ພາຍຫຼັງທີກອງປະກວດ ມິສແກຣນລາວ Miss Grand Laos ປະກາດ 18 ນາງສາວຕົວແທນຂອງແຕ່ລະແຂວງອອກມາຢ່າງເປັນທາງການເມື່ອທ້າຍອາທິດທີ່ຜ່ານມາ ເຊິ່ງແຕ່ລະຄົນມີຄວາມສາມາດ ແລະ ເອກະລັກສະເພາະຂອງໃຜລາວ ໂດຍທີມຂ່າວເສດຖະກິດ-ການຄ້າຂອງພວກເຮົາໄດ້ມີໂອກາດຮູ້ຈັກ, ຮ່ວມງານ ແລະ ສໍາພາດ ມີສແກຣນໄຊສົມບູນ ຕົວແທນແຂວງໄຊສົມກໍຄືນ້ອງນາງສາວ ລິດຕ້າ ມຸງຄຸນວົງຈຳປາ ບອກເລີຍນ້ອງຄົນນີ້ເກັ່ງອີ່ຫຼີ່ທັງໜ້າທີ່ການຮຽນ, ການງານ ແລະ ຄວາມສາມາດຫຼາກຫຼາຍ.
ດັ່ງນັ້ນ, ມື້ນີ້ພວກເຮົາຈະພາໄປສ່ອງຄວາມຄວາມສາມາດຂອງສາວຄົນນີ້ ໂດຍນ້ອງເລົ່າວ່າ: ບ້ານເກີດຂອງນ້ອງເກີດທີ່ບ້ານໜອງປອງ ເມືອງຄຳເກີດແຂວງບໍລິຄຳໄຊ ປັດຈຸບັນອາຍຸ 22 ປີ, ກຳລັງສຶກສາຢູ່ທີ່ສາຖາບັນເຕັກໂນໂລຊີ ສຸດສະກະ ສາຂານິເທດສາດ ປີທີ 3, ຕອນນີ້ເຮັດເປັນຄອນເທັນຄີເອເຕີ ຢູ່ທີ່ຮ້ານ ຄອມຄອມ ແລະ ຮັບງານຟີເເລນທົ່ວໄປ ໂດຍສະເພາະເປັນໜຶ່ງໃນສະມາຊິກຂອງທີມມີເດຍຂອງ ສະຫະພັນບານເຕະລາວ ໃນການຖ່າຍທອດສົດບານເຕະລາຍການຕ່າງໆ. ນອກນັ້ນ, ກໍຍັງເຄີຍເປັນ Bartendy ມາກ່ອນ.
“ ຮູ້ສຶກພູມໃຈ ແລະ ດີໃຈທີ່ໄດ້ຮັບເລືອກເປັນ ມິສແກຣນ ໄຊສົມບູນ, ການປະກວດຄັ້ງນີ້ເປັນບົດບາດໃຫມ່ຂອງຊີວິດນ້ອງ ເປັນຄວາມຕື່ນເຕັ້ນທີ່ໂຕເອງບໍ່ເຄີຍພົບມາກ່ອນ ການກ້າວຜ່ານຄວາມຢ້ານກົວຂອງໂຕເອງຄັ້ງນີ້ເປັນທີພາກພູມໃຈສຳລັບໂຕນ້ອງຫລາຍ ແລະ ແນ່ນອນສາວໆທັງ 17 ແຂວງບອກເລີຍວ່າເກັ່ງຫລາຍ ເພາະ ທັ້ງມີຄວາມງາມທີ່ແຕກຕ່າງກັນ ທຸກຄົນພ້ອມພັດທະນາຕື່ນຕົວຕະຫລອດເວລາ, ສ່ວນອຸປະສັກ ທີ່ຜ່ານມີອຸປະສັກຫຼາຍຢ່າງ ທັ້ງຄວາມບໍ່ພ້ອມ ບໍ່ໝັ້ນໃຈ ຢ້ານກົວ ແຕ່ຕອນນີ້ນ້ອງກ້າວຂ້າມມັນມາໄດ້ແລະບໍ່ວ່າຈະພົບເຈີຫຍັງນ້ອງກໍຈະກ້າວຜ່ານໄປ ເພາະໄດ້ຮັບກຳລັງໃຈ ພະລັງເຊຍຈາກຄົນອ້ອມຂ້າງ ບໍ່ວ່າຈະເປັນຄອບຄົວ ໝູ່ເພື່ອນ ພີ່ນ້ອງ ລວມໄປເຖິງຄົນທີ່ນ້ອງເອງບໍ່ໄດ້ຮູ້ຈັກມາກ່ອນ ແຕ່ກໍຍັງສົ່ງກຳລັງໃຈໃຫ້ ມັນເປັນພະລັງບວກໃຫ້ແກ່ນ້ອງໃຫ້ມີຄວາມໝັ້ນໃຈຫຼາຍຂື້ນ ” ສາວລິດຕ້າ ກ່າວ.
ສາວລິດຕ້າ ກ່າວອີກວ່າ: ແນ່ນອນເລີຍວ່າຄວາມຝັນຂອງນ້ອງຄືການໄດ້ເປັນນາງງາມ ການທີ່ໄດ້ມີຊື່ສຽງ ໄດ້ໃສ່ສາຍສະພາຍ ໃສ່ມົງກຸດເປັນຕົວແທນໃຫ້ແກ່ປະເທດລາວ ຢາກຈະມີອາຊີບການງານໃນວົງການບັນເທິງລາວ ເພາະນ້ອງກະຮັກມັກໃນສາຍບັນເທີງ ແລະ ຕິດພັນກັບຊີວິດໃນປະຈໍາວັນ ເຊິ່ງນ້ອງເປັນຄົນທີ່ຫລົງໄຫລກັບພາບຖ່າຍ, ວິດີໂອ, ເດີນແບບ ເເລະ ຕອນນີ້ແມ່ນມາພ້ອມກັບບົດບາດໃຫມ່ຂອງການນາງງາມຂອງເວທີ Miss Grand Laos 2024.
ໂດຍຜົນງານທີ່ຜ່ານມາ
-ເຄີຍປະກວດສົ່ງບົດຫນັງສັ້ນ ໄດ້ເຂົ້າຮອບ 15 ທີມ (ຂອງຮູບເງົາລ້ານຊ້າງ2021)
-ເຄີຍປະກວດຖ່າຍພາບ (ຂອງເທັງຄາວາປີ 2020 )
-ເດີນແບບງານວ້າວດາລາແຟຊັ່ນ ໃຫ້ກັບຫ້ອງເສື້ອມາຍສະໄຕຣ
ສຸດທ້າຍກະຂໍເອົາໃຈຊ່ວຍ ສາວລິດຕ້າ ມີສແກຣນໄຊສົມບູນ ຫຼົງໄຫຼກັບການຖ່າຍຮູບ, ວີດີໂອ, ເດີນແບບ, ຄຣີເອເຕີ ກຽມລ່າມົງ ມີສແກຣນລາວ 2024 ໄດ້ເຮັດຕາມຝັນທີ່ຕັ້ງໃຈໄວ້ເດີ ໂດຍວັນທີ 10 ສິງຫາ 2024 ທີ່ສູນການຄ້າພາກຊັນ ຈະມີການທີເດີນແບບ ແລະ ອື່ນໆເປັນການທົດສອບ, ສ່ວນຮອບສຸດທ້າຍຮອບຕັດສິນຈະຈັດຂຶ້ນໃນວັນທີ 25 ສິງຫາ 2024 ສາມາດໄປເບິ່ງນໍາກັນໄດ້.
ຂ່າວ: Larh Creators; ຮູບຈາກ: Littar Rattil
