ບໍລິສັດ S&P Global ເປີດເຜີຍບົດລາຍງານ ໃນວັນທີ 24 ກໍລະກົດຜ່ານມາວ່າ: ກິດຈະກໍາທຸລະກິດຂອງອາເມຣິກາໃນເດືອນກໍລະກົດ ເພີ່ມຂຶ້ນໃນລະດັບສູງສຸດໃນຮອບຫຼາຍກວ່າ 2 ປີ, ແຕ່ທຸລະກິດເບິ່ງຄືວ່າມີຄວາມຫຍຸ້ງຍາກໃນການຮັກສາລາຄາສິນຄ້າ ແລະ ການບໍລິການທີ່ສູງ, ທ່າມກາງຄວາມກັງວົນຂອງຜູ້ບໍລິໂພກຍ້ອນຄວາມຢ້ານກົວຂອງອັດຕາເງິນເຟີ້ທີ່ເພີ່ມຂຶ້ນ.
ດັດຊະນີຜູ້ຈັດການຝ່າຍຈັດຊື້ (PMI) ເຊິ່ງຕິດຕາມຂະແໜງການຜະລິດ ແລະ ການບໍລິການຂອງອາເມຣິກາ ເພີ່ມຂຶ້ນ 0,2 ຈຸດ ຂຶ້ນເປັນ 55,0 ໃນເດືອນກໍລະກົດ ເຊິ່ງເປັນລະດັບສູງສຸດ ນັບຕັ້ງແຕ່ເດືອນເມສາ 2022 ຫຼັງຈາກທີ່ໄດ້ບັນລຸລະດັບ 54,8 ໃນເດືອນມິຖຸນາປີນີ້.
ການຟື້ນຕົວໃນຂະແໜງການບໍລິການຊົດເຊີຍການຫຼຸດລົງຂອງການຜະລິດ. ດັດຊະນີ PMI ການບໍລິການໃນເດືອນກໍລະກົດ ເພີ່ມຂຶ້ນ 0,7 ຈຸດ ເປັນ 56,0 ເຊິ່ງເປັນລະດັບສູງສຸດ ນັບຕັ້ງແຕ່ເດືອນມີນາ 2022ຈາກລະດັບ 55,3 ໃນເດືອນກ່ອນ.
ໃນຂະນະດຽວກັນ, ດັດຊະນີ PMI ການຜະລິດໃນເດືອນກໍລະກົດນີ້ ຫຼຸດລົງ 2,1 ຈຸດ ເປັນຈຸດຕໍ່າສຸດໃນຮອບ 7 ເດືອນທີ່ 49,5 ຈາກ 51,6 ໃນເດືອນກ່ອນ ໜ້ານີ້.
ການເພີ່ມຂຶ້ນຂອງ PMI ຄົງທີ່ຊີ້ໃຫ້ເຫັນວ່າກິດຈະກໍາທາງເສດຖະກິດຂອງອາເມຣິກາ ຍັງແຂງແຮງ.
ຜູ້ຊ່ຽວຊານດ້ານເສດຖະກິດຄາດຄະເນວ່າການເຕີບໂຕເສດຖະກິດຂອງ ອາເມຣິກາ ຈະຢູ່ທີ່ປະມານ 2,0% ໃນໄຕມາດທີສອງ ເພີ່ມຂຶ້ນຈາກ 1,4% ໃນໄຕມາດທໍາອິດ.
