ກອງປະຊຸມໃຫຍ່ຄັ້ງທີ III ຂອງໜ່ວຍພັກ ຫ້ອງການອຸດສາຫະກຳ ແລະ ການຄ້າ ເມືອງນາຊາຍທອງ ນະຄອນຫຼວງວຽງຈັນ ຈັດຂຶ້ນໃນວັນທີ 31 ກໍລະກົດ 2024 ທີ່ສວນພຶກສາ ເປັນປະທານຂອງ ສະຫາຍ ສຸລິວັນ ພົມມະຫາໄຊ ເລຂາພັກເມືອງ ເຈົ້າເມືອງນາຊາຍທອງ, ມີເລຂາໜ່ວຍພັກຫ້ອງການ ອຄ ເມືອງ, ເລຂາໜ່ວຍພັກອ້ອມຂ້າງເມືອງ ແລະ ສະມາຊິກພັກ – ພະນັກງານ , ແຂກຖືກເຊີນ ເຂົ້າຮວມ.
ສະຫາຍ ແສງອຸໄທ ດວງມະນີວົງ ໄດ້ຜ່ານບົດລາຍງານການເມືອງ ແລະ ວາງທິດທາງໜ້າທີ່ວຽກງານໃນຕໍ່ໜ້າ ແຕ່ນີ້ຮອດກອງປະຊຸມໃຫຍ່ຄັ້ງທີ IV ໃຫ້ສອດຄ່ອງ ແລະ ແທດເໝາະກັບສະພາບຄວາມເປັນຈິງບົນພື້ນຖານແນວທາງປ່ຽນແປງໃໝ່ຮອບດ້ານຢ່າງມີຫຼັກການຂອງພັກ.
ໜ່ວຍພັກຫ້ອງການອຸດສາຫະກໍາ ແລະ ການຄ້າເມືອງນາຊາຍທອງ ເປັນໜ່ວຍພັກເອກະລາດ ໄດ້ຮັບການສ້າງຕັ້ງຂື້ນ ວັນທີ 14 ກຸມພາ 2014 ເຊິ່ງເປັນໜ່ວຍພັກທີ່ຂື້ນກັບການ ນຳພາ-ຊີ້ນຳ ໂດຍກົງຮອບດ້ານ ຂອງອົງຄະນະພັກເມືອງນາຊາຍທອງ. ປະຈຸບັນມີສະມາຊິກພັກທັງໝົດ 11 ສະຫາຍ, ຍິງ 06 ສະຫາຍ, ສົມບູນທັງໝົດ 11 ສະຫາຍ, ຍິງ 06 ສະຫາຍ, ມີຄະນະໜ່ວຍພັກ 03 ສະຫາຍ, ສະມາຊິກພັກໄດ້ຮັບບັດສະມາຊິກພັກສົມບູນທັງໝົດ 04 ສະຫາຍ, ຍິງ 02 ສະຫາຍ.
ໃນກອງປະຊຸມໄດ້ລົງຄະແນກສຽງປ່ອນບັດ ເລືອກຕັ້ງຄະນະໜ່ວຍພັກຊຸດໃໝ່ ເຊິງປະກອບມີ 3 ສະຫາຍ, ກອງປະຊຸມຄົບຄະນະຄັ້ງປະຖົມມະລຶກໄດ້ເປັນເອກະສັນກັນ ຮັບຮອງເອົາຄະນະໜ່ວຍພັກ ຫ້ອງການອຸດສາຫະກໍາ ແລະ ການຄ້າ ສະໃໝທີ III ປະກອບມີ 3 ສະຫາຍ ເຊິ່ງ ເລືອກເອົາສະຫາຍ ແສງອຸໄທ ດວງມະນີວົງ ເປັນ ເລຂາໜ່ວຍພັກ, ສະຫາຍ ວົງລິດ ແສງວິໄລ ເປັນ ຮອງເລຂາ, ສະຫາຍ ອານຸຄົມ ກຸສົນສະຫວັດ ເປັນຄະນະ ຮັບຜິດຊອບວຽກງານກວດກາ
ພ້ອມນັ້ນ ທີ່ປະຊຸມ ເລືອກເອົາຜູ້ແທນໄປຮ່ວມກອງປະຊຸມໃຫຍ່ ອົງຄະນະພັກເມືອງນາຊາຍທອງ ສະໄໝທີ VIII ຜູ້ແທນສົມບູນ 2 ສະຫາຍ ຄື: ສະຫາຍ ວົງລິດ ແສງວິໄລ ເປັນຜູ້ແທນສົມບູນ, ຜູ້ແທນສໍາຮອງ 1 ສະຫາຍ ອານຸຄົມ ກຸສົນສະຫວັດ ເປັນຜູ້ແທນສຳຮອງ
ກອງປະຊຸມໄດ້ຮັບຟັງ ການໂອ້ລົມ ຕໍ່ວຽກງານແນວຄິດການເມືອງ ແລະ ວຽກງານວິຊາສະເພາະ ຂອງຂະແໜງອຸດສາຫະກໍາ ແລະ ການຄ້າ ຈາກສະຫາຍ ສຸລິວັນ ພົມມະຫາໄຊ ເລຂາຄະນະພັກເມືອງນາຊາຍທອງ, ສະຫາຍໄດ້ຍົກໃຫ້ເຫັນຜົນງານອັນໃຫຍ່ຫຼວງທີ່ຄະນະໜ່ວຍພັກ ຍາດໄດ້ໃນໄລຍະຜ່ານມາ, ພ້ອມດຽວກັນກໍຍົກໃຫ້ເຫັນຈຸດອ່ອນຂໍ້ຄົງຄ້າງເຊິ່ງໜ່ວຍພັກຈະໄດ້ສູ້ຊົນ ແລະ ຍົກລະດັບການປະຕິບັດໜ້າທີ່ ວຽກງານວິຊາສະເພາະຂອງຕົນ ເພື່ອເຮັດແນວໃດ ໃຫ້ເສດຖະກິດມີການຂະຫຍາຍຕົວເພີ່ມຂຶ້ນ.
