ຮ້ານຂາໄກ່ ບອນຊອນ ສູດດັ່ງເດີມຂອງ ສ.ເກົາຫຼີ ມາເປີດບໍລິການສາຂາທໍາອິດໃນປະເທດລາວແລ້ວ ຢູ່ກັອກກັອກ ມາກ ບ້ານໂພນສີນວນ ເມືອງສີສັດຕະນາກນະຄອນຫຼວງວຽງຈັນ ຕັ້ງເປົ້າຮອດທ້າຍປີຈະໃຫ້ໄດ້ເປີດ 3 ສາຂາ ຮອງຮັບຜູ້ໃຊ້ບໍລິການເພີ່ມຂຶ້ນ.
ໃນວັນທີ 8 ສິງຫາ 2024 ທີ່ ກັອກ ກັອກ ມາກ ໂພນສີນວນ ໄດ້ມີພິທີເປີດ ໃຫ້ບໍລິການ ຮ້ານ ບອນຊອນ ຂາໄກ່ ດັ້ງເດີມຈາກ ເກົາຫຼີ ເພື່ອບໍລິການລູກຄ້າໃນນະຄອນຫຼວງວຽງຈັນ ເຊິ່ງບັນຍາກາດມື້ເປີດດໄດ້ຮັບຄວາມສົນໃຈຈາກລູກຄ້າເປັນຈໍານວນຫຼາຍທີ່ເຂົ້າມາຕໍ່ອຖວໃຊ້ບໍລິການ.
ທ່ານ ຈັກກະພົງ ວັງຕະພັນ ຜູ້ບໍລິຫານຂອງ ກັອກກັອກ ມາກ ກ່າວວ່າ: ມື້ນີ້ເປັນໂອກາດດີທີ່ ເຊິ່ງທາງພວກເຮົາໄດ້ເປີດໃຫ້ບໍລິການ ບອນຊອນ ສາຂາທໍາອິດ ໃນປະເທດລາວ. ບອນຊອນເປັນຮ້ານອາຫານທີ່ເປັນແຟຣນຊາຍ ມາຈາກ ສ.ເກົາຫຼີ ເປັນອາຫານເກົາຫຼີ ໂດຍມີມີເມນູພິເສດໄກ່ທອດ ທີ່ເປັນສູດພິເສດ ທີ່ມີຊັອດຂອງບອນຊອນ ເອກກະລັກສະເພາະບໍ່ຄືໃຜ
ຈຸດພິເສດໄກ່ ບອນຊອນແມ່ນເຄັດລັບຂອງການທອດທີ່ມີຄວາມຄວາມປານິດ ແລະ ພິຖີພິຖັນ ເຮັດໃຫ້ໄກ່ມີຄວາມກອບໄດ້ດົນ ຖ້າຊື້ໄປກິນຢູ່ບ້ານ 3-4 ຊົ່ວໂມງໄກ່ກໍຍັງກອບຢູ່, ພ້ອມນັ້ນຊັອດກໍເປັນສູດສະເພາະຂອງບອນຊອນ ທີ່ມີໃຫ້ເລືອກ3 ລົດຊາດ.
ທ່ານກ່າວວ່າ ມີລູກຄ້າສົນໃຈຫຼາຍ ສາມາດເຂົ້າເຖິງໄດ້ທຸກຄົນ ສິນຄ້າມີຄຸນນະພາບ ຂະບວນການປຸງແຕ່ງ ເນັ້ນຄວາມສະອາດ ແລະ ການບໍລິການທີ່ເປັນເລີດ
ທ່ານ ເກມ ແກ້ວວົງສັກ ຫົວໜ້າຝ່າຍປະຕິບັດງານຂອງຮ້ານບອນຊອນ ເຊິ່ງຫຼັກໆ ເຮົາຈະເນັ້ນໃຫ້ບໍລິການອາຫານເກົາຫຼີ ວັດຖຸດິບທີ່ນໍາມາປຸງ ແຕ່ງແມ່ນສັ່ງຕົງ ມາຈາກ ສ.ເກົາຫຼີ ໂດຍສະເພາະ ຊັອດ ສູດພິເສດ.
ແມນູແນະນໍາແມ່ນຂາໄກ່ບອນຊອນ ນອກນັ້ນກໍມີ ອາອາຫານພື້ນເມືອງຂອງສ.ເກົາຫຼີ ມາຂາຍເຊັ່ນກັນເປັນຕົ້ນແມ່ນ ຈັບແຊ, ບິບິມບັບ, ຕັອກບົກກີ, ມັນດູ, ກິ່ມມາຣິ, ແວຣບໄກ່, ແວຣບບຸລໂກກິ, ມີເມນູ ສະຫຼັດ, ຫູແດ ໝໍ້ໄຟສະໄຕເກົາຫຼີ ແລະ ເມນູອື່ນໆ ທີ່ຫຼາກຫຼາຍ.
ສໍາລັບ ແມ່ຄົວ ແລະ ພະນັກງານຕ້ອນຮັບບໍລິການ ແມ່ນໄດ້ຜ່ານຕາມມາດຕະຖານ ໂດຍມີການເທັນນິ້ງ ຕາມລະບຽບການຂອງບອນຊອນ ເພື່ອໃຫ້ອາຫານ ແລະ ລົດຊາດແມ່ນໄດ້ມາດຕະຖານດຽວກັນກັບ ບອນຊອນ ສ.ເກົາຫຼີ
ທ່ານ ເກມ ແກ້ວວົງສັກ ຍັງຝາກ ໃຫ້ສັງຄົມໄດ້ລອງມາໃຊ້ບໍລິການບອນຊອນ ເພາະໂດຍທົ່ວໄປຄົນຮູ້ຈັກບອນຊອນຢູ່ແລ້ວ ເຊິ່ງໃນໄລຍະຜ່ານມາ ເຮົາຈະເຫັນຄົນລາວມັກນິຍົມໄປບອນຊອນຢູ່ ອຸດອນ – ໜອງຄາຍປະເທດໄທ ແລະ ຕໍ່ໄປນີ້ບໍ່ຈໍາເປັນໄປຮອດພຸ້ນແລ້ວ ພຽງແຕ່ເຂົ້າມາ ໃຊ້ບໍລິການ ຢູ່ໂພນສີນວນ ມີສະຖານທີ່ຈອດລົດສະດວກສະບາຍ ນອກຈາກມາຮັບປະທານອາຫານແລ້ວ ຍັງສາມດມາດ ເຂົ້າມາຈັບຈ່າຍຊື້ເຄື່ອງຂອງໃນ ກັອກກັອກ ມາກກໍສະດວກສະບາຍ ມີສິນຄ້າຄົບຈົບໃນສະຖານທີ່ດຽວ.
ຮ້ານອາຫານ ບອນຊອນ ເປີດໃຫ້ບໍລິການທຸກວັນເລີ່ມແຕ່ 10 ໂມງເຊົ້າ- 22 ໂມງແລງ. ສໍາລັບມືເປີດ ທາງຮ້ານໄດ້ຈັດໂປໂມຊັ້ນ ສໍາລັບລູກຄ້າ 100 ຄົນທໍາອິດ ແມ່ນແຈກຂາໄກ່ບອນຊອນ ແລະ ນໍ້າແປບຊີ້ຟຣີໃຫ້ລູກຄ້າ ແລະ ມີໂປໂມຊັ້ນ ສັ່ງອາຫານ 2 ແຊັດ 229.000 ກີບ ແລະ 399.000 ພັນກີບ ແຖມກະເປົ໋າຜ້າ 1 ໜ່ວຍ.
ຮ້ານ ບອນຊອນ ສະຖານທີ່ແມ່ນ ຢູ່ໃນຕືກ ກັອກ ກັອກ ມາກ ບ້ານໂພນສີນວນ ເມືອງສີສັດຕະນາກ ເປັນສາຂາທໍາອິດ ແລະ ໃນໄວໆນີ້ຈະຂະຫຍາອີກ 2 ສາຂາ ຄື: ສາຂາດົງໂດກ ແລະ ສາຂາຢູ່ບ້ານສີວິໄລ.
