ຫຍັບເຂົ້າໃກ້ຫຼຽນຄໍາສຸດໆເມື່ອ 4 ໜຸ່ມນ້ອຍນັກຮຽນລາວ ນໍາໂດຍ ທ້າວ ສຸລິຍາ ຈັນທະຈັກ, ທ້າວ ສົມປະໄພ ຈຳປາມະນີ, ທ້າວ ຖາປະນາ ເບົ້າຈະເລີນພອນ ແລະ ທ້າວສິດທິກອນ ໄຊຊະນະວົງເພັດ ລົງແຂ່ງຂັນກີລາໂວວີນາມ ປະເພດສະແດງການຕໍ່ສູ້ ແບບບໍ່ມີອຸປະກອນ ສາມາດຍາດໄດ້ຫຼຽນເງິນ ໃນງານມະຫາກຳກິລານັກຮຽນ ອາຊຽນ ຄັ້ງທີ 13 ຫຼື “ດານັງ ເກມ” ເມື່ອວັນທີ 5 ມິຖຸນາ 2024 ທີ່ນະຄອນດານັງ ສສ ຫວຽດນາມ ແລະ ສົ່ງທ້າຍດ້ວຍ 2 ຫຼຽນທງອຈາກທ້າວ ຄອນສະຫວັນ ວົງບາຈັນ ຮຸ່ນນໍ້າໜັກ 54,9 ກິໂລກຣາມ ປະເພດຕໍ່ສູ້ ສາມາດເອົາຊະນະໄທໄດ້ໃນຮອບທໍາອິດ ແຕ່ມາພາດທ່າເສຍໃຫ້ຫວຽດນາມ ເຈົ້າພາບ ໃນຮອບຮອງຊະນະເລີດ. ສ່ວນ ນາງ ອັກສອນ ກໍ່າແກ້ວ ປະເພດຕໍ່ສູ້ໃນຮຸ່ນນໍ້າໜັກ 42,9 ກິໂລກຣາມ ຮອບແຮກຈົກສະຫຼາກໄດ້ເນີດມາ ແຕ່ໃນຮອບຮອງມາເສຍໃຫ້ອິນໂດເນເຊຍ ເຮັດໃຫ້ປັນຈັກສີລັດລາວ ມາຄັ້ງນີ້ໄດ້ພຽງສອງຫຼຽນທອງ
ຈາກຜົນດັ່ງກ່າວເຮັດໃຫ້ ທັບນັກກີລານັກຮຽນ ໂວວີນາມລາວ ຍາດໄດ້ 4 ຫຼຽນແບ່ງເປັນ 1 ຫຼຽນເງິນ ແລະ 3 ຫຼຽນທອງໃນງານຄັ້ງນີ້ ໂດຍຫຼຽນທອງທໍາອິດໄດ້ຈາກ ຮຸ່ນນໍ້າໜັກ 51-57 ກິໂລກຣາມ ໄດ້ຈາກ ນາງ ຊັນດີອາ ວໍລະບຸດ
ສໍາລັບ ງານມະຫາກຳກິລານັກຮຽນ ອາຊຽນ ຄັ້ງທີ 13 ຫຼື “ດານັງ ເກມ” ແຂ່ງຂັນລະຫວ່າງວັນທີ 31 ພຶດສະພາ – 9 ມິຖຸນາ 2024 ຖືວ່າມາຮອດໂຄ້ງສຸດທ້າຍກັນແລ້ວ ທັບນັກກີລາລາວ ຍາດໄດ້ພຽງ 1 ຫຼຽນເງິນ ແລະ 3 ຫຼຽນທອງຈາກກີລາ ໂວວີນາມ ຢູ່ອັນດັບທີ 9 ຈາກ 10 ປະເທດເຂົ້າຮ່ວມ ໂດຍຜູ້ນໍາຍັງເປັນຂອງເຈົ້າພາບ ຫວຽດນາມ ກວ້າງໄປແລ້ວ 30 ຫຼຽນຄໍາ, 20 ຫຼຽນເງິນ ແລະ 10 ຫຼຽນທອງ ນໍາຫ່າງອັນດັບ 2 ຢ່າງ ໄທ ທີ່ຍາດໄດ້ 13 ຫຼຽນຄໍາ, 15 ຫຼຽນເງິນ ແລະ 18 ຫຼຽນທອງ.
ສ່ວນປະເພດກີລາອື່ນໆຫຼາຍປະເພດກີລາ ແມ່ນໝົດລຸ້ນໄປຫຼາຍປະເພດກີລາແລ້ວ ໂດຍ ສປປ ລາວ ສົ່ງຄະນະນຳ, ຜູ້ຮັບຜິດຊອບທີມ ແລະ ຄູຝຶກ ທັງໝົດ 80 ກວ່າຄົນ ເຂົ້າຮ່ວມຄົບທັງ 6 ປະເພດ ໄດ້ແກ່: ແລ່ນ-ລານ, ລອຍນໍ້າ, ດອກປີກໄກ່, ບານບ້ວງ, ປັນຈັກສີລັດ ແລະ ໂວວີນາມ.
ຂ່າວຈາກ: ຄົນຂ້າງສະໜາມ ລາຍງານຈາກນະຄອນດານັງ, ສສ ຫວຽດນາມ; ຮຽບຮຽງ: Larh Creators
