GPX DZ3 ລົດຈັກ ອໍໂຕເມຕິກ ທີ່ໃຫ້ການຂັບຂີ່ແບບສະປອດ ດ້ວຍເຄື່ອງຈັກ 300 ຊີຊີ ໃຫ້ການຕອບສະໜອງ ຄວາມໄວແຕ່ໃຫ້ຄວາມສະບາຍໃນການເດີນທາງ ບໍ່ວ່າຈະໃກ້ ຫຼື ໄກ ໂດຍແບ່ງເປັນ 2 ລຸ້ນ ຄື: Standard ກັບ Sport ທີ່ເພີ່ມໂຊກອັບຫຼັງ YSS ແລະ ລະບົບປ້ອງກັນລໍ້ຟີ ສ່ວນສີໂຕຖັງມີທັງໝົດ 5 ສີຂຶ້ນຢູ່ກັບລຸ້ນຍ່ອຍ.
GPX DZ3 ການອອກແບບພາຍນອກ ມາພ້ອມກັບບຸກຄະລິກແບບລົດຈັກ ສະປອດໄຟສ່ອງສະຫວ່າງຮອບຄັນເປັນແບບ Full LED ໂຕເບາະແບບສະປອດ ຫຸ້ມວັດສະດຸສີດໍາຄາດແຖບສີແດງ ຫ້ອງເກັບເຄື່ອງກ້ອງເບາະ ສາມາດໃສ່ໝວກກັນກະທົບໄດ້ 1 ໜ່ວຍ ຄອນໂຊນໜ້າມີຊ່ອງສາກໄຟແບບ Fast Charge USB Type-C ພ້ອມຝາປິດ, ໜ້າຈໍສະແດງຜົນເປັນຈໍ LCD ສ່ວນຝານໍ້າມັນຕິດຕັ້ງບໍລິເວນຄອນໂຊນກາງເພື່ອຄວາມສະດວກ.
ສ່ວນລະບົບກັນສະເທືອນ ດ້ານໜ້າເປັນແບບເທເລດໂຄ, ດ້ານຫຼັງເປັນແບບອາມສະວິງ ແລະ ຊົກອັບຄູ່ ເຊິ່ງໃນລຸ້ນສະປອດໃຫ້ຊົກອັບ YSS ແລະ ລະບົບປ້ອງກັນລໍ້ໝຸນຟີ TCS ລໍ້ອັນລອຍຂະໜາດຂອບ 14 ຢາງຂະໜາດ 110/70-14 56P ລໍ້ຫຼັງຂອບ 13 ຢາງຂະໜາດ 130/70-13 63P ດິສສະເບຣກ ໜ້າ – ຫຼັງ ມີລະບົບປ້ອງກັນລໍ້ລັອກ ABS ແບບ 2 Channel ນໍ້າໜັກໂຕລົດ 161 ກິໂລກຣາມ.
GPX DZ3 ໃຊ້ເຄື່ອງຈັກ 4 ຈັງຫວະ ສູບດຽວຂະໜາດ ຄວາມຈຸ 278.2 ຊີຊີ 4 ວາວ SOHC ຈ່າຍນໍ້າມັນແບບຫົວສີດ ລະບາຍຄວາມຮ້ອນໂດຍນໍ້າ ກໍາລັງສູງສຸດ 24,1 ແຮງມ້າ ແລະ ແຮງບິດທີ່ 24,5 ນິວຕັນແມັດ ຖັງນໍ້າມັນຂະໜາດຄວາມຈຸ 10,3 ລິດ.
GPX DZ3 ລຸ້ນ Standard ມີ 2ສີ ແລະ ລຸ້ນ Sport ມີ 4 ສີ.
