ເນື່ອງໃນໂອກາດສະຫຼອງຄົບຮອບ 1 ປີ ສູນການຄ້າ ກ໊ອກ ກ໊ອກ ມາດ Kokkok Mega Mart ບ້ານໂພນສີນວນ ນະຄອນຫຼວງວຽງຈັນ, ໃນວັນທີ 11 ສິງຫາ2024 ສູນການຄ້າດັ່ງກ່າວ ໄດ້ຈັດພິທີສະເຫຼີມສະຫຼອງຂຶ້ນ, ໂດຍການເຂົ້າຮ່ວມຂອງທ່ານ ມະໂນທອງ ວົງໄຊ ຮອງລັດຖະມົນຕີກະຊວງອຸດສາຫະກຳ ແລະ ການຄ້າ, ທ່ານ ພັອ. ກົງສີ ສຸວັນນະຕຸ້ມ ຫົວໜ້າກົມຕຳຫຼວດລົດໄຟ, ທ່ານ ປອ. ຄຳຂັນ ນະພາວົງ ຮອງປະທານໃຫຍ່ກຸ່ມບໍລິສັດໂຄລາວ, ທ່ານ ນາງ ຖາວອນ ວົງສົມບັດ ປະທານກຸ່ມບໍລິສັດໂຄລາວ, ທ່ານ ນາງ ປຣະພາວະດີ ກຸວະສານ ຜູ້ອຳນວຍການບໍລິສັດ ກ໊ອກ ກ໊ອກ ມາດ Kokkok Mega Mart, ພ້ອມດ້ວຍບັນດາແຂກຖືກເຊີນ ແລະ ບັນດາລູກຄ້າເຂົ້າຮ່ວມ.
ທ່ານ ນາງ ປຣະພາວະດີ ກຸວະສານ ຜູ້ອຳນວຍການບໍລິສັດ ກ໊ອກ ກ໊ອກ ມາດ Kokkok Mega Mart ໄດ້ກ່າວບາງຕອນວ່າ: ມື້ນີ້ແມ່ນຄົບຮອບ 1 ປີ ຂອງການເປີດໃຫ້ບໍລິການຂອງສູນການຄ້າ ກ໊ອກ ກ໊ອກ ມາດ Kokkok Mega Mart. ດັ່ງນັ້ນເພື່ອເປັນການຄືນກຳໄລໃຫ້ລູກຄ້າ ທາງ ກ໊ອກ ກ໊ອກ ມາດ ພວກເຮົາໄດ້ມີການແຈກລາງວັນໃຫຍ່ໃຫ້ກັບລູກຄ້າ ເຊັ່ນ: ລົດໄຟຟ້າ ຍີ່ຫໍ້ຮຸນໄດ HYUNDAI IONIQ 5 ຈຳນວນ 1 ຄັນ ແລະ ລົດຈັກບິກໄບ້ Hyosung exiv R 1 ຄັນ ລວມມູນຄ່າ 1 ຕື້ກວ່າກີບ ໂດຍລູກຄ້າທີ່ມາຊື້ເຄື່ອງຢູ່ ກ໊ອກ ກ໊ອກ ມາດ ຄົບ 1 ລ້ານກີບ ແມ່ນໄດ້ຮັບຄູປອງຊິງໂຊກ ລົດຈັກບິກໄບ້ ແລະ ທ່ານໃດທີ່ຊື້ສິນຄ້າຄົບ 3 ລ້ານກີບ ແມ່ນໄດ້ຮັບຄູປອງຊິງໂຊກລົດໃຫຍ່.
ສູນການຄ້າ ກ໊ອກ ກ໊ອກ ມາດ Kokkok Mega Mart ຈະເນັ້ນໃຫ້ບໍລິການສິນຄ້າທີ່ຫຼາກຫຼາຍ ຕາມຄອນເຊັບ: “ອີ່ມຄົບ ຈົບບ່ອນດຽວ” ເຊິ່ງລູກຄ້າທັງສາມາດມາເລາະເລືອກຊື້ເຄື່ອງໃຊ້ສອຍທັງເຄື່ອງອຸປະໂພກ-ບໍລິໂພກແລ້ວ ສາມາດຮັບປະທານອາຫານໃນສູນການຄ້າເຮົາໄດ້, ພ້ອມນີ້ໃນໄລຍະ 1 ປີຜ່ານ ກ໊ອກ ກ໊ອກ ມາດ Kokkok Mega Mart ໄດ້ມີການຂະຫຍາຍສາຂາໄປຫຼາຍແຫ່ງທັງໃນນະຄອນຫຼວງວຽງຈັນ ແລະ ຕ່າງແຂວງ ເພື່ອອຳນວຍຄວາມສະດວກໃຫ້ແກ່ບັນດາລູກຄ້າ.
ນອກນີ້ພາຍໃນງານກໍໄດ້ມີການຈົກສະຫຼາກແຈກລາງວັນໃຫ້ກັບລູກຄ້າ ທັງລົດຈັກ ແລະ ລົດໃຫຍ່ ໂດຍມີຜູ້ໂຊກດີດັ່ງນີ້:
+ຜູ້ໂຊກດີ ທີ່ໄດ້ຮັບລາງວັນ ລົດໄຟຟ້າ ຍີ່ຫໍ້ຮຸນໄດ HYUNDAI IONIQ 5 ຈຳນວນ 1 ຄັນ ຊື່: ທ່ານ ນາງ ຈັນສະດາ ເພັດສະດາເຮືອງ ບ້ານສີສະຫວາດ ນະຄອນຫຼວງວຽງຈັນ ເບີໂທ: 22206…
+ຜູ້ໂຊກດີ ທີ່ໄດ້ຮັບ ລົດຈັກບິກໄບ້ Hyosung exiv R 1 ຄັນ ແມ່ນຊື່: ທ່ານ ນາງ ລີ້ ເບີໂທ: 541292…
ທ່ານຜູ້ໂຊກດີ ສາມາດເຂົ້າມາພົວພັນໄດ້ທີ່ ກ໊ອກ ກ໊ອກ ມາດ Kokkok Mega Mart ໂພນສີນວນ (ຖ້າເກີນ 1 ອາທິດໄປແມ່ນອາດຈະຖືວ່າສະຫຼະສິດ ແລ້ວທາງສູນການຄ້າ ກໍຈະໄດ້ມີການມາຮັບສະຫຼາກຫາຜູ້ໂຊກດີອີກຄັ້ງ)
