ເຈພີ ມໍແກນ ເຊສ (JPMor gan Chase) ທະນາຄານໃຫຍ່ທີ່ສຸດໃນສະຫະລັດອາເມຣິກາ ປັບເພີ່ມໂອກາດທີ່ເສດຖະກິດອາເມຣິກາ ຈະເຂົ້າສູ່ພາວະຖົດຖອຍ ພາຍໃນທ້າຍປີນີ້ ເປັນ 35% ຈາກເດີມທີ່ປະເມີນໄວ້ 25% ເມື່ອຕົ້ນເດືອນຜ່ານມາ.
ຕອນນີ້ເສດຖະກິດອາເມຣິກາ ສົ່ງສັນຍານວ່າຄວາມຕ້ອງການແຮງງານຫຼຸດລົງຢ່າງວ່ອງໄວກວ່າທີ່ຄາດການໄວ້ ແລະ ເລີ່ມມີສັນຍານການຫຼຸດຈຳນວນແຮງງານ ເຊິ່ງນັກເສດຖະສາດຂອງເຈພີ ມໍແກນ ນຳໂດຍ ບຣູຊ ແຄສແມນ ລະບຸໃນບັນທຶກເຖິງລູກຄ້າ ເມື່ອວັນພຸດອາທິດຜ່ານມາວ່າ ທີມງານຍັງຄົງປະເມີນໂອກາດເສດຖະກິດ ສະຫະລັດອາເມຣິກາ ຖົດຖອຍ ໃນໄລຍະເຄິ່ງຫຼັງຂອງປີ 2025 ໄວ້ທີ 45%.
ເນື່ອງຈາກແຮງກົດດັນດ້ານເງິນເຟີ້ຫຼຸດລົງ ເຊິ່ງເຈພີມໍແກນ ຄາດວ່າ ເຟດ ຈະປັບຫຼຸດອັດຕາດອກເບ້ຍລົງ 0,50% ໃນເດືອນກັນຍາ ແລະ ເດືອນພະຈິກ.
ຂະນະທີ່ ທ່ານ ເຈີໂຣມ ພາວ ເວລ ປະທານເຟດກ່າວເມື່ອອາທິດຜ່ານມາວ່າ: ທະນາຄານກາງອາດປັບຫຼຸດອັດຕາດອກເບ້ຍໄວທີ່ສຸດໃນເດືອນກັນຍາ ເນື່ອງຈາກມີຄວາມສ່ຽງທີ່ຕະຫຼາດແຮງງານຈະອ່ອນແອລົງ. ຄວາມກັງວົນດັ່ງກ່າວກາຍເປັນປະເດັນສຳຄັນໃນວັນສຸກເມື່ອຂໍ້ມູນການຈ້າງງານຂອງເດືອນກໍລະກົດ ສະແດງໃຫ້ເຫັນວ່າການຈ້າງງານຖົດຖອຍລົງ ແລະ ອັດຕາວ່າງງານເພີ່ມຂຶ້ນຢ່າງບໍ່ຄາດຄິດ.
