ສປຊ ໄດ້ປະກາດບົດລາຍງານກ່ຽວກັບເສດຖະກິດໂລກໃນຕົ້ນເດືອນພຶດສະພາແລ້ວນີ້ວ່າ: ມີແງ່ຫວັງທີ່ດີຫາກທຽບໃສ່ການປະກາດໃນເດືອນມັງກອນ 2024 ໂດຍຄາດວ່າມີການເຕີບໂຕເຖິງ 2,7% ສູງ ກວ່າ 0,3% ເມື່ອທຽບໃສ່ການຄາດຄະເນໃນເດືອນມັງກອນ.. ພື້ນຖານເສດຖະກິດທີ່ໃຫຍ່ ຂອງໂລກ ບໍ່ຄາດວ່າໃນປີ 2024 ນີ້ ຈະເຕີບໂຕສູງຂຶ້ນ ເຊັ່ນ: ອາເມຣິກາ ເບີໜຶ່ງຄາດວ່າຈະເຕີບໂຕ 2,3%, ສ່ວນເບີສອງຄື ສປ ຈີນ 4,8% ( ຕົວເລກ GDP ).
ຜູ້ຂຽນຂໍສະເໜີບົດວິເຄາະ ກ່ຽວກັບບັນຫານີ້ຈາກ VOVWORLD ສະບັບອອນລາຍໃນຫົວຂໍ້: “.. ສປຊ ມີ ຄວາມປະເອີບໃຈທີ່ລະມັດລະວັງ ກ່ຽວກັບແງ່ຫວັງເສດຖະກິດທົ່ວໂລກ..” ດັ່ງນີ້:
ບົດລາຍງານກ່ຽວກັບສະພາບການ ແລະ ແງ່ຫວັງເສດຖະກິດໂລກ, ປະກາດວັນທີ 16 ພຶດສະພາ, ສປຊ ໄດ້ໃຫ້ຂໍ້ສັງເກດວ່າ: ການເຕີບໂຕເສດຖະກິດທົ່ວໂລກປີນີ້ ມີຫຼາຍປັດໄຈຕັ້ງໜ້າ. ແຕ່ເຖິງຢ່າງໃດກໍຕາມ, ສິ່ງທ້າທາຍກໍພວມເພີ່ມຂຶ້ນສໍາລັບຫຼາຍພື້ນຖານເສດຖະກິດທີ່ພວມພັດທະນາ.
ບົດລາຍງານຂອງ ສປຊ ປະກາດໃນວັນທີ 16 ພຶດສະພາ ແມ່ນສະບັບອັບເດດເຖິງກາງປີຂອງບົດລາຍງານສະພາບການ ແລະ ແງ່ຫວັງເສດຖະກິດໂລກທີ່ປະກາດໃນເດືອນມັງກອນ 2024.
■ ກໍາລັງໜູນຈາກບັນດາພື້ນຖານເສດຖະກິດໃຫຍ່
ໃນບົດລາຍງານຫຼ້າສຸດ, ສປຊ ໃຫ້ຂໍ້ສັງເກດກ່ຽວກັບແງ່ຫວັງເສດຖະກິດທົ່ວໂລກ ໄດ້ຮັບການປັບປຸງ. ດັ່ງນັ້ນ, ໃນການຄາດຄະເນການເຕີບໂຕເສດຖະກິດທົ່ວໂລກປີນີ້ ສປຊ ໄດ້ຍົກຂຶ້ນເປັນ 2,7%, ສູງ ກວ່າ 0,3 ຈຸດສ່ວນຮ້ອຍ ເມື່ອທຽບໃສ່ການຄາດຄະເນໃນເດືອນມັງກອນ, ໃນຂະນະທີ່ການເຕີບໂຕຂອງປີ 2025 ໄດ້ຄາດຄະເນວ່າແມ່ນ 2,8%, ສູງກວ່າ 0,1 ຈຸດສ່ວນຮ້ອຍ ເມື່ອທຽບໃສ່ການຄາດຄະເນກ່ອນນັ້ນ, ທ່ານ Shantanu Mukherjee ຜູ້ອໍານວຍການໜ່ວຍໄຈ້ແຍກເສດຖະກິດ ແລະ ນະໂຍບາຍ, ກົມບັນດາບັນຫາເສດຖະກິດ ແລະ ສັງຄົມຂອງ ສປຊ ( DESA ) ຖືວ່າ: ບາງພື້ນຖານເສດຖະກິດໃຫຍ່ ແລະ ຫາກໍພົ້ນເດັ່ນມີການເຕີບໂຕດີກວ່າຄວາມມຸ່ງຫວັງໃນຊຸມເດືອນຜ່ານມາ ແລະ ສ້າງກໍາລັງໜູນນໍາເສດຖະກິດທົ່ວໂລກຫຼຸດພົ້ນອອກຈາກໄພຖືກຊຸດໂຊມ. ໄປຄຽງຄູ່ກັນນັ້ນ, ເລື່ອງບັນດາພື້ນຖານເສດຖະກິດໃຫຍ່ສືບຕໍ່ຮັກສາອັດຕາດອກເບ້ຍສູງ ເພື່ອຫຼຸດໄພເງິນເຟີ້ ແຕ່ບໍ່ເຮັດໃຫ້ສະພາບວ່າງງານເພີ່ມຂຶ້ນ ກໍແມ່ນການປະກອບສ່ວນປັບປຸງ ຄວາມໄວ້ເນື້ອເຊື່ອໃຈເຂົ້າການເຕີບໂຕໃນໄລຍະຈະມາເຖິງ.
ສໍາລັບພື້ນຖານເສດຖະກິດໃຫຍ່ທີ່ສຸດໃນໂລກ ແມ່ນ: ອາເມຣິກາ, ສປຊ ໄດ້ຄາດຄະເນວ່າ: ອາເມຣິກາ ອາດຈະເຕີບໂຕ 2,3% ໃນປີນີ້. ຈີນ ແມ່ນພື້ນຖານເສດຖະກິດໃຫຍ່ທີ 2 ໃນໂລກ, ກໍໄດ້ຮັບການຄາດຄະເນເຕີບໂຕ 4,8% ໃນປີ 2024 ນີ້, ສູງກວ່າ 0,1 ສ່ວນຮ້ອຍ ເມື່ອທຽບໃສ່ການຄາດຄະເນໃນຕົ້ນປີ. ບັນດາພື້ນຖານເສດຖະກິດຫາກໍພົ້ນເດັ່ນສໍາຄັນອື່ນໆແມ່ນ: ບຣາຊິນ, ອິນເດຍ, ຣັດເຊຍ ກໍໄດ້ຮັບການຕີລາຄາຕັ້ງໜ້າກ່ຽວກັບແງ່ຫວັງການເຕີບໂຕ. ໃນບັນດາພື້ນຖານເສດຖະກິດ ໃຫຍ່, ມີພຽງເອີຣົບ ແມ່ນໄດ້ຮັບການຕີລາຄາຍັງບໍ່ຕັ້ງໜ້າເທົ່າທີ່ຄວນ, ໃນຂະນະທີ່ ສປຊ ໄດ້ຫຼຸດລະດັບການຄາດຄະເນການເຕີບໂຕເສດຖະກິດຂອງສະຫະພາບເອີຣົບ ( EU ) ແຕ່ 1,2% ລົງ ເຫຼືອພຽງ 1%. ກົງກັນຂ້າມກັບຄວາມປະເອີບໃຈ, ເຖິງວ່າມີຄວາມລະມັດລະວັງ, ສໍາລັບບັນດາພື້ນຖານເສດຖະກິດໃຫຍ່, ສປຊ ໄດ້ຍົກອອກຫຼາຍການຕີລາຕາທີ່ຫຍໍ້ທໍ້ສໍາລັບແງ່ຫວັງການເຕີບໂຕຂອງຫຼາຍພື້ນຖານເສດຖະກິດທີ່ພວມພັດທະນາ, ພິເສດແມ່ນ ອາຟຣິກາ ເຊິ່ງແມ່ນສະຖານທີ່ ສປຊ ໃຫ້ຂໍ້ສັງເກດວ່າມີປະມານ 20 ປະເທດ ພວມຈົມຢູ່ໃນກອງໜີ້, ໃນນັ້ນມີບັນດາພື້ນຖານເສດຖະກິດໃຫຍ່ຂອງທະວີບ ຄື: ເອຢິບ, ນີເຊ, ອາຟຣິກາໃຕ້ ມີການເຕີບໂຕບໍ່ດີປານໃດ. ທ່ານ Shantanu Mukher jee ໃຫ້ຂໍ້ສັງເກດວ່າ:
“ ແງ່ຫວັງສໍາລັບຫຼາຍປະເທດພວມພັດທະນາບໍ່ປະເອີບໃຈປານໃດ. ການຄາດຄະເນການເຕີບໂຕຢູ່ບັນດາປະເທດນີ້ໃນປີນີ້ ແລະ ປີຕໍ່ໄປ ພວກຂ້າພະເຈົ້າໄດ້ຍົກຂຶ້ນເປັນປະມານ 3,3%, ແຕ່ຕົວເລກນີ້ຍັງຕໍ່າເມື່ອທຽບໃສ່ໄລຍະກ່ອນເກີດພະຍາດລະບາດ. ເປັນໜ້າສົນໃຈ, ການຄາດຄະເນການເຕີບໂຕຂອງ ອາຟຣິກາ ແລະ ບັນດາປະເທດດ້ອຍພັດທະນາທີ່ສຸດໃນປີນີ້ໄດ້ຫຼຸດລົງເປັນ 3,3% ”.
■ ຄວາມສ່ຽງຈາກວິກິດການດິນຟ້າອາກາດ
ສັງລວມແລ້ວ, ເຖິງວ່າຍົກລະດັບການຄາດຄະເນການເຕີບໂຕທົ່ວໂລກ ແຕ່ ສປຊ ກໍໄດ້ຍົກອອກຄໍາກ່າວເຕືອນ ກ່ຽວກັບຄວາມສ່ຽງ, ໃນຂະນະທີ່ຖືວ່າສະພາບການອັດຕາ,ດອກເບ້ຍສູງທີ່ແກ່ຍາວຢູ່ຫຼາຍພື້ນຖານເສດຖະກິດໃຫຍ່, ໜີ້ເສຍ, ຄວາມສ່ຽງດ້ານພູມສາດການເມືອງເພີ່ມຂຶ້ນ ຈະສືບຕໍ່ແມ່ນບັນດາປັດໄຈນາບຂູ່ເຖິງການເຕີບໂຕເສດຖະກິດ ແລະ ຄວາມສະຖຽນລະພາບຂອງຫຼາຍປະເທດ. ພິເສດ, ສປຊ ໄດ້ຕີລາຄາຜົນກະທົບທີ່ນັບມື້ໃຫຍ່ຫຼວງຂອງການປ່ຽນແປງຂອງດິນຟ້າອາກາດ ພວມວາງອອກບັນດາສິ່ງທ້າທາຍຮ້າຍແຮງກ່ຽວກັບເສດຖະກິດ, ນາບຂູ່ຈະລົບລ້າງຜົນງານແຫ່ງການພັດທະນາໃນຫຼາຍປີຂອງຫຼາຍປະເທດ, ພິເສດແມ່ນບັນດາປະເທດດ້ອຍພັດທະນາທີ່ສຸດ ( LDCs ) ແລະ ບັນດາປະເທດເກາະນ້ອຍ ( SIDS ). ຍ້ອນເຫດນັ້ນ, ຕາມ ທ່ານ Shantanu Mukherjee ຜູ້ອໍານວຍການໜ່ວຍໄຈ້ແຍກເສດຖະກິດ ແລະ ນະໂຍບາຍຂອງ DESA ແລ້ວ, ໃນໄລຍະຍາວ ປະຊາຄົມສາກົນຄວນຍູ້ແຮງວິວັດການຫັນເປັນພະລັງງານຍຸຕິທໍາໃນທົ່ວໂລກ, ພ້ອມທັງສ້າງບັນດາກົນໄກຊ່ວຍໃຫ້ບັນດາປະເທດດ້ອຍພັດທະນາແຕ່ມີ ຫຼາຍແຫຼ່ງຊັບພະຍາກອນສໍາຄັນຫຼາຍໃຫ້ແກ່ການຫັນປ່ຽນພະລັງງານ ເປັນຕົ້ນແມ່ນຢູ່ ອາຟຣິກາ, ອາເມຣິກາລາຕິນ, ສາມາດເກັບໄດ້ແຫຼ່ງຜົນປະໂຫຍດດ້ານເສດຖະກິດ – ສັງຄົມຫຼາຍກວ່າຈາກບັນດາແຫຼ່ງຊັບພະຍາກອນນີ້:
“ ໃນບົດລາຍງານ, ພວກຂ້າພະເຈົ້າເຫັນວ່າມີສອງບັນຫາສະຫຼັບສັບຊ້ອນສໍາຄັນ. ທີໜຶ່ງແມ່ນເຮັດແນວໃດເພື່ອຊຸກຍູ້ການຜະລິດ ແລະ ແຫຼ່ງສະໜອງທີ່ອຸດົມສົມບູນຂອງບັນດາແຫຼ່ງຊັບພະຍາກອນບໍ່ແຮ່ທີ່ຈໍາເປັນ, ດ້ວຍຂອບຂະໜາດ ແລະ ລະດັບທີ່ຈໍາເປັນໃຫ້ແກ່ການຫັນເປັນພະລັງງານ. ຈາກນັ້ນ, ແມ່ນເຮັດແນວໃດເພື່ອໃຫ້ບັນດາປະເທດມີແຫຼ່ງຊັບພະຍາກອນອຸດົມສົມບູນ ອາດຈະທັນມັນເປັນທ່າໄດ້ປຽບເພື່ອບັນລຸບັນດາເປົ້າໝາຍພັດທະນາແບບຍືນຍົງໃນໄລຍະຍາວ ”.
ການປ່ຽນແປງຢ່າງວ່ອງໄວ ກ່ຽວກັບເຕັກໂນໂລຊີ, ພິເສດແມ່ນປັນຍາປະດິດ ( AI ) ກໍແມ່ນປັດໄຈອື່ນ ເຊິ່ງ ສປຊ ໄດ້ເນັ້ນໜັກວ່າ: ອາດຈະສ້າງບັນດາຜົນກະທົບໃຫຍ່ຫຼວງເຖິງການເຕີບໂຕເສດຖະກິດທົ່ວໂລກໃນໄລຍະຈະມາເຖິງ, ໃນຂະນະທີ່ຖືວ່າ AI ນໍາມາເຊິ່ງຫຼາຍກາລະໂອກາດ ໃຫ້ແກ່ບັນດາປະເທດ ແຕ່ກໍມີຫຼາຍຄວາມສ່ຽງເພີ່ມຊ່ອງວ່າງດ້ານເຕັກໂນໂລຊີລະຫວ່າງບັນດາພື້ນຖານເສດຖະກິດພັດທະນາກັບສ່ວນທີ່ຍັງເຫຼືອຂອງໂລກ.
ທັງໝົດນັ້ນຄືຂໍ້ມູນສຳຄັນຂອງເສດຖະກິດໂລກ ຕາມການຄາດຄະເນຂອງ ສປຊ.
