ຍອດຂາຍລົດອີວີ ( EV ) ທົ່ວໂລກຂະຫຍາຍຕົວ 21% ໃນເດືອນກໍລະກົດ ໂດຍທີ່ຕະຫຼາດຈີນ ຂະຫຍາຍຕົວຢ່າງເຂັ້ມແຂງ ທີ່ລະດັບ 31% ຊ່ວຍຊົດເຊີຍຕະຫຼາດເອີຣົບທີ່ງຽບເຫງົາ.
ສຳນັກຂ່າວຕ່າງປະເທດລາຍງານວ່າ: ອີງຕາມການເປີດເຜີຍຂອງບໍລິສັດວິໄຈຕະຫຼາດ ໂຣ ໂມຊັນ ໃຫ້ຮູ້ວ່າຍອດຂາຍລົດໄຟຟ້າແບບແບັດເຕີຣີ (BEV) ແລະ ລົດໄຟຟ້າແບບປັກອິນໄຮບຣີດ (PHEV) ທົ່ວໂລກປັບຕົວເພີ່ມຂຶ້ນ 21% ໃນເດືອນກໍລະກົດ ໂດຍໄດ້ແຮງຍູ້ໜູນຈາກຍອດຂາຍໃນຈີນທີ່ຂຶ້ນຈຸລະດັບສູງສຸດ ເຖິງວ່າຄວາມຕ້ອງການໃນເອີຣົບ ຈະຫຼຸດລົງກໍຕາມ.
ລາຍງານລະບຸວ່າຍອດຂາຍລົດໄຟຟ້າທົ່ວໂລກຢູ່ທີ່ 1,35ລ້ານຄັນ ໃນເດືອນກໍລະກົດ ໂດຍໃນຈຳນວນນີ້ 8,8 ແສນຄັນແມ່ນຍອດຂາຍໃນຈີນ ເຊິ່ງເພີ່ມຂຶ້ນ 31% ເມື່ອທຽບເປັນລາຍປີ ສ່ວນຍອດຂາຍລົດ PHEV ໃນຈີນ 7 ເດືອນປີນີ້ ເພີ່ມຂຶ້ນ 70% ເມື່ອທຽບເປັນລາຍປີ.
ໃນເອີຣົບ ຍອດຂາຍລົດອີວີ ປັບຕົວຫຼຸດລົງ 7,8% ໃນເດືອນກໍລະກົດ ສ່ວນຍອດຂາຍໃນ 7ເດືອນປີ 2204 ຫຼຸດລົງ 12% ໃນເຢຍລະມັນ ເຊິ່ງຖືເປັນຕະຫຼາດລົດອີວີໃຫຍ່ສຸດໃນສະຫະພາບເອຣົບ. ສ່ວນຍອດຂາຍໃນອາເມຣິກາ ແລະ ການາດາ ຂະຫຍາຍຕົວ 7,1% ໃນເດືອນກໍລະກົດ.
ດ້ານບໍລິສັດ ບີວາຍດີ ລະບຸຍອດຂາຍລົດ ອີວີ ແລະ ໄຮບຣີດ ທົ່ວໂລກເພີ່ມຂຶ້ນ 13% ແລະ 44% ຕາມລຳດັບ.
