ເຈົ້າແຂວງບໍລິຄຳໄຊ ອອກແຈ້ງການເຖິງ ທ່ານເຈົ້າເມືອງ 7 ຕົວເມືອງ ພາຍໃນແຂວງ ເລື່ອງການປຸກລະດົມນັກຮຽນເຂົ້າຮຽນໃນ ຊັ້ນຕ່າງໆ ຕາມເກນອາຍຸ ເພື່ອເປັນການຊຸກຍູ້, ຕິດຕາມການປະກອບສ່ວນໃສ່ວຽກງານການສຶກສາ ແລະ ກິລາ ລົງວັນທີ 6 ສິງຫາ 2024 ຜ່ານມານີ້ ມີຄື:
1. ປຸກລະດົມຂົນຂວາຍຜູ້ປົກຄອງໃຫ້ສົ່ງລູກຫຼານຂອງຕົນທີ່ຢູ່ໃນເກນອາຍຸໃຫ້ເຂົ້າຮຽນຕາມຊັ້ນຮຽນຕ່າງໆພ້ອມ ສຶກສາອົບຮົມລູກຫຼານຂອງຕົນໃຫ້ໄປໂຮງຮຽນປົກກະຕິ, ຮຽນໃຫ້ຈົບ ແລະ ເປັນຄົນດີຂອງສັງຄົມ.
2. ຕໍ່ກັບຄອບຄົວອະນາຖາທຸກຍາກ ແມ່ນມອບໃຫ້ບ້ານ ແລະ ໂຮງຮຽນດັ່ງກ່າວ ສະໜອງອຸປະກອນການຮຽນ ພ້ອມທັງຍົກເວັ້ນຄ່າລົງທະບຽນ, ຄ່າທໍານຽມຕ່າງໆຕະຫຼອດສົກຮຽນຕາມຄວາມເໝາະສົມ.
3. ປະກອບສ່ວນວັດຖຸອຸປະກອນການຮຽນ – ການສອນ ທີ່ຈໍາເປັນ ແລະ ຂາດເຂີນໃຫ້ພຽງພໍກັບຄວາມຮຽກຮ້ອງ ຕ້ອງການ.
