ຂ່າວຊີອາໄອ ລາຍງານວ່າ: ວັນທີ 12 ສິງຫານີ້, ແທ່ນທ້ອນໂຮມ ແລະ ສົ່ງອອກນ້ຳມັນເຊື້ອໄຟ – ແກ໊ສ ທຳມະຊາດມາຈານ ເຊິ່ງເປັນແທ່ນຂຸດເຈາະນ້ຳມັນເຊື້ອໄຟ ແລະ ອາຍແກ໊ສທຳມະຊາດທາງທະເລສາກົນໃຫຍ່ທີ່ສຸດທີ່ຈີນກໍ່ສ້າງໄດ້ສ້າງສຳເລັດ ແລະ ມອບ – ຮັບແລ້ວຢູ່ນະຄອນຊີ່ງຕາວ ແຂວງຊ່ານຕົ່ງຈີນ, ການສ້າງສຳເລັດແທ່ນຂຸດເຈາະດັ່ງກ່າວເປັນຂີດໝາຍສະແດງໃຫ້ເຫັນວ່າ, ເຕັກນິກກໍ່ສ້າງເຄື່ອງຂຸດເຈາະນ້ຳມັນເຊື້ອໄຟ ແລະ ອາຍແກ໊ສທຳມະຊາດທາງທະເລຂະໜາດ ໃຫຍ່ຂອງຈີນໄດ້ຮັບການບຸກທະລຸ.
ແທ່ນມາຈານ ຈະຖືກຕິດຕັ້ງຢູ່ເຂດທະເລອາຣັບບີ ຊາອຸດິດ ເພື່ອເພີ່ມທະວີຂີດ ຄວາມສາມາດດ້ານການຜະລິດຂອງບໍ່ນ້ຳມັນມາຈານ. ເມື່ອບໍ່ນ້ຳມັນມາຈານ ເລີ່ມດຳເນີນການຜະລິດແລ້ວ ປະລິມານການຜະລິດນ້ຳມັນດິບ ຈະບັນລຸເຖິງ 24 ລ້ານໂຕນຕໍ່ປີ.
