W.I.G NAGA ສະໂມສອນບານເຕະເຍົາວະຊົນລາວ ເດີນທາງເຂົ້າຮ່ວມແຂ່ງຂັນລາຍການ PANYI EITE CUP 2024 ລຸ້ນອາຍຸບໍ່ເກີນ 10 ປີ ທີ່ນະຄອນເຊຍແມນ ແຂວງຟູຈຽນ ສປ ຈີນ ລະຫວ່າງວັນທີ 5-11 ສິງຫາ 2024 ລົງສະໜາມ 2 ນັດຊະນະລວດ ແລະ ຊະນະຖະຫຼົ່ມທະລາຍ.
ລາຍການດັ່ງກ່າວມີຫຼາຍຮຸ່ນປະກອບມີ ຢູ 7, ຢູ 8, ຢູ 10 ແລະ ຢູ 12 ປີ ແຂ່ງເຕະ 7 ຮັບ 1 ໂດຍມີ 268 ທີມເຂົ້າຮ່ວມຈາກຫຼາຍປະເທດຄື ເຈົ້າພາບ ສປ ຈີນ, ຍີ່ປຸ່ນ, ເກົາຫຼີ, ໄທ ແລະ ລາວ ເປັນຕົ້ນ ໂດຍເຈົ້າພາບໄດ້ເຊີນທີມຈາກອາຊີຈໍານວນ 64 ທີມ, ສ່ວນທີ່ເຫຼືອແມ່ນທີມຈາກ ສປ ຈີນ.
ຜ່ານການແຂ່ງຂັນມື້ທໍາອິດວັນທີ 6 ສິງຫາ 2024 ຂອງ W.I.G NAGA ໂດຍຜົນງານ 2 ນັດທໍາອິດໂຫດສຸດໆຄື:
-ນັດທໍາອິດ ຊະນະ SCHOOL MUSIC XIAMEN🇨🇳 12-0
-ນັດທີ 2 ຊະນະ 🇨🇳JIANGYIN 21-0
ເຊິ່ງ 2 ນັດທໍາອິດນັກເຕະທີ່ຍິງປະຕູໄດ້ຫຼາຍທີ່ສຸດເປັນ ອານຸສັກ ວິໄລກຸນ ຫົວໜ້າທີມເບີ 10 ຍິງໄປ 10 ກວ່າປະຕູຈາກ 2 ນັດ
-ນັດທີ 3 ພົບກັບ JINSHAN ມື້ນີ້ເວລາ 17:50 ໂມງ ( ເວລາໃນບ້ານເຮົາປະມານ 16:50 ) ເຊິ່ງຈາກຜົນ 2 ນັດແມ່ນຜ່ານເຂົ້າຮອບເປັນທີ່ແນ່ນອນແລ້ວ ລໍຖ້າເບິ່ງຮອບຕໍ່ໄປຈະໄດ້ພົບກັນທີມໃດ
