ເບສະຫວັນ ເອັຟຊີ ກາຍເປັນທີມທໍາອິດປ້ອງກັນແຊັມ ລາວຟຸດຊໍ ລີກ ໄດ້ສໍາເລັດ

23

ຖືວ່າກວາດໄປເກືອບໝົດສໍາລັບ ເບ ສະຫວັນ ເອັຟຊີ ສາມາດປ້ອງກັນແຊ້ມ ແລະ ເປັນແຊັມ 2 ປີຕິດຕໍ່ກັນ ພ້ອມກວາດອີກ 3 ລາງວັນດີເດັ່ນ ຄື ຄູຝຶກດີເດັ່ນ,ຜູ້ຮັກສາປະຕູດີເດັ່ນ ແລະ ນັກກິລາຊົງຄຸນຄ່າ ຫຼື MVP ໃນການແຂ່ງຂັນກີລາຟຸດຊໍລາຍການ ລາວ ຟຸດຊໍລີກ ລະດູການ 2024 ຫຼື ລາຍການ Lao Futsal League 2024
ສະໂມອນ ເບ ສະຫວັນ ເອັຟຊີ ນຳທັບໂດຍທ່ານ ບຸນມີ ຫຼ່ຽມໄຊຍະຈັກ ປະທານສະໂມສອນ ເບ ສະຫວັນ ເອັບຊີ ແລະ ທ່ານ ບຸນມີ ໄຊຍະວົງ ຮອງປະທານສະໂມສອນດັ່ງກ່າວ ພາທີມສ້າງຜົນງານໄດ້ຢ່າງໂດດເດັ່ນ ຄອງແຊັມ ລາວ ຟຸດຊໍລີກ ລະດູການ 2024 ຫຼື ລາຍການ Lao Futsal League 2024 ສອງສະໄໝຕິດຕໍ່ກັນ.
ການແຂ່ງຂັນ Lao Futsal League 2024 ຈັດຂຶ້ນເກືອບສອງເດືອນເຕັມ ມື້ນີ້ 2 ມິຖຸນາ 2024 ກໍມີພິທີປິດ ເປັນທີ່ຮຽບຮ້ອຍ ແລະ ນັດຊີງຊະນະເລີດເປັນ ເບສະຫວັນ ເອັຟຊີ ເອົາຊະນະ ເອັສທີທີ ເອັຟຊີ ໄປຂາດລອຍ 10-3
ສໍາລັບ ບົດສະຫຼຸບມີດັ່ງນີ້:
– ອັນດັບ 1 ຊະນະເລີດ ເບສະຫວັນ ໄດ້ຮັບຂັນແຊັມ 1 ໜ່ວຍ ພ້ອມຫຼຽນຊະນະເລີດ ເເລະ ເງິນລາງວັນ ຈຳນວນ 50.000.000 ກີບ
– ອັນດັບ 2 ຮອງຊະນະເລີດ ເອັສທີທີ ໄດ້ຮັບເງິນລາງວັນ ຈຳນວນ 25.000.000 ກີບ
– ອັນດັບ 3 ຊີໄອທີ ໄດ້ຮັບເງິນລາງວັນ 10.000.000 ກີບ
ຂະນະທີ່ລາງວັນບຸກຄົນດີເດັ່ນມີດັ່ງລຸ່ມນີ້
– ລາງວັນ ຜູ້ຮັກສາປະຕູດີເດັ່ນ ບຸນເພັງ ຂາວພູມີ ຈາກ ສະໂມສອນ ຟຸດຊໍ ເບສະຫວັນ Bay Savanh FC
– ລາງວັນ ຄູຝຶກດີເດັ່ນ ສົມພອນ ສຳເພົານົນ ຈາກ ສະໂມສອນ ຟຸດຊໍ Bay Savanh FC
– ລາງວັນ ນັກກິລາດີເດັ່ນ ຄໍາຜາ ພິພັກຂະວົງ ຈາກ ສະໂມສອນ ຟຸດຊໍ Bay Savanh FC
– ລາງວັນນັກກິລາຍິງປະຕູສູງສຸດ ຈັນສະຫມອນ ພົມມະລີວົງ ຈາກ ສະໂມສອນ ຟຸດຊໍ ເອັສທີທີ, ຍິງປະຕູໄດ້ 25 ປະຕູ
ຂອບໃຈຮູບຈາກ: ສຕລ