ນາງ ແພຣວາ ມີຊາໂຕະ ພິລາພັນເດຊ ນັກກີລາຢິມນາສຕິກລີລາ ທີມຊາດລາວ ລົງແຂ່ງຂັນໃນງານມະຫາກໍາກິລາໂອແລມປິກເກມ 2024 ເລີ່ມແຂ່ງຂັນ 15:05 ໂມງຕາມເວລາໃນບ້ານເຮົາຂອງວັນທີ 8 ສິງຫາ 2024 ປາກົດວ່າ: ນ້ອງເຮັດໄດ້ທີ່ດີສຸດແລ້ວຈົບອັນດັບທີ 24 ຈາກການເກັບຄະແນນໄດ້ທັງໝົດ 87.350 ຄະແນນ ຈາກ 4 ປະເພດປະເພດ BALL, 16:34 ປະເພດ HOOP, ເວລາ 20:03 ປະເພດ RIBBON ແລະ 21:34 ປະເພດ CLUBS ເຊິ່ງຄະແນນດັ່ງກ່າວບໍ່ດີພໍທີ່ຈະຜ່ານເຂົ້າຮອບຕໍ່ໄປ.
ສ່ວນນັກກີລາທີ່ຜ່ານເຂົ້າຮອບສຸດທ້າຍມີ 10 ຄົນລາຍລະອຽດຕາມຮູບ:
ຄະນະທັບນັກກິລາຍີມນາສຕິກລີລາທີມຊາດລາວ ທີ່ເດີນທາງໄປໃນຊຸດນີ້ ນຳໂດຍທ່ານ ເຂັ້ມຊາດ ພິລາພັນເດຊ ປະທານສະຫະພັນຍີມນາສຕິກລີລາແຫ່ງຊາດລາວ ແລະ ທ່ານ ໂພແກ້ວ ພິລາພັນເດຊ ຮອງປະທານສະຫະພັນຍີມນາສຕິກລີລາແຫ່ງຊາດລາວ ພ້ອມດ້ວຍຄູຝຶກ Ms Tianke Zhou ໂຄສ ເຄີ ຊາວ ສປ ຈີນ ແລະ ນາງ ແພຣວາ ມີຊາໂຕະ ພິລາພັນເດຊ ນັກກິລາຍີມນາສຕິກລີລາສາວທີມຊາດ
ແພຣວາ ໄດ້ສິດໄປໂອແລມປິກ ຄັ້ງທໍາອິດ ດ້ວຍສິດໄວທ໌ກາດ ຫຼື ສິດທິພິເສດ ຄັ້ງນີ້ຍ້ອນຄວາມມຸ່ງໝັ້ນເຂົ້າຮ່ວມແຂ່ງຂັນທັງໃນລະດັບພາກພື້ນ ແລະ ສາກົນ ໂດຍສະເພາະແມ່ນລາຍການຊີງແຊັມໂລກ ໃນປີ 2023 ໂດຍນ້ອງເປີດວ່າກັບທີມງານພວກເຮົາວ່າ: ນ້ອງພູມໃຈຫຼາຍທີ່ໄດ້ຮັບກຽດເປັນຕົວແທນທີມຊາດລາວ ເຂົ້າຮ່ວໃນທຸກໆລາຍການທີ່ຜ່ານມາ ທັງໃນການແຂ່ງຂັນລະດັບອາຊຽນ, ອາຊີ ແລະ ລະດັບໂລກທີ່ຜ່ານມາ ຂ້ອຍພະຍາຍາມເຮັດໃຫ້ດີີທີ່ສຸດໃນທຸກໂອກາດທີ່ໄດ້ລົງແຂ່ງຂັນ.
ໃນການເຂົ້າຮ່ວມແຂ່ງຂັນງານດັ່ງກ່າວ ແພຣວາ ກໍໄດ້ຮັບການສະໜັບສະໜູນຈາກບັນດາບໍລິສັດຕ່າງໆ ເຂົ້າຮ່ວມງານກິລາໂອແລມປິກສາກົນ ຫຼັກປະກອບມີ 20 ພາກສ່ວນ ຄື: ບໍລິສັດ ລາວໂຕໂຢຕ້າ ບໍລິການ ຈໍາກັດ, ບໍລິສັດ ເຄພີ ຈໍາກັດ, ບໍລິສັດ ລາວ ສະແຕນເລ່ ຈຳກັດ, ບໍລິສັດ ເຄພີ ສາມຈີ ແອນ ໂນມູຮະເທຮດດິ້ງ ຈຳກັດ, ບໍລິສັດ ເຄພີບໍລິການ ແລະພັດທະນາສີມືແຮງງານ ຈໍາກັດ, ບໍລິສັດ ພີພີ ຂາອອກ-ຂາເຂົ້າ ຈໍາກັດຜູ້ດຽວ, ບໍລິສັດ ເຄພີ ໂລຈີສຕິກ ຈໍາກັດ, ບໍລິສັດ ເຄພີທີແອ໋ວ ໂອໂຕ ຈໍາກັດ, ບໍລິສັດ ເຄເອັສພີ ການຄ້າ ຈໍາກັດ, ບໍລິສັດ ເຄພີວີ ການຄ້າ ຈໍາກັດ, ບໍລິສັດ ລາວໂຕໂຢຕ້າ ພາກໃຕ້ ຈຳກັດ, ບໍລິສັດ ອິຊູຊຸ ລາວ ບໍລິການ ຈຳກັດ, ບໍລິສັດ ເຄພີ ບິ້ວ ລາວ ຈໍາກັດ, ບໍລິສັດ ເຄພີ ແອນ ໂອກ ໄລຟ໌ໂປຮດັກສ໌ ຈໍາກັດ, ບໍລິສັດ ຄລູສະປອດ ຈຳກັດ, ບໍລິສັດ ລາວ ໂທລະຄົມ ຈໍາກັດ, ບໍລິສັດ ຊຽງທອງຫຸ້ນສວ່ນ ຈຳກັດ, ບໍລິສັດ OAK HONGKONG ຈໍາກັດ, ບໍລິສັດ MATSUSHIN ຈໍາກັດ ແລະ ສະມາຄົມຟູຣິຄາເກະສາກົນ.
ສໍາລັບ ແພຣວາ ມິຊາໂຕະ ພິລາພັນເດຊ ເປັນນັກກີລາ 3 ເຊື້ອສາຍເລີຍກໍວ່າໄດ້ຄື ລາວ, ໄທ ແລະ ຍີ່ປຸ່ນ ເນື່ອງຈາກພໍ່ແມ່ນມີເຊື້ອສາຍລາວ-ຍີ່ປຸ່ນ ແລະ ແມ່ແມ່ນໄທ ເຊິ່ງ ແພຣວາ ແມ່ນຖືສັນຊາດລາວ ເລີ່ມຫຼິ້ນກີລາຢິມນາສຕິກລີລາ ຕັ້ງແຕ່ອາຍຸ 8 ປີ ດ້ວຍຄວາມຮັກມັກ ແລະ ມີພອນສະຫວັນແຕ່ນ້ອຍ ໂດຍມີພໍ່ແມ່ ໃຫ້ການສະໜັບສະໜູນ, ສ່ວນດ້ານການສຶກສາສະໄໝສາມັນແມ່ນຮຽນຢູ່ໂຮງຮຽນນາໆຊາດ Singapore International School of Bangkok ໃນປະເທດໄທ ແລະ ປັດຈຸບັນຮຽນຢູ່ ມະຫາວິທະຍາໄລ Kokushikan University ປະເທດໄທ ໃນປີທີ 1.
ໂດຍສິ່ງທີ່ເຮັດໃຫ້ຊາວລາວ ຮູ້ຈັກກັບ ແພຣວາ ແມ່ນໃນປີ 2021 ແພຣວາເລີ່ມມີບົດບາດ ໃນການເປັນຕົວແທນໃຫ້ກັບ ທີມຊາດລາວ ຄັ້ງທໍາອິດໃນການລົງແຂ່ງຂັນຊີເກມ 2021 ທີ່ປະເທດຫວຽດນາມ ດ້ວຍອາຍຸພຽງ 16 ປີ, ຈາກນັ້ນກໍເລີ່ມເຂົ້າຮ່ວມການແຂ່ງຂັນແບບຖີ່ຂຶ້ນເປັນຕົ້ນແມ່ນເຂົ້າຮ່ວມການແຂ່ງຂັນຊີງແຊັມອາຊີ 2023 ສາມາດຄວ້າອັນດັບທີ 21 ແລະ ກາຍເປັນນັກຢິມນາສຕິກຄົນທໍາອິດຂອງ ລາວ ໄດ້ເຂົ້າຮ່ວມການແຂ່ງຂັນລາຍການຊີງແຊັມໂລກ 2023 ດ້ວຍການຄວ້າອັນດັບທີ 77.
ຂ່າວ: Larh Creators; ຮູບຈາກ: Lao Gymnastics Federation
