ກາຍເປັນອີກໜຶ່ງໂຮງຮຽນທີ່ມີການພັດທະນາ ແລະ ເຕີບໃຫຍ່ຂະຫຍາຍຕົວສໍາລັບ ໂຮງຮຽນອະນຸບານ-ປະຖົມຫຼວງປະເສີດ ຕະຫຼອດໄລຍະ 19 ປີ ເລີ່ມຈາກປີທໍາອິດມີອາຄານຊັ້ນດຽວ ມີນັກຮຽນພຽງ 50 ນ້ອງ, ແຕ່ປັດຈຸບັນ ຂະຫຍາຍເປັນອາຄານ 3 ຊັ້ນ ມີນັກຮຽນເພີິ່ມຂຶ້ນເກືອບ 500 ຄົນ ໂດຍໃຊ້ເຄັດລັບແນ່ໃສ່ການພັດທະນາໂຮງຮຽນໃຫ້ກາຍເປັນໂຮງຮຽນທີື່ມີຄຸນນະພາບ, ເປັນບ່ອນຮຽນຮູ້ທີື່ທັນສະໄໝ, ປອດໄພ ແລະ ສະດວກສະບາຍ, ຕອບສະໜອງການພັດທະນາໃນຍຸກສະໄໝໃໝ່ຂອງການສຶກສາ
ທ່ານ ສົມມະໂນນຶກ ຫຼວງປະເສີດ ປະທານກຸ່ມໂຮງຮຽນອະນຸບານ-ປະຖົມຫຼວງປະເສີດ ທັງເປັນຜູ້ອໍານວຍການບໍລິສັດ ເອັສເຄ ສໍາຫຼວດອອກແບບ-ຮັບເໝົາກໍ່ສ້າງ ໃຫ້ສໍາພາດວ່າ: ໂຮງຮຽນອະນຸບານ-ປະຖົມຫຼວງປະເສີດ ກໍເປັນໂຮງຮຽນເອກະຊົນແຫ່ງໜຶ່ງທີ່ໄດ້ຮັບການສ້າງຕັັ້ງຂຶ້ນ ແລະ ຈັດການຮຽນ-ການສອນ ເລີ່ມແຕ່ສົກຮຽນປີ 2005-2006 ເປັນຕົ້ນມາ ພາຍໃຕ້ການອະນຸມັດຂອງພະແນກສຶກສາທິການ ແລະ ກິລາ ນະຄອນຫຼວງວຽງຈັນ ແລະ ຫ້ອງການສຶກສາທິການ ແລະ ກິລາເມືອງໄຊເສດຖາ ເພື່ອເປີດຫຼັກສູດການຮຽນ-ການສູນຊັ້ນອະນຸບານ ແລະ ປະຖົມ ເຊິ່ງຕັ້ງຢູ່ບ້ານໂນນຄໍ້ເໜືອ, ເມືອງໄຊເສດຖາ, ນະຄອນຫຼວງວຽງຈັນ, ເຊິ່ງໃນປັດຈຸບັນພວກເຮົາກໍກ້າວເຂົ້າສູ່ປີທີ 19 ພໍດີ ໃນເມື່ອກ່ອນໂຮງຮຽນຫຼັງນີ້ເປັນອາຄານຊັັ້ນດຽວເປັນຮູບຕົວຢູ ມີເນື້ອທີ 1.730 ຕາແມັດ ເລີ່ມຕົ້ນເປີດຮຽນນັບແຕ່ຊັັ້ນ ອະນຸບານ 1 ຮອດ ຊັັ້ນ ປ 3 ມີນັກຮຽນປະມານ 50 ນ້ອງ ແລະ ມາຮອດສົກປີ 2007-2008 ພວກເຮົາຈຶື່ງສໍາເລັດການເປີດຮຽນຮອດຊັັ້ນ ປ 5 ເປັນປະຖົມສົມບູນ.
” ມາເຖິງກາງປີ 2022 ພວກເຮົາໄດ້ຕັດສິນໃຈເລີື່ມໂຄງການກໍ່ສ້າງອາຄານຮຽນຫຼັງໃໝ່ ສໍາເລັດນໍາໃຊ້ອາຄານຮຽນຫຼັງໃໝ່ ໃນຕົ້ນເດືອນ ສິງຫາ 2023 ເພື່ອແນ່ໃສ່ການພັດທະນາໂຮງຮຽນໃຫ້ກາຍເປັນໂຮງຮຽນທີ່ມີຄຸນນະພາບ, ເປັນບ່ອນຮຽນຮູ້ທີ່ທັນສະໄໝ, ປອດໄພ ແລະ ສະດວກສະບາຍ, ຕອບສະໜອງການພັດທະນາໃນຍຸກສະໄໝໃໝ່ຂອງການສຶກສາ. ເຊິື່ງອາຄານຮຽນຫຼັງໃໝ່ນີ້ເປັນຕຶກອາຄານ 3 ຊັັ້ນຖາວອນ ມີຫ້ອງຮັບໃຊ້ທັງໝົດ 26 ຫ້ອງ ແລະ ປັດຈຸບັນນໍາໃຊ້ເປັນຫ້ອງຮຽນທັງໝົດ 17 ຫ້ອງ, ອະນຸບານ 7 ຫ້ອງ, ປະຖົມ 10 ຫ້ອງ ເຊິ່ງປັດຈຸບັນເຮົາມີເຂດບໍລິການຈໍານວນ 6 ບ້ານອອ້ມຂ້າງ: ບ້ານ ໂນນຄໍ້ໃຕ້, ບ້ານໂນນຄໍ້ເໜືອ, ບ້ານຫົວຂົວ, ບ້ານໂນນສະຫວ່າງ, ບ້ານຄໍາສະຫວາດ ແລະ ບ້ານ ໂນນຫວາຍ ເຊິ່ງມີບຸກຄະລາກອນທັງໝົດ 36 ທ່ານ ເປັນຄູຸອາຈານທັງໝົດ 26 ທ່ານ ເປັນຍິງ 24 ທ່ານ, ມີນັກຮຽນທັງໝົດ 463 ນ້ອງ ” ທ່ານ ສົມມະໂນນຶກ ຫຼວງປະເສີດ
ທ່ານ ກ່າວອີກວ່າ: ໂຮງຮຽນຂອງພວກເຮົາກໍແມ່ນໂຮງຮຽນສາມັນ ນໍາໃຊ້ຫຼັກສູດແຫ່ງຊາດ ຂອງກະຊວງສຶກສາທິການ ແລະ ກິລາ, ຄຽງຄູ່ກັບການພັດທະນາການສຶກສາໃຫ້ມີຄວາມເຊື່ອມໂຍງກັບພາກພື້ນ ແລະ ສາກົນ ພວກເຮົາກໍໄດ້ໃຫ້ຄວາມສໍາຄັນເປີດກວ້າງການສຶກສາ ສົ່ງເສີມຄຸນນະພາບຂອງລູກ-ຫຼານນັກຮຽນເຮົາ, ປັດຈຸບັນພວກເຮົາກໍໄດ້ມີການພົວພັນຮ່ວມແລກປ່ຽນກັບສະຖາບັນຕ່າງປະເທດ ເຊັ່ນ: ປະເທດໄທ ແລະ ສປ ຈີນ ໃນການຈັດການຮຽນ-ການສອນຄຽງຄູ່ກັບຫຼັກສູດຂອງກະຊວງພວກເຮົາກໍໄດ້ສົ່ງເສີມດ້ານພາສາຕ່າງປະເທດ ໃນຫັັ້ນພວກເຮົາໄດ້ນໍາເອົາພາສາຈີນ ແລະ ພາສາອັງກິດ ປະກອບເຂົ້າໃນການຮຽນ-ການສອນນັບແຕ່ຊັັ້ນອະນຸບານຮອດປະຖົມ ເຊິ່ງຄູອາຈານພວກເຮົາໃນປັດຈຸບັນກໍມີ ອາຈານຄົນລາວ, ອາຈານຄົນຈີນ, ອາຈານຄົນຝຣັ່ງ ແລະ ອາຈານຄົນຟີລິບປິນ ທີ່ເພີ່ນມີປະສົບການສູງຊ່ວຍສິດສອນ.
ທ່ານ ສົມມະໂນນຶກ ຫຼວງປະເສີດ ກ່າວເຖິງຜົນງານວ່າ: ຜົນງານຫຼ້າສຸດພວກເຮົາກໍໄດ້ສໍາເລັດໂຄງການທົດລອງ ແລະ ຮ່ວມ ກັບສະຖາບັນ ຈິນຕະຄະນິດປະເທດໄທ ໃນການທົດລອງຈັດຕັັ້ງຫຼັກສູດຈິນຕະຄະນິດ ຫຼ ຄະນິດຄິດໄວ (ລູກຄິດຍີື່ປຸ່ນ) ເຂົ້າໃນການ ຈັດການຮຽນ-ການສອນຂອງໂຮງຮຽນເຮົາ ກໍຖ ວ່າໄດ້ຮັບໝາກຜົນເປັນຢ່າງດີ ທັງທາງດ້ານວຽກງານວິຊາການ ແລະ ການເຄື່ອນໄຫວຕາມ 5 ຫຼັກມູນການສຶກສາ ແລະ ຄູ-ອາຈານພວກເຮົາພູມໃຈ ແລະ ດີໃຈກໍແມ່ນຜົນງານຈາກການເຂົ້າຮ່ວມການແຂ່ງຂັນຈິນຕະຄະນິດຊິງແຊັມພາກຕາເວັນອອກສຽງເໜືອຄັັ້ງທີ 5 ຈັດຂຶ້ນທີ່ສູນປະຊຸມນາໆຊາດຂອນແກ່ນ ປະເທດໄທ ໃນຊ່ວງເດ ອນກຸມພາ ໄດ້ນໍາພານ້ອງນັກຮຽນເຂົ້າຮ່ວມທັງໝົດ 6 ນ້ອງຈາກຊັັ້ນ ປ 4 ຈໍານວນ 2 ນ້ອງ ແລະ ປ5 ຈໍານວນ 4ນ້ອງ ໃນນັັ້ນສາມາດຍາດໄດ້ຂັນລາງວັນຊະນະເລີດອັນດັບ 1 ຈໍານວນ 2 ນ້ອງ, ຮອງຊະນະເລີດອັນດັບ 2 ຈໍານວນ 2 ນ້ອງ, ຮອງຊະນະເລີດອັນດັບ 3 ຈໍານວນ 1 ນ້ອງ ແລະ ຫຼຽນຄໍາ 1 ນ້ອງ ລວມ 6 ລາງວັນ. ນອກນັ້ນ, ກໍສາມາດສ້າງໄດ້ນັກຮຽນເກັ່ງຕິດອັນດັບທີ 1 ຂອງເມືອງໄຊເສດຖາ ວິຊາໂລກອອ້ມຕົວ ແລະ ຄະແນນ 38-39 ຫຼື 7 ເມື່ອທຸກວິຊາໃນການສອບເສັງຈົບຊັັ້ນແຕ່ລະສົກຮຽນ ໄດ້ຮັບການຍ້ອງຍໍຂັັ້ນພະແນກສຶກສານະຄອນຫຼວງ ແລະ ຂັັ້ນເມືອງກໍມີຈໍານວນຫຼາຍພໍສົມຄວນໃນແຕ່ລະປີ.
ສ່ວນແຜນຮັບນັກຮຽນໃນສົກຮຽນ 2024-2025 ທີ່ຈະມາຮອດນີ້ ພວກເຮົາກໍໄດ້ກະກຽມຄວາມພ້ອມຂະຫຍາຍ ຫ້ອງຮຽນເພີື່ມອີກ 6 ຫ້ອງ ຊັັ້ນປະຖົມ 4 ຫ້ອງ ແລະ ອະນຸບານ 2 ຫ້ອງ ເພື່ອກຽມຮອງຮັບຈໍານວນນັກຮຽນທີ່ລົງທະບຽນຈອງບ່ອນນັ່ງໄວ້ ທີ່ຈະເປີດເປີດຮັບລົງທະບຽນນັກຮຽນໃໝ່ໃນເດືອນສິງຫາ 2024, ເຊິ່ງຈໍານວນທີື່ພວກເຮົາຈະຮອງຮັບໄດ້ເພີື່ມອີກປະມານ 210 ນ້ອງ ເຊີື່ງປັດຈຸບັນກໍຖ ວ່າມີນັກຮຽນທີື່ມາລົງທະບຽນແລ້ວເກືອບ 70%.
ສໍາລັບ ໂຮງຮຽນ ອະນຸບານ-ປະຖົມ ຫຼວງປະເສີດ ມີ 2 ແຫ່ງຄື ສາຂາເມືອງຫາດຊາຍຟອງ ຢ່າງເປັນທາງການ ຕັັ້ງຢູ່ທີ່ບ້ານນາໄຫ ເມືອງຫາດຊາຍຟອງ ນະຄອນຫຼວງວຽງຈັນ ແລະ ອີກແຫ່ງຕັ້ງຢູ່ ບ້ານໂນນຄໍ້ເໜືອ, ເມືອງໄຊເສດຖາ, ນະຄອນຫຼວງວຽງຈັນ.
ຂ່າວ-ຮູບ: Larh Creators
