ເປັນອີກໜຶ່ງສະໂມສອນທີ່ໜ້າຕິດຕາມສໍາລັບສະໂມສອນລົດແຂ່ງ ໃຈເຖິງໃຈຮັບໃຊ້ສັງຄົມ ສືບຕໍ່ສົ່ງລົດແຂ່ງເຂົ້າຮ່ວມແຂ່ງຂັນຫຼາຍໆລາຍການ ເພື່ອໃຫ້ນັກຂັບໃນສະໂມສອນໄດ້ມີການພັດທະນາຕົວເອງ ແລະ ເຄື່ອນໄຫວຢ່າງຕໍ່ເນື່ອງ ພ້ອມທັງຍັງມີການລະດົມທຶນໄປຊ່ວຍນ້ອງໆນັກຮຽນ ແລະ ອື່ນໆ.
ເມື່ອບໍ່ດົນມານີ້ ໄດ້ມີການແຂ່ງຂັນງານແຂ່ງຂັນກິລາອ໊ອຟໂຣດ ຄັ້ງທີ 7 ເພືື່ອນ້ອງນັກຮຽນ ຊີງຂັນເຈົ້າຄອງນະຄອນຫຼວງວຽງຈັນ ທີ່ຈັດເມື່ອວັນທີ 27 ຫາ 28 ກໍລະກົດ 2024 ຢູ່ສະໜາມກິລາແຫ່ງຊາດ ຫຼັກ 16 ເຊິ່ງມີລົດເຂົ້າຮ່ວມຊີງໄຊ 90 ກວ່າຄັນ ໂດຍມີລົດມາຈາກສະໂມສອນພາຍໃນປະເທດລາວ, ໄທ ແລະ ສປ ຈີນ, ແຂ່ງຂັນກັນ 8 ລາຍການ. ຂະນະທີ່ ສະໂມສອນລົດອ໊ອຟໂຣດໃຈເຖິງໃຈຮັບໃຊ້ສັງຄົມ ໄດ້ສົ່ງລົດລົງແຂ່ງຂັນ 7 ຄັນ
ທ່ານ ສຸກສາຄອນ ໂສມອາລຸນ ປະທານສະໂມສອນລົດອ໊ອຟໂຣດໃຈເຖິງໃຈຮັບໃຊ້ສັງຄົມ ຍັງກ່າວໃຫ້ຮູ້ອີກວ່າ ສະມາຄົມໃຈເຖິງໃຈຮັບໃຊ້ສັງຄົມ ໄດ້ສ້າງຕັ້ງຂຶ້ນມາ 10 ປີແລ້ວ ເພື່ອປະກອບສ່ວນຊ່ວຍເຫຼືອສັງຄົມ ໂດຍໄດ້ເຕົ້າໂຮມຄວາມສາມັກຄີອ້າຍນ້ອງພາຍໃນສະມາຄົມ ແລະ ເພື່ອມິດສະຫາຍ ( ລາຍລະອຽດ ເບິ່ງຄລິບເພີ່ມຕື່ມ ໄດ້ທີ່ລີ້ງ )
