ຍິນດີກັບ ພາຍຸ ທີລະຊາດ Oishi Teen Idol Season 2

46

ວ້າວ! ຂໍສະແດງຄວາມຍິນດີນໍາເດີ ກັບຜູ້ຊະນະເລີດໂຄງການ Oishi Teen Idol Season 2  T-07 ນ້ອງ ພາຍຸ ທີລະຊາດ ຈາກທີມໂຄສ Taiy Akard ນັ້ນເອງ.

อาจเป็นรูปภาพของ 4 คน, หน้าม้า และ ข้อความ

ພາຍຸມີຄວາມສາມາດຄົບເຄື່ອງ ສະເໜ່ອັນເຫຼືອລົ້ນ ເໝາະສົມທີ່ສຸດກັບຄຳວ່າ Idol! ແລະ ນ້ອງພ້ອມແລ້ວທີ່ຈະສ້າງສັນຜົນງານໃຫ້ກັບທຸກຄົນໄດ້ຕິດຕາມໃນການເດບິ້ວເປັນສິລະປິນພາຍໃຕ້ສັງກັດ Miracle Music ນໍາອີກ.

อาจเป็นรูปภาพของ 2 คน และ ข้อความ

ມື້ນີ້ຂ່າວບັນເທີງເອງໄດ້ນໍາເອົາພາບແຫ່ງຄວາມປະທັບໃຈນີ້ມາຝາກມາຕ້ອນແຟນຂ່າວທຸກຄົນນໍາອີກ ປະມວນພາບແຫ່ງຄວາມປະທັບໃຈ ຈາກຄໍ່າຄືນຮອບຕັດສິນຂອງ Oishi Teen Idol Season 2 ໂຄງການຄົ້ນຫາໄອດໍ້ໜ້າໃໝ່ ໂດຍຈົບກັນໄປແລ້ວສຳລັບການແຂ່ງຂັນຮອບຕັດສິນຂອງ Oishi Teen Idol Season 2 ເຊິ່ງມີຂຶ້ນໃນຄໍ່າຄືນຂອງວັນເສົາທີ 25 ພຶດສະພາ 2024 ທີ່ຜ່ານມາ ທີ່ຫໍວັດທະນະທຳແຫ່ງຊາດ ນະຄອນຫຼວງວຽງຈັນ.

อาจเป็นรูปภาพของ 4 คน, หน้าม้า และ ข้อความ

ໃນຮອບສຸດທ້າຍນີ້ ຜູ້ເຂົ້າແຂ່ງຂັນທັງ 11 ຄົນທີ່ຜ່ານເຂົ້າມາຮອດຮອບນີ້ ຈະໄດ້ສະແດງມິນິຄອນເສີດຂອງຕົວເອງ ເຊິ່ງແຕ່ລະຄົນກໍງັດເອົາໄມ້ເດັດ ຄວາມສາມາດທີ່ມີ ແລະ ຄວາມເປັນຕົວເອງອອກມາແບບສຸດໆ ເພື່ອໃຫ້ຜູ້ຊົມ ແລະ ຄະນະກຳມະການໄດ້ເບິ່ງ ກ່ອນທີ່ຈະສາມາດເລືອກໄດ້ຜູ້ທີ່ເປັນທີ່ສຸດຂອງຄໍ່າຄືນນີ້ ເຊິ່ງຜ່ານການສະແດງ, ທາງຄະນະກຳມະການກໍໄດ້ລົງຄະແນນໃຫ້ກັບນ້ອງຄົນຫຼໍ່ T07 ພາຍຸ ທີລະຊາດ ທະຍາບຸດ ເປັນຜູ້ຊະນະ ກາຍເປັນ Oishi Teen Idol ຄົນໃໝ່ ເຊິ່ງ ພາຍຸ ແມ່ນໜຶ່ງໃນສະມາຊິກຈາກທີມ coach ຕ່າຍ ອາກາດ ນັ້ນເອງ.

ພ້ອມນີ້, ກໍໄດ້ຮັບເງິນລາງວັນມູນຄ່າ 111.111.111 ກີບແລ້ວ ກໍຍັງຈະໄດ້ເຊັນສັນຍາເປັນສິລະປິນໃນສັງກັດ Miracle Music ອີກດ້ວຍ ຂ່າວບັນເທີງເອງຕ້ອງຂໍສະແດງຄວາມຍິນດີນໍາສຸດໆເລີຍ.