ຫຼາຍສິບປີຈັ່ງໄດ້ກັບບ້ານ 3 ແຂວງພາກໃຕ້ຈັດສົ່ງອັດຖິທະຫານອາສາສະໝັກຫວຽດນາມ

30

ຄະນະປະຕິບັດງານພິເສດ 3 ແຂວງ ພາກໃຕ້ລາວ ຄື: ແຂວງ​ອັດຕະປື, ຈຳປາສັກ ແລະ ແຂວງ​ເຊກອງ​ ຈັດພິທີມອບ-ຮັບ ແລະ ຈັດສົ່ງອັດຖິທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫລະຊີວິດໃນປາງສົງຄາມຢູ່​ 3​ ແຂວງພາກໃຕ້ລາວ ກັບຄືນປະເທດ ໃນວັນທີ 30 ພຶດສະພາ 2024 ທີ່ກອງບັນຊາການທະຫານແຂວງ​ອັດຕະປື ໂດຍການເຂົ້າຮ່ວມຂອງ ທ່ານ ພົນໂທ ວັນທອງ ກອງມະນີ ເຈົ້າແຂວງໆອັດຕະປື,​ ມີສະຫາຍ ຫງຽນ ວັນຈຸ່ງ ກົງສູນໃຫຍ່ ສສ ຫວຽດນາມ ປະຈໍາ 4 ແຂວງພາກໃຕ້ລາວ ພ້ອມດ້ວຍຫົວໜ້າ ຄະນະປະຕິບັດງານພິເສດ 3 ແຂວງພາກໃຕ້ລາວເຂົ້າຮ່ວມ.

May be an image of 9 people, dais and text

ທ່ານ ພົນຈັດຕະວາ ໂຊກໄຊ ພິມມະລາ ຫົວໜ້າການເມືອງ ກອງບັນຊາການທະຫານ ແຂວງອັດຕະປື ຫົວໜ້າຄະນະປະຕິບັດງານພິເສດແຂວງ ໄດ້ຕາງໜ້າຄະນະກ່າວມອບອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍຊິວິດໃນປາງສົງຄາມ,​ໂດຍປະຕິບັດຕາມສັນຍາຂອງ 2 ລັດຖະບານ ແລະ ບົດບັນທຶກຊ່ວຍຈໍາລະຫວ່າງ 2 ຄະນະປະຕິບັດງານພິເສດ ລາວ-ຫວຽດນາມ ກ່ຽວກັບການຊອກຫາ ແລະ ຂຸດຄົ້ນອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍຊີວິດໃນປາງສົງຄາມຢູ່ລາວ ເວົ້າລວມ, ເວົ້າສະເພາະຢູ່ 3 ແຂວງພາກໃຕ້ລາວ.

May be an image of 10 people, dais and text

ເຊິ່ງເລີ່ມຊອກຄົ້ນອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ມາແຕ່ປີ 2023-2024​ ໃຊ້ເວລາ 7 ເດືອນ,​ ສາມາດຊອກຄົ້ນໄດ້ 8 ອັດຖິ ໃນນີ້ແຂວງ​ອັດຕະປື​ ຊອກຄົ້ນມີ 6 ອັດຖິ​ ແລະ ແຂວງ​ຈໍາປາສັກ 2 ອັດຖິ,​ ຜົນສໍາເລັດດັ່ງກ່າວແມ່ນໝາກຜົນຂອງການຮ່ວມມືຂອງ​ 2​ ລັດຖະບານ,​ ຄະນະປະຕິບັດງານພິເສດ 3 ແຂວງພາກໃຕ້ລາວ​ ກໍຄືຄະນະປະຕິບັດງານພິເສດແຂວງ​ ກອນຕູມ ສສ ຫວຽດນາມ​ ແລະ​ ປະຊາຊົນບັນດາເຜົ່າ,​ ເຊິ່ງມີມູນເຊື້ອສາມັກຄີແບບພິເສດຮອບດ້ານມາແຕ່ດົນນານແລ້ວນັ້ນໃຫ້ໃສແຈ້ງຈະເລີນງອກງາມເບັ່ງບານຕະຫລອດໄປ.

May be an image of 11 people, dais and text
ທ່ານ ນາງ ອີ່ ງັອກ ຮອງປະທານຄະນະກໍາມະການປະຊາຊົນແຂວງ ຫົວໜ້າສະເພາະກິດແຂວງ​ກອນຕູມ​ ສສ​ ຫວຽດນາມ​ ໄດ້ຕ່າງໜ້າຄະນະກ່າວຮັບ ແລະ ລົງນາມ ເຊັນບົດບັນທຶກການມອບ-ຮັບຢ່າງທາງການ ໂດຍມີຜູ້ແທນທັງສອງຝ່າຍເຂົ້າຮ່ວມເປັນສັກຂິພະຍານ ແລະ ຈັດສົ່ງອັດຖິຂອງທະຫານອາສາ ສະໝັກ ແລະ ຊ່ຽວຊານຫວຽດນາມ ກັບຄືນປະເທດຢ່າງສົມກຽດ.