BMW M5 2025 ລະຫັດ G90 ລົດຊີດານສະມັດທະນະສູງ ເປີດໂຕຢ່າງເປັນທາງການ ມາພ້ອມເຕັກໂນໂລຊີ ປັກອິນໄຣບຣິດ 727 ແຮງມ້າ ແລ່ນໄຟຟ້າລ້ວນໄດ້ ເຊິ່ງເຮັດໃຫ້ມັນກາຍເປັນ M5 ທີ່ທັງແຮງ ແລະ ມີນໍ້າໜັກຫຼາຍສຸດທີ່ເຄີຍມີມາ.
ການອອກແບບພາຍນອກ ເມື່ອທຽບກັບ BMW 5 Series (G60) ໃນສ່ວນຂອງ BMW M5 2025 ຮູບຮ່າງໃໝ່ ນອກຈາກຈະມີການຕົກແຕ່ງດ້ວຍສະເກີສ ຮອບຄັນສະໄຕໂມເດິ້ນ ແລະ ຊຸ້ມລໍ້ທີ່ດຸດັນຍິ່ງຂຶ້ນ ຍັງຂະຫຍາຍຖານລໍ້ເປັນອັນລອຍລາຍ M Double-spoke style 951 ສີເທົາ Midnight Grey ຂອບ 20 ສໍາລັບລໍ້ໜ້າ ແລະ ຂອບ 21 ໃນລໍ້ຫຼັງລວມທັງມີການເພີ່ມຄວາມແຂງແກ່ນຂອງຄັນຊີໃຫ້ທົນຕໍ່ການບີດໂຕ ເພື່ອການຂັບຂີ່ດີຂຶ້ນ.
ການອອກແບບໄຟໜ້າ Adavtive LED ລ້ຽວຕາມພວງມາໄລ ກະຈັ່ງໜ້າ M Kidney grille ຕົກແຕ່ງດ້ວຍສີດໍາເງົາ high-gloss black ແລະ ໃຫ້ຫຼັງຄາແວ່ນເປັນມາດຕະຖານ ແຕ່ມີຫຼັງຄາບອນໄຟເບີ້ ໃນລາຍການອັອບຊັ້ນ ເຊິ່ງຈະຫຼຸດນໍ້າໜັກໄປໄດ້ 30 ກິໂລ, ສ່ວນມິນິໂຕຖັງຂອງ BMW M5 2025 ຈະມີຄວາມຍາວ 5.096 ມິນລີແມັດ (ມມ), ກວ້າງ 1.970 ມມ, ສູງ 1.510 ມມ ຄວາມຍາວຖານລໍ້ 3.006 ມມ ແລະ ໄລຍະຫ່າງກ້ອງພື້ນລົດ 115 ມມ ແລະ ມີນໍ້າໜັກລວມກັນ 2.445 ກິໂລກຣາມ.
ການອອກແບບພາຍໃນ ຂອງ BMW M5 2025 ຕິດຕັ້ງຈໍ BMW Curved Display ທີ່ປະກອບດ້ວຍຈໍສະແດງຂໍ້ມູນການຂັບຂີ່ຂະໜາດ 12,3 ນິ້ວ ແລະ ຈໍມັດຕິຟັງຊັ້ນ ຂະໜາດ 14,9 ນິ້ວ ໂດຍມີ iDrive Controller ຢູ່ບໍລິເວນຄອນໂຊນກາງ ຮອງຮັບການສັ່ງງານດ້ວຍການເວົ້າຜ່ານ BMW Intelligent Personal Assistant ເຊິ່ງມີ AI ເພື່ອຊ່ວຍເຫຼືອໃນລະບົບປະຕິບັດການ BMW Operating System 8.5 ທີ່ລໍ້າສຸດເປີດກວ້າງສໍາລັບຄວາມບັນເທີງ ບໍ່ວ່າຈະຮັບຊົມ Video Streming ແລະ ຫຼິ້ນເກມຜ່ານ AirConsole ໄດ້ຂະນະທີ່ຈອດລົດເຊັ່ນ ລະຫວ່າງລໍຖ້າໃນການສາກໄຟ.
ສ່ວນເບາະນັ່ງຈະເປັນ M Multifunction Seat ຫຸ້ມດ້ວຍໜັງ Merino ຈາກ BMW Individual ມີ 4 ສີຄື: ສີດໍາ Black, ສີເທົາ – ດໍາ Silverstone-Black, ສີແດງ-ດໍາ Red-Black ແລະ ສີສົ້ມ-ດໍາ Kayalami Orange-Black ເປັນມາດຕະຖານ ແຕ່ຈະໄດ້ອັອບຊັ້ນໜັງ Full Merino Metallic ເພີ່ມອີກ 2 ສີ ໃນປີໜ້າ, ນອກຈາກນີ້ຫ້ອງໂດຍສານຂອງ BMW M5 2025 ຍັງຕົກແຕ່ງດ້ວຍ BMW Interaction Bar ເພື່ອເພີ່ມບັນຍາກາດໃນການ ຂັບຂີ່ດ້ວຍແສງສີຕາມອາລົມໄປພ້ອມກັບລະບົບສຽງໃສ ລະດັບໄຮເອັນຂອງ Bowers & Wilkins Surround Sound System ລໍາໂພງ 18 ໂຕ.
ເຄື່ອງຈັກ BMW M5 2025 ມາພ້ອມເຕັກໂນໂລຊີ ປັກອິນໄຣບຣິດ ທີ່ປະກອບດ້ວຍເຄື່ອງຈັກແອັດຊັງ ວີ 8 ສູບຂະໜາດ 4,4 ລິດ ທະວິນສະກ້ອນເທີໂບ ໃຫ້ກໍາລັງສູງສຸດ 557 ແຮງມ້າ ແລະ ແຮງບິດສູງສຸດ 750 ນິວຕັນແມັດ ເຮັດວຽກຮ່ວມກັບມໍເຕີ້ໄຟຟ້າທີ່ລວມເຂົ້າກັບຊຸດເກຍ 8 ສະປີດ.
ໂດຍທັງລະບົບຈະໃຫ້ກໍາລັງສູງສຸດ 727 ແຮງມ້າ ທີ່ຊ້ວງ 5.600 – 6.500 ຮອບຕໍ່ນາທີ ແລະ ແຮງບິດສູງສຸດ 1.000 ນິວຕັນແມັດທີ່ຊ້ວງ 1.800 -4.500 ຮອບຕໍ່ນາທີ ສາມາດເລັ່ງຈາກ 0-100 ກິໂລແມັດຕໍ່ຊົ່ວໂມງ ໄດ້ພາຍໃນເວລາ 3,5 ວິນາທີ ແລ່ນໄຟຟ້າລ້ວນໄດ້ໄກເຖິງ 69 ກິໂລແມັດ ສ່ວນ ຄວາມໄວສູງສຸດຖືກຈໍາກັດໄວ້ທີ 250 ກິໂລແມັດຕໍ່ຊົ່ວໂມງ ແລະ ເພີ່ມເປັນ 305 ກິໂລແມັດຕໍ່ຊົ່ວໂມງ ດ້ວຍແພັກເກັດ M Driver.
BMW M5 2025 ລະບົບ ຄວາມປອດໄພ ຈະມີໂໝດການຂັບຂີ່ໃຫ້ເລືອກ 3 ຮູບແບບຫຼັກ ຄື: Standard ເຊິ່ງໃຫ້ຄວາມສະບາຍ ແລະ ໃຊ້ນໍ້າມັນຢ່າງມີປະສິດທິພາບສູງສຸດ ແຕ່ຖ້າເພີ່ມຊີວິດຊີວາໃນການຂັບຂີ່ໃຫ້ເລືອກໂໝດ Sport ຫຼື ຕື່ນເຕັ້ນໄດ້ໃຈໃນໂໝດ Sport Plus ໂດຍລະບົບກັນສະເທືອນ ພວງມາໄລ ແລະ ລະບົບຂັບເຄື່ອນຈະຖືກປັບໃຫ້ເຂົ້າກັບຮູບແບບການຂັບຂີ່ໄດ້ແບບສະບາຍ.
ສ່ວນລະບົບຄວາມປອດໄພ BMW M5 2025 ຈະຕິດຕັ້ງລະບົບຊ່ວຍຂັບຂີ່ ADAS ເປັນອຸປະກອນມາດຕະຖານ ໄດ້ແກ່ ລະບົບຫຼີກລ່ຽງການຕໍາດ້ານໜ້າ, ລະບົບຊ່ວຍໃຫ້ລົດຢູ່ໃນເລນ, ລະບົບເຕືອນຈຸດອັບສາຍຕາ, ລະບົບຊ່ວຍຄວບຄຸມຄວາມໄວຕາມປ້າຍຈະລາຈອນ, ລະບົບຊ່ວຍຂັບຂີ່ທີ່ ຄວາມໄວຕໍ່າໂດຍບໍ່ຈໍາເປັນຕ້ອງວາງມືຢູ່ພວງມາໄລ ເພື່ອຫຼຸດຄວາມຄຽດຂອງຜູ້ຂັບ.
