ຢູ 19 ລາວ ເລີ່ມຝຶກຊ້ອມເຕັມສູດ ກຽມລຸຍບານເຕະຊີງແຊັມອາຊຽນ 2024

33

ທີມຊາດລາວ U19 ເລີ່ມຝຶກຊ້ອມກຽມເຂົ້າຮ່ວມການແຂ່ງຂັນບານເຕະຊີງແຊ້ມອາຊຽນ ຮຸ່ນອາຍຸບໍ່ເກີນ 19 ປີ(U19) ປະຈຳປີ 2024 ASEAN U19 BOY’S CHAMPIONSHIP 2024 ເຊິ່ງຈະຈັດຂຶ້ນຢູ່ທີ່ປະເທດອິນໂດເນເຊຍລະຫວ່າງວັນທີ 17-29 ກໍລະກົດ 2024.

ສໍາລັບ ການແຂ່ງຂັນລາຍການດັ່ງກ່າວມີ 12 ປະເທດເຂົ້າຮ່ວມແລະແບ່ງອອກເປັນ 3 ກຸ່ມ, ກຸ່ມລະ 4 ທີມ ຄັດເອົາອັນດັບ 1 ຂອງແຕ່ລະກຸ່ມ ຜ່ານເຂົ້າສູ່ຮອບຮອງຊະນະເລີດ ແລະ ອັນດັບ 2 ທີ່ມີຄະແນນດີທີ່ສຸດ 1 ທີມຜ່ານເຂົ້າຮອບຮອງຊະນະເລີດ. ຜົນການຈັບສະຫລາກມີດັ່ງນີ້:

– ກຸ່ມ A : ອິນໂດເນເຊຍ ເຈົ້າພາບ, ຕີມໍ ເລສເຕ, ກຳປູເຈຍ, ຟີລິບປິນ
– ກຸ່ມ B: ລາວ, ຫວຽດນາມ, ມຽນມາ, ອົດສະຕຣາລີ
– ກຸ່ມ C: ມາເລເຊຍ, ໄທ, ສິງກະໂປ, ບຣູໄນ.

ຕາຕະລາງແຂ່ງຂັນທີມຊາດລາວມີດັ່ງນີ້:
– ວັນທີ 18/7/2024 ເວລາ 15:00 ລາວ ພົບ ອົສຕຣາລີ ແຂ່ງຂັນທີ່ Gelora 10 Nopember Stadium.
– ວັນທີ 21/7/2024 ເວລາ 19:30 ມຽນມາ ພົບ ລາວ ແຂ່ງຂັນທີ່ Gelora 10 Nopember Stadium.
– ວັນທີ 24/7/2024 ເວລາ 15:00 ລາວ ພົບ ຫວຽດນາມ ແຂ່ງຂັນທີ່ GBT Stadium.
ຂອບໃຈຮູບຈາກ: ສຕລ