ລາຄານໍ້າມັນດິບໃນຕະຫຼາດໂລກປັບຂຶ້ນ 3 ໂດລາສະຫະລັດໃນວັນທີ 13 ສິງຫາ ສູ່ລະດັບ 80ໂດລາສະຫະລັດ ຈາກຄວາມກັງວົນສະຖານະການໃນຕາເວັນອອກກາງ ຫຼັງອາເມຣິກາ ສົ່ງກອງເຮືອໄປເພີ່ມ.
ສັນຍານໍ້າມັນດິບເວັດເທັກຊັດ ຕະຫຼາດນິວຢອກປິດຕະຫຼາດປັບຂຶ້ນ 4% ໃນວັນຈັນທີ 12 ສິງຫາ 2024 ແລະ ເປັນການປິດໃນແດນບວກ 5 ວັນເຮັດວຽກ ໂດຍໄດ້ແຮງຍູ້ຈາກສະຖານະການໃນຕາເວັນອອກກາງທີ່ອາດລຸກລາມເປັນວົງ ກວ້າງ ແລະ ອາດສົ່ງຜົນກະທົບຕໍ່ອຸປະທານນໍ້າມັນໃນຕະຫຼາດໂລກ.
ໃນນີ້ສັນຍານໍ້າມັນດິບເວັດເທັກຊັດ ງວດສົ່ງມອບເດືອນກັນຍາ ເພີ່ມຂຶ້ນ 3,22 ໂດລາປິດທີ່80,06 ໂດລາສະຫະລັດຕໍ່ບາ ເຣລ; ສ່ວນສັນຍານໍ້າມັນດິບ ເບຣນ ງວດສົ່ງມອບເດືອນກັນຍາ ປັບຂຶ້ນ 2,64 ໂດລາປິດທີ່28,30 ໂດລາສະຫະລັດ.
ນອກນີ້, ນັກລົງທຶນຍັງຕິດຕາມດັດຊະນີຜູ້ບໍລິໂພກ (CPI) ປະຈຳເດືອນກໍລະກົດຂອງອາເມຣິກາ ໃນວັນພຸດທີ 14 ສິງຫາ ໂດຍນັກວິເຄາະຄາດວ່າດັດຊະນີ CPI ທົ່ວໄປ ເຊິ່ງລວມໝວດອາຫານ ແລະ ພະລັງງານຈະເພີ່ມຂຶ້ນ 0,2% ໃນເດືອນກໍລະກົດ ເມື່ອທຽບເປັນລາຍເດືອນ ຫຼັງຈາກປັບລົງ 0,1% ໃນເດືອນມິຖຸນາ.
ຂະນະທີ່ລາຄາຄຳ ກໍປັບຕົວຂຶ້ນຈາກນັກລົງທຶນຄາດການວ່າເຟດຈະປັບຫຼຸດອັດຕາດອກເບ້ຍໃນການປະຊຸມໃນເດືອນກັນຍານີ້ ລວມທັງຄວາມຂັດແຍ່ງລະຫວ່າງ ຣັດເຊຍ ກັບ ອູແກຣນ ແລະ ສະຖານະການໃນຕາເວັນອອກກາງ ເປັນປັດໄຈຍູ້ລາຄາຄຳ Gold Spot ຂຶ້ນໄປຢູ່ທີ່2.462,60 ໂດລາສະຫະລັດຕໍ່ອອນ ໃນວັນທີ 13 ສິງຫາ.
