແລງຂື້ນຍົນເດີ່ນທາງໄປກຸງເທບ ( ນະຄອນຫຼວງບາງກອງ ປະເທດໄທ ).
ອາຈານແຫຼ້ ເຄີຍເປັນຄູຝຶກມວຍທີມຊາດລາວ ຊຸດໄປມາເລເຊຍ ປີ 2017 ກ່າວອີກວ່າ: ສໍາລັບອາຈານ ເປັນຜູ້ດູແລນັກລາວແມ່ນ 3 ຄົນຄື ເມືອງລາວ, ລາວສະຕ້າ ແລະ ເສືອຝັ່ງຊ້າຍ, ສ່ວນປັດຈຸບັນກໍາລັງຕິດຕາມ ສອງແຜ່ນດິນ ທີ່ເປັນນັກມວຍລາວຈາກແຂວງສະຫວັນນະເຂດ, ໂດຍມີ ທ່ານສົມພົງ ກົງກຽມ ດູແລການຝຶກແອບຂອງນັກກິລາໃນຄ້າຍກຽດທົງຍົດ ແລະ ອາຈານ ກໍເປັນຜູ້ຊ່ວຍຝຶກຊ້ອມບາງຄັ້ງຄາວ ເຊິ່ງກໍໄດ້ຮັບການສະໜັບສະໜູນຈາກ ຜູ້ໃຫຍ່ ໄກ່ ຫຼື ທ່ານ ລັນສະກອນ ທົງຍົດ ເຈົ້າຂອງຄ້າຍກຽດທົງຍົດ.
ຝາກຕິດຕາມເຊຍນັກມວຍລາວ ໃນວັນເສົາວັນທີ17/08/2024 ເວລາແຕ່ເວລາ 12:45 ໂມງເປັນຕົ້ນໄປ ທີເວທີອ້ອມນ້ອຍຊ່ອງ 3 ຖ່າຍທອດ ນ້ອງຊາຍເມືອງລາວ ກໍຄື ລາວສະຕາ ກຽດທົງຍົດ ຈະຂຶ້ນຊົດມວນຊີງສາຍແອວມວຍລຸ້ນ 105 ປອນ.
ຂ່າວ: Larh Creators
