ໃນວັນທີ 13 ສິງຫາ 2024 ກົມມາດຖານ ແລະ ວັດແທກ(ກມວ) ກະຊວງ ອຸດສາຫະກໍາ ແລະ ການຄ້າ ໄດ້ຈັດກອງປະຊຸມ ໃຫຍ່ຄັ້ງທີ III ຂອງໜ່ວຍ ຊາວໜຸ່ມ ກົມມາດຕະຖານ ແລະ ວັດແທກ ກະຊວງ ອຄ ເຂົ້າຮ່ວມຂອງສະຫາຍ ປອ. ບຸນເພັງ ສີບຸນເຮືອງ ເລຂາຄະນະບໍລິຫານງານ ຊາວໜຸ່ມ ປະຊາຊົນປະຕິວັດລາວ ກະຊວງ ອຄ, ສະຫາຍ ວຽງທອງ ວົງທະວິໄລ ເລຂາໜ່ວຍພັກ ກົມມາດຕະຖານ ແລະ ວັດແທກ ມີພະນັກງານ ຊາວໜຸ່ມ ກົມມາດຖານ ແລະ ວັດແທກ ແລະ ແຂກຖືກເຊີນເຂົ້າຮ່ວມ.
ໃນພິທີ ໄດ້ມີການສະຫຼຸບຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ ຂອງໜ່ວຍຊາວໜຸ່ມ ກົມມາດຕະຖານ ແລະ ວັດແທກ ຄັ້ງທີ II (2019-2024), ໜ່ວຍຊາວໜຸ່ມ ກົມມາດຕະຖານ ແລະ ວັດແທກ ມີສະມາຊິກຊາວໜຸ່ມທັງໝົດ 74 ສະຫາຍ, ຍິງ 23 ສະຫາຍ, ປັດຈຸບັນ ມີໜ້າປະຈຳການ 52 ສະຫາຍ, ຍິງ 20 ສະຫາຍ ແລະ ໄດ້ຖືກແຕ່ງຕັ້ງໄປປະຈຳການຢູ່ ຫ້ອງກວດສອບຄຸນນະພາບ ນ້ຳມັນເຊື້ອໄຟທັງໝົດ 22 ສະຫາຍ, ຍິງ 3 ສະຫາຍ.
ໃນນີ້ ຈໍານວນສະມາຊິກພັກທີ່ເປັນສະມາຊິກພັກສົມບູນ ມີ 66 ສະຫາຍ, ເປັນຍິງ 18 ສະຫາຍ ແລະ ສໍາຮອງ 8 ສະຫາຍ, ຍິງ 2 ສະຫາຍ. ກໍາລັງສະເໜີເຂົ້າເປັນສະມາຊິກພັກສົມບູນ ຈໍານວນ 5 ສະຫາຍ, ຍິງ 2 ສະຫາຍ, ກໍາລັງສະເໜີເຂົ້າເປັນສະມາຊິກພັກສຳຮອງ 2 ສະຫາຍ;
ຄະນະໜ່ວຍຊາວໜຸ່ມ ກົມ ໄດ້ຊຸກຍູ້, ປະສານສົມທົບກັບຄະນະພັກ-ຄະນະນໍາກົມ ແລະ ພາກສ່ວນທີີ່ ກ່ຽວຂ້ອງໃນການກໍ່ສ້າງ-ບໍາລຸງ ແລະ ຍົກລະດັບສະມາຊິກຊາວຫນຸ່ມໃຫ້ມີຄວາມຮູ້ ຄວາມສາມາດດັັ່ງນີ້:
ດ້ານທິດສະດີການເມືອງ-ການປົກຄອງ ໄດ້ສໍາເລັດການຮຽນທິດສະດີການເມືອງ-ການປົກຄອງ ໄລຍະສັ້ນ 45 ວັນ ຈຳນວນ 5 ຄັ້ງລວມເປັນ 10 ສະ ຫາຍ, ຍິງ 5 ສະຫາຍ; ກໍາລັງຮຽນທິດສະດີການເມືອງ-ການປົກຄອງ ຂັ໊ນກາງ ຈໍານວນ 1 ສະຫາຍ ເປັນຍິງ.
ດ້ານການຂະຫຍາຍສະມາຊິກພັກ ແລະ ພະນັກງານ ໄດ້ກໍສ້າງເຂົ້າເປັນສະມາຊິກພັກສົມບູນໄດ້ຈໍານວນ 6 ສະຫາຍ; ໄດ້ເລືີ່ອນຕໍາແໜ່ງ ບໍລິຫານ ຈາກຮອງຫົວໜ້າ ພະແນກ ຂຶ້ນເປັນ ຫົວຫນ້າພະແນກ 3 ສະຫາຍ, ຍິງ 2 ສະຫາຍ, ຈາກວິຊາການເປັນຮອງຫົວໜ້າພະແນກ 25 ສະຫາຍ. ຍິງ ສະຫາຍ; ໄດ້ສະເໜີ ພະນັກງານວິຊາການຂຶ້ນເປັນ ຮອງຫົວຫນ້າພະແນກ 2 ສະຫາຍ.
ພ້ອມນັ້ນ ເຂົ້າຮ່ວມການຝຶກອົບຮົມ ແລະ ປະຊຸມຮ່ວມກັບພາກຂະແໜງການທີີ່ກ່ຽວຂ້ອງທັງໝົດ ໄດ້ 135 ຄັ້ງ, ໃນນີ້ ພາຍໃນປະເທດ: 55 ຄັ້ງ, ລວມ ເປັນ 88 ເທືີ່ອຄົນ ແລະ ຕ່າງປະເທດ 80 ຄັ້ງ, ລວມ 125 ເທືີ່ອຄົນ ແລະ ວຽກງານວິຊາສະເພາະຂອງ ກມວ
ທີ່ປະຊຸມ ຍັງໄດ້ປ່ອນບັດຄັດເລືອກເອົາ ຄະນະໜ່ວຍຊາວໜຸ່ມຮາກຖານ ກມວ ຊຸດໃໝ່ ເຊິ່ງ ສະຫາຍ ອູ່ທອງ ອຸ່ນນະລົງ ເປັນເລຂາໜ່ວຍຊ່ວຍໜຸ່ມ, ສະຫາຍ ອາພອນ ສຸລັດ ເປັນຮອງເລຂາໜ່ວ, ສະຫາຍ ພູມມີສັກ ວົງເດືອນ ເປັນປະທານກວດກ, ສະຫາຍ ວັນນະກອນ ຕົ້ນແພງ ແລະ ສະຫາຍ ນາງ ແອນນີ້ ສີສານ ເປັນຄະນະ.
ໃນຕອນທ້າຍ ກອງປະຊຸມ ຍັງໄດ້ຮັບຟັງການໂອລົມຂອງ ສະຫາຍ ປອ. ບຸນເພັງ ສີບຸນເຮືອງ ເລຂາຄະນະບໍລິຫານງານ ຊາວໜຸ່ມ ປະຊາຊົນປະຕິວັດລາວ ກະຊວງ ອຄ ເຊິ່ງທ່ານໄດ້ສະແດງຄວາມຍ້ອງຍໍຊົມເຊີຍ ຜົນງານຂອງຄະນະໜ່ວຍ ກມວ ຊຸດເກົ່າ ແລະ ໃຫ້ທິດຊີ້ເຍືອງທາງ ຄະນະໜ່ວຍຊາວໜຸ່ມ ກມວ ຊຸດໃໝ່ ເພື່ອເຮັດສໍາເລັດໜ້າທີ່ຕາມແຜນການທີ່ວາງໄວ້.
