ທັບນັກກີລາບານເຕະເຍົາວະຊົນລາຍ W.I.G NAGA ຮຸ່ນອາຍຸບໍ່ເກີນ 10 ປີິເດີນທາງຮອດ ສປປ ລາວ ເປັນທີ່ຮຽບຮ້ອຍ ເມື່ອເວລາ 21:30 ໂມງຂອງວັນທີ 11 ສິງຫາ 2024 ພ້ອມກັນຂັນອັນດັບທີ 3 ຫລັງຈາກໄປແຂ່ງຂັນທີ ສປ ຈີນ ລາຍການ PANYI EITE CUP YOURH FOOTBALL 2024 ລະຫວ່າງວັນທີ 5-11 ສິງຫາ 2024.
ເມື່ອວັນທີ 11 ສິງຫາ 2024 ທີ່ສະໜາມບິນສາກົນວັດໄຕ ໄດ້ມີພິທີຕອນຮັບນັກກີລາເຍົາວະຊົນລາວກໍຄື W.I.G NAGA ເດີນທາງມາຮອດ ສປປ ລາວ ນໍາໂດຍ ທ່ານ ວຽງໄຊ ວິໄລກຸນ ປະທານສະໂມສອນ W.I.G NAGA, ທ່ານ ຕົ້ນຈັກກິດ ນ້ອຍສົມສີ ຄູຝຶກ ພ້ອມດ້ວຍຄະນະ ແລະ ນັກກີລາ ເຊິ່ງມີພໍ່ແມ່ຜູ້ປົກຄອງແຟນບານ ແລະ ສື່ມວນຊົນ ເຂົ້າຕ້ອນຮັບຢ່າງອົບອຸ່ນ.
ໂອກາດດັ່ງກ່າວ ທ່ານ ຕົ້ນຈັກກິດ ນ້ອຍສົມສີ ຄູຝຶກກໍໄດ້ໃຫ້ສໍາພາດວ່າ: W.I.G NAGA ໄດ້ເດີນທາງເຂົ້າຮ່ວມການແຂ່ງຂັນລາຍການ PANYI EITE CUP YOURH FOOTBALL 2024 ລະຫວ່າງວັນທີ 5-11 ສິງຫາ 2024 ເຊິ່ງເປັນລາຍການໃຫຍ່ ແລະ ມີທີມເຂົ້າຮ່ວມທີ່ແຂງແກ່ນຫຼາຍທີ່ມາຈາກຫຼາຍປະເທດທີ່ຖືກເຊີນມາຮ່ວມຄັ້ງນີ້ ໂດຍພວກເຮົາກໍສາມາດຍາດໄດ້ອັນດັບທີ 3. ຢ່າງໃດກໍຕາມ, ພວກເຮົາຈະນໍາເອົາປະສົບການຄັ້ງນີ້ໄປປັບປຸງ ແລະ ກັບມາຝຶກຊ້ອມໃຫ້ໜັກຂຶ້ນ ເພື່ອກຽມໄປແຂ່ງຂັນລາຍການຕໍ່ໄປ.
ສໍາລັບ ຜົນງານຂອງ W.I.G NAGA ໃນລາຍການນີ້ຮອບແບ່ງກຸ່ມຊະນະ 3 ນັດລວດຄື: SCHOOL MUSIC XIAMEN 12-0, ຊະນະ JIANGYIN 21-0 ແລະ ຊະນະ JINSHAN 8-1 ຜ່ານເຂົ້າຮອບ 16 ທີມສຸດທ້າຍ; ເຊິ່ງຮອບ 16 ທີມແຂ່ງຂັນແບບ 3 ນັດຄື ນັດທໍາອິດຊະນະ XIAMEN CHENYI 8-0, ຊະນະ SHENZHEN 4-1 ແລະ ຊະນະ JINCHI B 5-0 ຜ່ານເຂົ້າຮອບ 4 ທີມ.
ໂດຍຮອບ 4 ພົບກັບ MAPLE LEAF XINGZHI A ທີມເກັ່ງຈາກ ສປ ຈີນ ທີ່ຊະນະລວດເຊັ່ນກັນ ປະກົດວ່າ ຮອບ 4 ທີມສະເໝີກັນ 1-1 ໃນເວລາປົກກະຕິ ກ່ອນໄປຕັດສິນດ້ວຍການດວນຈຸດໂທດເປັນ MAPLE LEAF XINGZHI A ທີ່ຍິງເດັດຂາດກ່ອນເອົາຊະນະ 6-5 ເຮັດໃຫ້ ທີມຈາກລາວເຮົາໄປຊີງອັນດັບ 3 ກັບ XINGLIN BAY ເປັນ W.I.G NAGA ເອົາຊະນະໄປ 4-0 ຄວ້າອັນດັບ 3 ໄປຄອງ.
ສ່ວນ ລາວວັນດາວຍິງສູງສຸດຕົກເປັນຂອງ ທ້າວ ອານຸສັກ ວິໄລກຸນ (ບຽວເກດ) ເບີ 10 ຫົວໜ້າທີມຂອງ W.I.G NAGA ທີ່ສ້າງຜົນງານຢ່າງໂດດເດັ່ນຍິງໄປທັງໝົດ 28 ປະຕູ ແລະ 11 ແອັດຊິດ ພາທີມຄວ້າອັນດັບ 3 ໄປຄອງ.
